|
رد: مودڪ ڪيف آليووم .. بـ قصيده ••
ياللي ملكت العقل والقلب والعين وش باقي عندي يا غلا ما ملكته؟؟!! لو بيدي اقسم روحي لرضاك قسمين والاّ العمر بيني وبينك قسمته تبغي الصراحه وين تسكن معي وين امن البدايه اللي اجمعتني بك انتَ؟؟!! شفتك ولبّى العقل يا كامل الزين جنّنت عقلي وفكري اللي شغلته حلّيت لبّ القلب وعرق الشرايين حتى غدى قلبي أسيرٍ أسرته أسرتني باللطف والعطف واللين وافي وصافي بطيبك اللي عرفته خيّطت عيني عن حلاها المزايين حتّى الحلا وتاجه يا خلّي أخذته!! ان شفت روحي في المرايا ليه اتبين امحال يمر يومي وطيفك ما شفته هذا وعد منّي وعهد حرّ كالدَّين لين الحشر يبقى معي ما نكرته ظرف الزمن والبين وحكي المواشيين لا ما يهموني وانا الحب صنته |
رد: مودڪ ڪيف آليووم .. بـ قصيده ••
تقدم الدنيا لنا درس ٍ جديد بكل يوم
والناس تسلم من غثا الدنيا بحفظ دروسها !! وعلى حسب حفظ المواجيب وتعاليم السلوم نعرف مقاسات البشر بالمرجله ونقوسها صيت الرجال الوافيّه بأفعالها .. ولا ّ الرخوم ينبيك عنها : قل نفعتها وشين نفوسها تطرد ورى الدنيا وتكشخ بالمواتر والهدوم مثل ( الحريم ) أغلب دراهمها على ملبوسها والإمعه والشايب الكذّاب وضعيف العزوم ناس ٍ مع العالم بلا هيبه تدربي روسها !! والبخل : خلاّنه بهايم !! لا تسام ولا تسوم لا شفتها ترفع يدك حمد وشكر وتبوسها على الصحن هم أول الجلاّس وآخر من يقوم يعيّفك حلو الاكل والشرب طول جلوسها ماهيب لللازم سند ولا ذخر عند اللزوم تموت ماسرّك مهايطها وكثر فلوسها وسوالف الخبلان .. رفعة ضغط وصداع وهموم فلاوة ٍ تخطّف علوم العرب وتحوسها واجب عليك إليا حكت عن جملة حكاها تشوم الهند ما يرأس حكومتها سوى هندوسها وربع المصالح والمجامل خوة ٍ ماهيب دوم اقولها والتجربه قطع وريدي موسها وقت الرخا .. مثل الصقور اللي على المرقب تحوم فيّ ٍ يذّري ساقك الرمضا وحر ّ شموسها وإليا احتمت صكّات بقعا وامست علومك علوم اتلوّي خششها وتجحد خوّتك وتدوسها من عقب ما انت الطيّب وقدرك معزّز ومحشوم تصير اردى ما خلق ربي ودم ضروسها أبعد عن الأشكال ذي .. بعد الثرى عن النجوم وش حاجتك في قرب رديان العرب ونجوسها ماهوب عيب إليا عزموك تقول يالربع .. معزوم ! العيب : لارحت لعزايمها وجيت عروسها وخلّك فطين تعلّمك دنياك درس بكل يوم والرجل يسلم من غثا الدنيا بحفظ دروسها !! |
رد: مودڪ ڪيف آليووم .. بـ قصيده ••
ياصاحبي لاعاد تنشد عـن الحـال نشدتك عن حالي تزود جروحيـي لاصار مافي يدك تعديـل الاحـوال مالك ومال همـوم قلـب ينوحـي انـا لـي ايـام طويـلات وليـال ادفن جميع جروح روحي بروحـي الوقت ناره بالحشا تشعـل اشعـال والحظ لايبصر ولاهـوب يوحـي العام ضـاق الصدرواليـوم لازال همي يساقيني غبـوق وصبوحـي قد قلت لك قدامـي دروب طـوال وساق على قطع الفيافـي شفوحـي كانت لي احلام عريضات وامـال يومـن بـراق السعـادة يلوحـي ياما ضربت بواقعي نايـف الجـال ويامابنيت من الامانـي صروحـي وياما رفعت لبعض الازوال تمثـال وياما لجل غالي حشمت النبوحـي واليوم يوم الوقت ياصاحبي مـال ياقرب هوماتي وياقصـر شوحـي |
رد: مودڪ ڪيف آليووم .. بـ قصيده ••
بالفكر مافكرت في غيـره ابـد ولاأرضئ لحبّي في خيانه أوبعاد روحي بروحه في فؤادي متّحد وكيف اناخالف لروحي والفؤاد يزيدحبّـي لـه ويتجددبـجـد وكلّما جا يـوم جـا حبّـي وزاد اذا تخيّلتـه بحـس انّـه وفد ولو تيقّنـتـه يغطيـنـي وداد هوه شي منّي وفينـي بالجسـد بالجسد والروح ميـزان اتحـاد تداخلـت فينا الامانـي بالعمـد واصبح المطلوب واحدوالمـراد ولو تضايقنا الوشايـه والحسـد بقّوة الايـمـان نتحداالـشـداد انا على مانامـدد حبّـي مـدد اناعلى مبداي من دون ارتـداد للوفا بالحـب مخلـص لـلأبـد لأنني بالحـب سهـل الأنقيـاد إطمّنك ياروح بالـروح اعتمـد اعتمـدوالله عليـه الاعتـمـاد |
رد: مودڪ ڪيف آليووم .. بـ قصيده ••
من عز نومي صحيت وشفت في عينـي
دمع تهادى علـى جفنـي وأنـا غافـي ستـرت دمعـي بـ كمـي قبـل يغرينـي وأخذت هذا الجسد مـن باقـي لحافـي وسريـت تايـه ورا خطـوات رجلينـي لا الوجه وجهي ولا أوصافي هي أوصافي أمشـي وأقـول لـ طريقـي لا توديـنـي لـ عيون ناس تبي تـدري عـن الخافـي أمانتـك.. خلهـا مـا بينـك وبيـنـي خابرك يالـدرب خـوة عمـر وسنافـي مـا ودي النـاس تـدري وش يبكينـي كرامة النفـس ورث أبـوي و أسلافـي أمشي وأحس الخناجـر فـي شرايينـي والبرد يمشي وراي وينهـش اطرافـي وحيـد واللـيـل بـردونـه يغطيـنـي تقـول كـن البلـد روح بهـا السافـي إلين ما أوحيـت لـي صـوت ينادينـي صوت أعرفه مثل ما أجهل وش خلافـي قمـت أتلفـت و انــادي لا تخليـنـي ما غيره.. الصوت هذا صوتـه الدافـي ولمحت زوله من أقصى الـدرب لافينـي مدري وش اقول لكن حـي هـا اللافـي تعال.. شف غيبتك كيـف أثـرت فينـي تعال.. شفني وأنا أغرق عقب مجدافـي تعال.. خذنـي ورحبـي مـن عناوينـي تعبت أعدي على جمـرك وأنـا حافـي تعال واقطف بصوتـك زهـرة سنينـي كـل المواعيـد عقبـك شمعهـا طافـي تعـال وازرع خصـل شعـرك بكفينـي بضمهـا ليـن أحـس بليلـك الظافـي تعال وشفيـك خايـف؟ أنـت ناسينـي؟ قطعت صوتـي عليـك وطـال ميقافـي حتى بديت أشعـر أن الحـب معمينـي وان أنت حلم عثى فينـي وأنـا غافـي لكن أمانـة تـرى اللـي فـي كافينـي إن رحت منك كذا مـا رحـت متعافـي بصـدق الحلـم وأحـذر لا تصحيـنـي في خاطـري كلمتيـن إن قلتهـا كافـي أمانة الله عليك إن غبـت عـن عينـي لا يكون قلبك مثل قلـب الزمـن جافـي مع كـل دمعـة تذكـر رعشـة يدينـي ومع كل ضحكـة تذكـر قلبـي الوافـي |
رد: مودڪ ڪيف آليووم .. بـ قصيده ••
بين جرح الشعور وبين جرح الصيام * حاجزٍ لو كسرته ضاع كل تعبي
إيه صايم عن طروق الهوى والغرام * مع كتاب الله المنزل وهدي النبي وأنت ياللي تقول الشعر ماهو حرام * يا كبر شرهتي مدري يا كثر عتبي ل/ رمضان الله يشرفه قدر ومقام * حالفٍ ما اكتبه في لابسات العبيّ فوقي من الخطايا والذنوب الجسام * ما اثقلت خطوتي بعد انهكت منكبي لا عرضت في عيوني كن مالي عظام * كل ما جيت اوقف طحت على ركبي...إلخ |
رد: مودڪ ڪيف آليووم .. بـ قصيده ••
عقب المتاهات هذي .. استحق استريح ............... ابطفي انوار عيني .. واسدل ستارها .! خلوني اصد .. دام الصبر عندي شحيح ............... مالله خلقني من الصحرا وصبارها ماعاد فيني اوقف لجل اوقف واطيح ............... اشوف لي من ملامح .. بحفـظ اوقارها اخطيت .. بس الخطا كان بعيوني صحيح ..................... وكل الخطايا بريئه قبــــل تكرارها الله يسامح غلوي .. بالغرام و يبيح ............... من صارلي اغلب احلامي .. ولا صارها ليه اكتب الشعر .. واوراقي مداهيل ريح ............... تطير لبشع جروحه اجمل اشعـارها !! من غاب عني .. وانا اغتابه بكل المديح ............... اصغر اكبر اذنوبه .. ببسط اعذارها مايسمعك من بغا مايسمعك لو تصيح ............... كم لي وانا مهمل دروبي وخطارها صرت اتبسم على حزني .. وقلبي جريح .............. كبر المصايب تضحكني بأصرارها سعد بن هندي http://www.5foq.com/vb/5foq/smile/266.gif +http://www.5foq.com/vb/5foq/smile/277.gif |
رد: مودڪ ڪيف آليووم .. بـ قصيده ••
يالله عفوك يوم تصفية الحساب
،،،، يومٍ حصاد لما زرعنا في السنين يوم الحشر قرب ولا معنا زهاب ،،،، اليوم في الدنيا وبكره راحلين نجني ذنوب ونرتجي عفو وثواب ،،،، وعلى نصر ربي لنا مستعجلين تدرون ليه امالنا كنها سراب ،،،، تدرون ليه النصر سيف الاولين الاولين اعمالهم وفق الكتاب ،،،، قاموا عليه وباعوا الدنيا بدين وحنا غفلنا بين ما لذ وطاب ،،،، والنصر سيفٍ مايسله غافلين نصبح على شوف انتهاكات وخراب ،،،، ونمسي على دمع وتنهات ونين بصدورنا شي تذوب اله الهضاب ،،،، وافعالنا والواقع رياح ..وطحين وعلى العيون من الفتن مثل الضباب ،،،، معد درينا من يسار ومن يمين ما للضعيف الا الدعا لو مايجاب ،،،، ماغيره الا الشوف مكتوف اليدين يالله زلزل تحت الاعداء التراب ،،،،والطف بنا واحقن دماء المسلمين ندوعك ياقادر على جعل السحاب ،،،، جيش لنصرة قلةٍ مستضعفين اغرقهم بنوع من انواع العقاب ،،،، غرق الغلام اللي يحسب انه فطين لوما عصى نوحٍ نجا به في رحاب ،،،، سفينته وامضى معه في العمر حين لكنه اختار الخساره والذهاب ،،،، اصنع بهم صنعك به وانت المتين والا اخذهم يامجري ٍ سود الحقاب ،،،، اخذ العجوز اللي بقت في الغابرين ذوقهم اللهم انواع العذاب ،،،، اللي عثوا في ارضك امن المفسدين والطف بمن لبسوا من التقوى ثياب ،،،، عبادك المستهدفين المتقين تكالبت عليهم انياب الذئاب ،،،، ولا غير عونك يامعين الصابرين من بينهم شيبه يعجزون الشباب ،،،، من وقفته من طولها. في الركعتين ومن بينهم بنت تون بلا حجاب ،،،، احجابها لفوا به الجرح المكين تصيح ما هو من ألم ولا صواب ،،،، تبغى الحجاب اللي خذوه المسعفين وطفلٍٍ عن عيون امه الثنتين غاب ،،،، تبكيه عين وتلتفت لأخيه عين من هول مايجري لهم شاب الغراب ،،،، ياوسع حلمك وانت مافوقك مدين ادعيك وانت ادرى بحال اهل المصاب ،،،، وامد كفي لك يا اكرم الاكرمين للشاااعـــر بن فطيــس |
رد: مودڪ ڪيف آليووم .. بـ قصيده ••
لا تشتكي من جور الأيام للناس
ادفن همومك في ثرى الصمت كله اسرار عمرك خلها تحت الأنفاس لا صار هراج القفى ما فطن له هذاك يفرح لالمس جرح الاحساس وهذا مناه اليا لقا فيك عله جو الربيع بعجة الصيف ينحاس لا جت هروج ماتجي في محله داعب هموم الليل لاهب نسناس وعطه الخبر من قلب خل لخله قله حبيبك ماوطا قلبه الياس حتى عذابك بالهوى جايز له ان زانت الأيام ياشوق لاباس والا صبرنا لين ربك يحله |
رد: مودڪ ڪيف آليووم .. بـ قصيده ••
زرعت الطيب في قلب " الحجر " وإستغرَب الفَّلاح ..
قفل حظي مع " الفرحه " .. ألاقي ويييين مفتاحه ؟ تعب : لا كنت في ظلم السجون وضايع المفتاح معاك الحق لكن " العدل " .. ما فاد مصباحه عتب : لا صار يتبشَّر صديقك .. والألم صدَّاح وعدوِّك كان في لحظة سقُوطك , تنزف جراحه |
رد: مودڪ ڪيف آليووم .. بـ قصيده ••
هو فيه مثلك .. ياللي الحسن ظلك
ليه العطر ؟! وانتي انفاسك دخون وليه الكحل وانتي ماغيرك عيون وليه تفكيرك يكون انك تكوني دايم اجمل انتي اجمل من جمالك من دلالك من خيالك ياللي كل افراح قلبي والحزن في المسافه بين فرقاك ووصالك وليه يالقلب الحنون تاخذك فيني الظنون ضيعتي عدلك .. هو فيه مثلك .. ؟! انتي ماغيرك عيون وانا احبك .. وانتي انفاسك دخون ياللي احبك .. ليه احبك ؟ او ليه ماحبك .. ؟! وانتي علّمتيني ان الحب كله اسئله ما تنتهي ليه ما احبك .. ؟! وانتي علّمتيني ان الحب لا غدا لمثلك .. ابد ماينتهي ياللي علّمتك عذابي والهجر .. ليه ما احبك ؟! ياللي علّمتك تكوني ..في ضعف ضعفك .. اقوى مني يا انتي ضحكاتك تغني .. وابتساماتك شعر يا انتي ضحكاتك تغني .. وكل ما شفتك اصر انك اجمل من جمالك .. من خيالك .. من دلالك على حبك انا .. بقفل ابوابي وبطيوفك انا.. بسقي اهدابي يا انتي .. يا انتي احبابي |
رد: مودڪ ڪيف آليووم .. بـ قصيده ••
انا اللي يابعد عمري بقول اسف ولو ما اخطيت
لان اكبر خطا منك صغير بجمب غلطاتي ابد ماني بقايل لك ترفق ليه وشسويت قل اللي ودك بقلبك تقوله واترك سكاتي ل / خلف بن مشعان |
رد: مودڪ ڪيف آليووم .. بـ قصيده ••
انا شفيني .. احسّك دمع في عيني غريب الهمس في صوتك.. معك كنت اسمع اللي ماتقولينة من سكوتك معك كنتي تقوليني موصح كنتي تقوليني ....؟! تعالي بس .. انا مستوعب اني مفارق الليلة انا من امس ماطلت بعيني شمس ادور وجه اشكيلة موصح فراق .. مو صح حنا بعد هذا اللقا مانلتقي الا على الاوراق؟ انا وياك اشتاقك .. دخيلك كيف انا بتحمّل فراقك .. ولا اشتاق تعالي وانزعي من صدري اشواقك وضميني مدام الليلة فراقي تعالي نمشّي الماضي على اشواقي ابتذكر سوالفنا ويوم اسئل .. تحبيني ..؟ وانا ادريبك تحبيني .. ولكني احب دايم .... اصحّي الشوق في قلبك اذا نايم واضيع بصوتك واسئل انا ويني .. وانا هايم ... معك وانتي بهمساتك تصحيني تعالي بس ابى ذكرى انا محتاج لك الليلة الليلة لجل بكرا تعالي نذكر المستقبل اللي جاي واحييني عساي القاي تعالي نزرع البسمة على ذكراي عسى في غيبتك نرجع انا وياي واجمعك دخيلك وفّري دمعك .. تعالي انطيح من عيني ؟! |
رد: مودڪ ڪيف آليووم .. بـ قصيده ••
جابوك جداني كبيرين البخوت + ورداك مهما كان محسوب ٍ علي
|
رد: مودڪ ڪيف آليووم .. بـ قصيده ••
عقبال ياماخذ فؤادي مية عام ..
.. ضيعتني منك وانا ما اهتديتك لا ..ما نسيتك كيف بانساك ما دام .. .. ذكرى الفراق تهزني لو نسيتك حبك قدر وانا على دين الاسلام .. .. مكتوب في وجه الجبين ورضيتك لك في الضمير الود والحشمه اتوام .. .. ولي في ضميرك مثل ما انا بغيتك ولك منزلٍ في نايف القلب وخيام .. .. وذود الغلا ترعاه ولا شكيتك يفطر عليك القلب وان فارقك صام .. .. والله لونك شوك سدره كليتك القلب طيرٍ لادعي للهوى حام .. .. والا انت وكره من كثر ماهويتك كن العيون من النظر عقبك ايتام .. .. وكني ماريت الا انت من يوم ريتك وكنك معي وانا فقدتك من اعوام .. .. مع الخيال القاك كني لقيتك من صعب وصلك ما تهنيتك احلام .. .. وان جابتك فزيت شوق ومحيتك يعني وصالك صعب واهدافي اوهام .. .. يعني زرعتك للقدر ماجنيتك صبرك يقولون العرب كل الايام .. .. يوم عليك ويوم لاجاك جيتك ويا قلب ياللي ورثك اجروح وآلام .. .. بليتني ماهو بانا اللي بليتك ولعتني من عادني في الهوى خام .. .. واسرفت بي وانا خطامك عطيتك طعتك وزبدة طاعتك هم وهيام .. .. مالله كتب لي واستخرت وعصيتك لوللقلوب اسواق بايع وسوام .. .. لاابدلك وان جيتني ماشريتك والا انت ياللي جيش عينيك مقدام .. .. لا اقنعت منك والرجا مارجيتك كني سجين بين..افراج ..واعدام .. .. وكنك سجن وانا بنفسي بنيتك تنبيك عن حالي محاصيل الالهام .. .. وتخبرك نظراتي نهار التقيتك عقب الوصال اللي على عين من لام .. .. قدهو يكفيني عن الوصل صيتك وقدني الى مريت بالشارع العام .. .. لديت من ما في الضمير ودعيتك ادري ان صوتي ماقطع عشرة اقدام .. .. وادري بي اعود الى من نصيتك ياشينها يامحنيٍ راس الابهام .. .. ماقدر على شوفك وانا عند بيتك الاعمار ما تضمن وانا اخاف الاحكام .. .. ارثيك خاف اودعك ما رثيتك |
| الساعة الآن 02:40 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.