|
الاخت / البريئه * * * جلست وقرئة رودوك وحالتك انت الظاهر كنت تبلسي بالزواج ملابس تكون ملفته للنظر اكثر من غيرك .. او انها تبين جسمك بشكل ملفت للغير .. حالتك ومثل ما قالوا الأخوان والخوات هي (( عين )) انا كنت اتوقع ان معك رهاب الزحمه لكن انت تقولي انها جتك في يوم فجأه صدقيني حالتك عين ونصيحه تروحي لشيخ وانا انصحك اكثر في شيوخ التصور يكون في هذه الحلات افضل وانشاء الله ما تشوفي شر وربي يشفيك .. تحياتي |
بعيد الشر عنك يالبريئه ومعليش مادريت عن موضوعك توني انتبهله قاعد ادوج فالمنتدى وحصلته . . . . . . . . وحالتك هذي مثل ماقالو الاخوه ( عـيـن ماصلت على النبي) وصايبتك من اقاربك قد صارت وفي ذمتي لواحد من عيال عمي بس انتي ضيقه وهو عيونه كل ماجت مناسبات من بكره عيونه تصير حمر حمارها غير طبيعي تقعد تقريباً ثلاث ايام او اربع واستعمل انواع الادويه والقطرات ولافاد قعد على هالحال سنه واربع شهور بالضبط .. ائيس من علاجها واقترحو عليه بعض الاقارب المقربين اشد القرابه يروح لشيخ او قارئ يقرا عليه وراح وقرا عليه الشيخ وقاله لاحصلت مناسبات رح للقهوجي واخذ منه غسال الفناجيل لو تعبي جيك 3 لتر ماهيب مشكله اهم شي يكون غسال فناجيلهم وجبه وحصلت مناسبه وانا ياكاتب لك معبي له الجيك ومتأكد ان الفناجيل كلها ماره على حوض الماء بتفاقي مع اللي يغسلهن..وعطيته الجيك من بكره وداه لشيخ وقرا الشيخ فالغسال يوم قضى قاله رح وغسل وجهك منه وانت تغسل اقر في نفسك ونفذ ولد عمي ماقاله الشيخ لين قضى الغسال..وبكل غسله يقرا على نفسه بعد اسبوعين جت مناسبه كبيره ( تمايم ) وحضر ولد عمي من بكره عيونه كماهي لاحمار ولا دمار تشافي بفضل الله ثم الغسال..! صار اللي فيه ( عين ما صلت على النبي ) . . . . . واقترح عليك تنفذين ماقاله الشيخ لولد عمي لاحصل لكم مناسبه اخذي غسال فناجيلهم وعبي لك منه جركل..ولاكن لاتغسلي وجهك غسلي جسمك كله لأن اللي فيك ضيقه وابن عمي عيون لاكن وانتي تغسلين اقري على نفسك ولاتنسي الغسال لزوووم يكون مقري فيه وعسى الله ينزل عليك العافيه ومعليش الأطاله مسكتك خط |
الله يشفيك ان شاء الله بس يمكن مو حسد يمكن شئ نفسي
يعني انتي من النوع الاجتماعي اذا فقدتي الجمعه يصير معاك الضيقه هذي ولا تحطي في بالك هالشئ لانك راح تشكي في نفسك وتستنين اليوم الثاني عشان تضايقين حالك تصيري متعوده تعوذي من بليس صيري اقوى من الضيقه لو انها عين ما تقدرين تمشين ولا تفتحين عيونك ولا تتكلمين كانه مغمى عليك ولا تنفع فيك ادويه انا من النوع هذا انتي مثل ما قلت نفسيا تقبلي مروري عزيزتي |
., ,. البريئهـ أسعد اللهـ أيامكـ بكلـ خير ., ,. أولا اللهـ يبعد عنك الضيقه و الهم و الغم و الكدر ., ,. ثانياً أي موقف إجتماعي يمر فيه الإنسان بغض النظر وش هو هالموقف الي يمر فيه تجي حاله من الضيق أو من البسطه و الراحه يمكن تكون بكثره و يمكن تكون بقله ., ,. ثالثاً الي مضيق خلقك و ساد نفسك ومحسسك إنك مهمومه (( كثرة التفكير )) التفكير الزايد يسبب مشاكل كثيره كثير ::: مثلا :إنتي رحتي عرس ورجعتي منه { أنا متأكد مليون بالميه إنك بتفكرين << وش بتفكرين فيه تقولين ياليتني سويت هالحركه الي بشعري يا ليتني أخذت لون الفستان وتقولين والله قهر لقيت وحده عليها مثل فستاني و يمكن اللون بس بس عاد وش نقول في الإنسان بشكل عام يحب كل شي لنفسه وعاد إنتم يا البنوتات الله يحميكم اذا رجعتم للبيت تكملون السهر و هذا غلط } ::: ., ,. طبيعي جدا انك تتضايقين باليوم الثاني لأنك كنتي (( ترقصين وتلعبين وتاكلين و و وغيره )) فجسمك يبي يرتاح راحه كامله و السبيل لأن جسمك يرتاح يمكن نفسك تجبرك على إنك مهمومه ومتضايقه ولا انتي بالواقع غير كذا )) ., ,. أحد مميزات النفس الإنسانيه إذا ما قدرت تحقق رغبه من رغباتها تلجأ لطريق إصطناع المرض النفسي أو الجسمي قد تكون إيجابيه و قد تكون سلبيه . . و طبعا على حسب الشخص تتفاوت حدة القلق و الإكتئاب . . بس تأكدي إن الي يجيك يجي لأي إنسان , , , طبيــــــعي ., ,. البريئهـ عودي نفسك إذا جيتي من مناسبه لا تفكرين أبدا ابدا ريحي بالك و بترتاحيييين لأن التفكير هو بداية الضيقه و الكدر . . . ., عودي نفسك إنك ما تحسسينها انك متضايقه ,. ., أسف طولت بكلامي إعذريني تخصصي علم نفس فحاب أساعدك با الي أقدر عليه و الأهم و المهم لا تغفلين الجانب الديني لأن فيه صلاح الروح و إمبساط النفس و إنشراح الصدر ., ,. دمتي بخير |
اقتباس:
روووج احمــر الله يسعدك حبيبتي مشكوره على كلامك وربي انبسطت ان في احد مثلي يحس بمعاناتي..انا تجيني ضيقه بس مو لدرجة البكاء يمكن لاني احاول امسك نفسي..وانشغل بشي ثاني غير التفكير..!! بس مسألة اني اروح لشيخ صعبه بالنسبه لي ماسويتها من قبل..بس ان شالله رح اخلي احد يقرا علي.. مشكوره على اضافتك الحلوه :01001: |
اقتباس:
ضحية صمت مشكوره حبيبتي والله يشفي الوالده وتقوم بالسلامه وطمنتيتني كنت احسب اني لحالي!! مشكوره مره ثانيه |
اقتباس:
قاســي القلب ليش مسمي نفسك هاللقب؟وانت بالعكس طيب القلب! :) ومرورك وردك على موضوعي يعني انك طيب وتحب تساعد الناس !! بالنسبه لحالتي..انا ملابسي عاديه..يعني ما اتعمد اني الفت الانظار لي..! ولاهي ضيقه..عاديه جدا وبسيطه..وانيقه!! الاعضاء اقنعوني انها عين..وانا حاسه بهالشي فعلا لكن المشكله تكمن في صعوبة الذهاب لشيخ..!! والله يعينني.. يعطيك العافيه..واشكرك على اهتمامك |
رد: تعرف وش سبب هالحاله...!!؟
الحـــر القطامي
الحمدالله على سلامة ولد عمك والله يحفظه من العين !! انا حاسه انها عين بس صعبه في الزواجات اجمع الفناجيل لانه محد يدري عني ..واهلي مايدرون عني وحتى لو دروا فهم مستبعدين العين تماما رح يقولون لي اقري ع نفسك ومافيك شي ان شالله فمسأله الفناجيل صعبه لكن اشكرك ع تجاوبك وتفاعلك مع حالتي والله يبعد عنا جميعا كل مكروه |
رد: تعرف وش سبب هالحاله...!!؟
,’
غاليتي قراءت حالتك و الردود في نصحهم كفايه و وقايه فالذهابـ للشيخ ليس بالأمر الصعب و إقناع الأهل أمر أسهل و ليس كل من يرقي نفسه ينجو من العين !! شفاك الله وعافاك و أبعد عنك كُل ضيقه و إن شاء الله مافيك الا كل صحه وعافيه حفظك الرحمن ,’ |
رد: تعرف وش سبب هالحاله...!!؟
سلامتك ياقلبي..
مثل ماقالوا لك دايم حصني نفسك بالاذكار حتى لو مافي مناسبه لان غير العين في شي ثاني ..مو عارفه اوضحه لك بس مثل احد يبغاك يعني نفسه متعلقه فيك ..واعذريني مو عارفه كيف اوضحها لك بس يمكن تكون سبب لان وحده من بنات خالاتي صار فيها كذا والحمدلله الحين احسن ..لانها صارت تقول الاذكار دائما وكانت امها تقرا عليها دايم .. وربي يحفظك ومن العين يحرسك وربي يسعدك بحياتك |
رد: تعرف وش سبب هالحاله...!!؟
انا قبل كان فيني نفس الحاله بس اكتشفت ان السبب اني اعطي الامور اكر من حجمها مثل لما اسلم على واحد مملوح شيف نفسه تاجر فقير افكر كثير وليه سلمت كذا وليه مشيت عند فلان كذا
تقبل طرحي ويمكن غير كذافيك بس اشكوا لله |
رد: تعرف وش سبب هالحاله...!!؟
اقتباس:
اخر كلامها دمعه انا صحيح اجتماعيه بس مو للدرجه هذي يعني اجتماعيه بس متوسطه ممكن اميل للوحده احيانا وممكن اميل للاجتماعات ع حسب المزاج انا ماحطيت في بالي هالشي ابد ولا فكرت فيه بس لاحظت اني ما اتضايق الا بعد الزواجات!! واكيد الواحد بعد الزواجات مايفكر الا بالوناسه !! مو شرط العين لازم اكون مشلوله لا اروح ولا اجي..في ناس قالوا انه عين بس على خفيف لاني اقرا على نفسي..!! وموشرط حالتي تشبه حالتك.. الله يشفيك ويشفينا جميعا مشكوره |
رد: تعرف وش سبب هالحاله...!!؟
اليـــوفي
((أي موقف إجتماعي يمر فيه الإنسان بغض النظر وش هو هالموقف الي يمر فيه تجي حاله من الضيق أو من البسطه و الراحه يمكن تكون بكثره و يمكن تكون بقله)) ليه كذا طيب..وش تفسير هالحاله؟ ((مثلا :إنتي رحتي عرس ورجعتي منه { أنا متأكد مليون بالميه إنك بتفكرين << وش بتفكرين فيه تقولين ياليتني سويت هالحركه الي بشعري يا ليتني أخذت لون الفستان وتقولين والله قهر لقيت وحده عليها مثل فستاني و يمكن اللون بس بس عاد وش نقول في الإنسان بشكل عام يحب كل شي لنفسه وعاد إنتم يا البنوتات الله يحميكم اذا رجعتم للبيت تكملون السهر و هذا غلط })) ابد موصحيح كلامك ما افكر كذا ليه ما لبست مثل فلانه وليه ماسويت كذا..بالعكس ارجع البيت وانا راضيه عن نفسي! ((طبيعي جدا انك تتضايقين باليوم الثاني لأنك كنتي (( ترقصين وتلعبين وتاكلين و و وغيره )) فجسمك يبي يرتاح راحه كامله و السبيل لأن جسمك يرتاح يمكن نفسك تجبرك على إنك مهمومه ومتضايقه ولا انتي بالواقع غير كذا )) جايز ممكن .. بس ما احس ان تعبي عشان هذا السبب..ولوكان كذا كان صار لي مع كل الزواجات..بس انا ماتجي لي الضيقه الا بزواجات الاهل..اما زواجات البعيدين عادي ارقص واستانس ولا اتعب! ((أحد مميزات النفس الإنسانيه إذا ما قدرت تحقق رغبه من رغباتها تلجأ لطريق إصطناع المرض النفسي أو الجسمي قد تكون إيجابيه و قد تكون سلبيه . . و طبعا على حسب الشخص تتفاوت حدة القلق و الإكتئاب . . )) معلومه قيمه..بس ما احس اني ابي احقق رغبه معينه وفشلت فيها لدرجة اني اصطنع.. المرض!! اليوفي اشكرك ع مداخلتك المهمه المليئه بالمعلومات القيمه..والله يوفقك في تخصصك صراحه مره حلو كان نفسي ادخل هذا التخصص بس النسبه ماساعدتني!! يعطيك العافيه |
رد: تعرف وش سبب هالحاله...!!؟
اقتباس:
البرفسوره مرحبا بك ياغاليه شاكره لك حضورك بس ماوضحتي رايك اكثر انا ماعمري رحت لشيوخ..والاهل رح يحطون لك الف عذر وعذر وهم مثلي يعني مايحبون يفسرون اي حاله على انها عين يمكن على بالهم ضيقه وتروح! وبعدين كيف ليس كل من يرقي نفسه ينجو من العين!!!؟؟؟ لوكان كذا كان محد قرا على نفسه..وكان الاذكار مالها قيمه!! وهالشي مستحيل..! |
رد: تعرف وش سبب هالحاله...!!؟
اقتباس:
ريـــم الماس الله يسلمك ياغلا اشكرك على نصيحتك..وانا دايم احصن نفسي بالاذكار.. وبالنسبه لتوضيحك مافهمته زين بس يالله اهم شي الاخلاق<<خخخخ ويارب يبعد عنك العين ويحفظنا وياك من كل شر |
| الساعة الآن 06:27 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.