|
رد: مودڪ ڪيف آليووم .. بـ قصيده ••
في [ سجّل العمر ] أبفتح لـﻸمل صفحه جديده قبل : أعيد آخر حسابات التفاؤل / في حياتي ! أمنياتي : في رجا اللي جزت عن رجوى عبيده يالله : إنك ، ﻻ تخّيب لي رجايه فــ أمنياتي ! |
رد: مودڪ ڪيف آليووم .. بـ قصيده ••
نعم .. . كثر التعب حاجه تؤدّي : لإنهيار إنسان !
و أنا ؟ ما أوعدك إنّي بـ أتم بـ عِشرتك ، واقف .. . أروح و يبقى لك عندي : معزّة ، و إحترام ، و شان ؟ أو أبقى بـ الكذب جنبك .. .و أنا من داخلي ~ عايف ! حشا ما جيت لك { شايل } .. . عشان أطلّعكْ غلطان ! و دليل إنّك مزّودها معاي ، وقلت : ما يْخاااالف . أشوف و أسكت و .. . أحزن ! أبيك تْحس بـ الأحزان ، و وضعي حيل جايز لك : - حزين و ساكت و شايف ! تجازف ~ في علاقتنا ولا .. . حسّيت بك ندمان ! خسرنا بعض ؟ - مو منّي ! أنا ما قلتْ لك : جازف . ترى ما خفت من بُعدكْ .. . ولا من غيبتكْ زعلانْ ! أنا واللـــه من قربك ، أحاتي [ غدرك ] و خايف . كثييييير أشياء صارت لي حزينه ، وموجعه أحيان | ولا شفتك تواسيني ! مع إنّك : تدري و عاااارف . ترى ما جيت أبكْسِر خاطرك ، لا قلت لك : تعبااااان ! و لا أظن تنهي جروحي حبيبي : قولتك { آسف } ~ حبيبي ؟ لأ ! ماتنفع . . صديقي ؟ لأ ، ولا " أخوان " أبي لي شي يمنعني أصدّك .. . لمّا ، نتصادف ! قليل من التَعَب يكفي يا غاااالي ، لإنهيار إنسان . و كثير من التَعَب فيني من أسبابكْ .. . و أنا ~ واقف ! ..آحمد آلصآنع |
رد: مودڪ ڪيف آليووم .. بـ قصيده ••
لا غشاك الليل واسرف بك الحزن العميق
جنّب وجيه البشر واسجد لخلاّقها ادخل بغيبوبه من الهدوء .. ولا تفيق !! وراود دموعك على عينها واحداقها خل روحك تدّرج !! من زفير اليا شهيق دمعة ٍ لحضورها .. دمعة ٍ لفراقها كن دمعك وقتها يغسلك ويبل ريق : وجه الارض !! وينتزع روحك من ارهاقها رتّب انفاسك !! ودوّر على نفسك طريق واسترح بين الحنايا وفل ارواقها راجع ذنوبك على اقل من مهلك .. وويق : شوف وتفقّد معاليقك وخفّاقها الحزن : دافع قوي للرجال .. ولا يعيق غير ناس ٍ تخلق وذلّها فاعناقها !! الشقيق يدعّم الذل في اخوه الشقيق والبضايع تختلف باختلاف اسواقها وانت حاضرك يتفاخر بماضيك العريق شجرة ٍ عجز الزمن لا يحت اوراقها كنْه شمس من الذهب والجواهر والعقيق كل صبح يلامس المجد نور اشراقها وكان عزمك ما رقى قمة الضلع المويق ما انت لاقي ( عز ) في جلالها ودقاقها نوّخ ركابك .. وشكّل من اشكالك فريق الرخامه في تزايد عدد عشّاقها !! الاسامي حمل !! واللي حمل ما لايطيق : شاه ودك للصفاه الضحى تستاقها !! العرب ما تبغي الفخفخه ولا البريق تبغي امطار السحب ماتبي برّاقها لا تحسب المرجله : زول ولسان ٍ طليق الرجال رجال : بافعالها واخلاقها افرد اجناحك مدام السما تبغى عشيق اغتسل من غيمها وفج كبد افاقها !! خل اخوك الصبر !! واعجابك بنفسك صديق !! واعتنز بالله كفيل البشر وارزاقها لا تفكر في هل الهرج لوّ شبّوا حريق الكلاب مربّطه لا تحل وثاقها !! وكان صدرك من خبالين خلق الله يضيق والله ان تبطي ضلوعك بضيق خناقها !! وان تغنيت بشعر في فعولك ما يليق نقّع جزال القصايد وبلّ اوراقها !! لا تكلف نفسك ( بزوبعة جال المضيق ) ( المحيطات أربعه ) والدرّر باعماقها مادرى الشاطي عن الخوف بعيون الغريق ولا لعب في حسبة الناس غير اشواقها فان دعاك الشوق للورد وانفاس الرحيق اذكر اجمل سيدات الترف واعناقها المهاه .. الفارع .. أسطورة الحس الرقيق ما ذبحك الا غلاها وطول فراقها !! |
رد: مودڪ ڪيف آليووم .. بـ قصيده ••
اليوم ذكرى الفراق ومرت اول سنه... .....................اليوم لي عام متغرب وحيد وحزين اليوم انا ضيف جرحي جيت باطمنه ... ................. اني جمعت الدموع وجبت امانة امين ما يجرح الصادق الا غدر من يامنه ... ................لا جت من احباب قلبك لا تلوم السنين مليت من هالاماني دام مهي ممكنه... ....................لاهي تحقق ولا ياسي بوجهي يبين لوين انا وانت مثل الشمس والازمنه ... ...................مع كل صبح يجددني لشمسك حنين لا قلت احبك احبك كنها دندنه ... .......................او كنها وردة مابين اصابع جنين يا اجمل النـاس لك بيـن الملا هيمنه .. .................... كثير غيرك ولكن مين مثلك ووين يا عاذلي خذ عيوني يمكن تثمنه .... ................ تشوف عيبه وانا اشوفه ملاك حسين امس افترقنا وانا احسب مرت اول سنه ... ................ يا طولها ليلة الفرقا سنة للحزين |
رد: مودڪ ڪيف آليووم .. بـ قصيده ••
كـلٍ يغنـي علـى لـيـلاه
وانـا علـى حالـي أغنـي أحيان عقلـي احسّـه تـاه واحيان افكّر واقول : انـي حزين..صـدري مدايـن آه ضايع بخت من صغر سنّـي غريب ربع وطريـق وجـاه وحيـد مااحـدٍ درى عنّـي غاوي شعر والزمن شلفـاه تنهش ضلوعـي وتطعنـيّ يلعن ابو الشعر يوم اقـراه وش جاب لي وش خذا مني؟ اظمااااه واشربه لين اظمـاه وبأمـوت ظاميـه لكـنّـي لو مااوزنه وانكسر لرضـاه راحـت قوافـيـه تلعّـنـي في الذاكره شيّ لـو انسـاه يمكنـي اعيـش متنـهّـي في الذاكـره دمـع..لاوالله فـي الذاكـره طفـل يغنـي ليت الاماني جبـل وارقـاه وانسى همومـي وينسّنـي مايدري انّي علـى ذكـراه يمكـن ابقـى ...ويمكنّـي اترك طريق الشعر واجفاااه واموت مأحـدٍ درى عنـي |
رد: مودڪ ڪيف آليووم .. بـ قصيده ••
قصر ٍ رفيع ٍ شــامخ الطـول عالي
...............مايسكنه في داخلي غير ـألأحباب أسقيه من دمـي وعـرق الوصالي ...............وسقيه من شوق ٍبالأظلآع سكاب شوق ٍ يهيض خـــاطري لآ طـرالي ...............أسم ٍ غدالي فالهوى سـتر وحجاب أسري معه في طــيش مدري خيالي ...............وصبح معه في شوق طاغي وغلآب أســـج به... مأآبين ...فكــري وبالي ...............وـأآفزله لقبــل مع ... الليـل ينسـاب طيـــــفك ....لآ يابعــــد كلــي وحالي ...............لآزارني وبطى ....عن العين ما غاب وياغايتي ومنـاي ..... ياراس مــالي ...............عــزي هـوى اللي من محبتك ما تاب ماجد الروقي |
رد: مودڪ ڪيف آليووم .. بـ قصيده ••
كل ماهبت على قلبي نسانيس الليلي
قمت أحسب ماكسبت من الحياة وماخسرته واتذكر مكسبي واللي غدا من راس مالي واتذكر كل حلم ماهدمته لا عمرته وتذكر كم غدا لي من صديق وكم بقالي وكم صديقاً حافظاً كرته وصد وضاع كرته وتذكر كم نساني من صديق وكم صفالي وكم صديقاً كل ماسند مع درب حدرته وكم صديقاً رخص في عيني وهو قد كان غالي وكم رخيصاً كل ماعزت علي نفسي حقرته علمتني ضحكة الدنيا وطنخات اللهبالي وكيف حبل الطيب لامن طال يمي ماقصرته وعلمتني صحبة الرديان وقصار الحبالي وكيف قسمي في المكاسب من حصاد اللي بذرته والنهايه ماحصل لي من نسانيس الليالي كود خوة واحدن مثلك وهذا الي ذخرته |
رد: مودڪ ڪيف آليووم .. بـ قصيده ••
ابعتذر ... عن كل شيء ...
إلا الهوى .. ما للهوى عندي عذر .. ابعتذر .. عن كل شي .. إلا الجراح .. ما للجراح إلا الصبر .. إن ضايقك اني على بابك أمرّ ... ليلة ألم ... واني على دربك مشيت عمري وأنا قلبي القدم ... ابعتذر ... ابعتذر ... كلي ندم ... عن كل شيء ... إلا الهوى ... ما للهوى عندي عذر ... ا تصدقي ... ما اخترت أنا أحبك ... ما احدٍ يحب اللي يبي ... سكنتي جروحي غصب ... ياحبي المرّ ... العذب ... ليت الهوى وانتي ... كذب ... |
رد: مودڪ ڪيف آليووم .. بـ قصيده ••
حتى وانا تايه بمزحك وجدك
القا المنايا غارقه وسط بحرك يا صاح تجرح قلب منهو يودك زودت جرحي يا حبيبي بهجرك بقلمي انتظروها قريب |
رد: مودڪ ڪيف آليووم .. بـ قصيده ••
يموت الشجر واقف وظل الشجر ما مات
.........رياح الدهر تصرخ وهي تجرح جنوبه لكـ الله شجر للموت ما ترخي الهامات .........بقت وقفتكـ يا رافع الراس مهيوبه شجوني لها مع وقفتكـ يا شجر وقفات .........عيون النظر مع نظرة الفكر مصحوبه شموخ الشجر عبره لمن يفهم الشارات ........و الانسان في غفله و الايام محسوبه ارد النظر لاشكـ يا نظرتي هيهات .......أبا ستوعب العبره بالاشجار مكتوبه و انا يعتريني ضعف الانسان والهقوات ............أروم العزايم يوم وايام مسلوبه |
رد: مودڪ ڪيف آليووم .. بـ قصيده ••
ماتعلّمنا نكون أقسى امـن أشبـاه البشـر لوتعلّمنا عرفنا كيف هــ الدنيا تدور القلوب الممكنـه تنبـض حسافـات وقهـر والقلـوب المستحيلـه ماتعيـش الاّ تـبـور ليه هالعالم يموووت الـف مـره يابشـر يوم حسد ويوم بغض ويوم كـره ويـوم زور ليه مانقدر نسامح من غلـط.. او نعتـذر ليه اكثرنا يجرّح في بعضنـا بْكـل سـرور ليه مانسعى الـى حـل النـزاع المنتظـر ليه من أجل المصالح نشتهي حب الظهـور هي حكايتنـا حكايـه .. او حكايتنـا قـدر هو قدرنـا هـو قدرنـا او تعوّدنـا نثـور ليـه يسبقنـا الحديـث .. مانفكّـر بالأمـر نستمـر بكـل قسـوه اتّـأزم هـالأمـور يابني آدم كبير الظلم واوهامـك أمَـر اخلص النيّه وجمّـل كلمتـك بيـن الحضـور باكـر تْغيـب الليالـي عـن ملـذات العمـر وانت غارق في ظنونك .. ماتعديت الشرور كلنا كنّا ملامـح نـاس مـن غيـر الشعـر أو شعر يرسم ملامح غير عن كـل الحضـور كلنـا كنّـا ضحيّـة حلـم ظـالـم مـاقـدر يصدق بكل المعاني حلم مايملـك شعـور ماتعودنـا نصـارح فـي سوالفنـا ونـقِـر نعتقد مُمكن بـأن اللـي يصارحنـا \ يجـور فينا واحد كان قاسي ... وفينا واحد ماشعَـر فينا من خان المآآآسي وفينا من خان الشعور فينا من يحلم يطييييير فوق اغصان الشجـر وفينا من يغتال ضحكة طفل باحـلام الطيـور فينا من يشهق حنينه بيـن روحـه و النظـر وفينا من يعجز يقول كلمه مابين السطـور فينا من يشعر بقيمـة نفـس اغناهـا الفقـر وفينا من يدفن وجوده بين اشـلاء القصـور كم فينا ..؟ ماعرفنا .... وكم نحتاج لـصَور كم حنّا ..؟مافهمنا ... كم حطّمنـا الغـرور هذا حنّا .. كـل منّـا مافهـم حكـم القـدر والنصيب اللـي يودّينـا الـى درب القبـور بس لايمكن نكون أقسى من أشباه البشـر لوشربنا من قساها باكـر الدنيـا تـدور |
رد: مودڪ ڪيف آليووم .. بـ قصيده ••
اقهـرالضيقـة بذكـراك مـن حيـن لحيـن
و انثردموعي على الوصل مـن عيـد ٍ لعيـد لك غلا ً سبحـان ربـي ملـى الدنيـا حنيـن ولك وفا ً سبحان ربـي مكـن فالكـون غيـد شف مكانك في مكـان ٍ عـن العالـم دفيـن في مكان ٍ مـن ورى مثـل عيـدان الجريـد مكرم ٍ حبـك ولـه فالحشـا سمـن وسميـن يقدع من الحـال واصـب لـه بـن الوريـد افتضحت مـن الهواجيـس بـك فالمسلميـن كل من سولف علي قلت له وش قلت؟ ..عيـد الهوى سجن العشاشيـق وأنـا لـك سجيـن وودي ان سجني مؤبد ولـي حـارس وقيـد عزتي لي مـن فراقـك عسـى ربـي يعيـن ادري انه فـي طريقـي ولـو وصلـك مديـد صابر ٍ غصبن ورى الخشم لو جرحـي مكيـن ودي افعـل لكـن الله يفـعـل مــا يـريـد محمد بن فطيس |
رد: مودڪ ڪيف آليووم .. بـ قصيده ••
عزالله انــي خاطــــري ضايــق اليــوم .وفكري من اللي صار ماهو برايــــق مخـطـيـت في حقـــه ولا كــن مقســوم حتى علاجــه ما وجــدله طــرايـــــق حاولت اجامـل وكسب لنفسـي اللـــوم وحــاولـت ابين للحبيب حــقـــايـــــق لا كــن اخــوه اللـي تبيــن لـه عـلـــوم وصبــح يـعــد الثانيــه والــدقـايــــق حـدد مصيـره واكتشـف عنــده رقــوم وفتـــش وحصـــل صــورتي بالوثايــق وانا انتظــر لحظــات وطيــح وقـــــوم ولافـيــه شــيءٍ لا بغـيتـــه يــلايـــق ماهو بخوف لنفس ياسر من القــــوم خــوفـــي عليهــا لا تجيهــا عـوايــق وانــا عيوني حاربة لـــذة بالنـــــــوم اضحــك معــاكــم بس جوفـي حرايـق |
رد: مودڪ ڪيف آليووم .. بـ قصيده ••
في العين لك "دمعه" حزينه من البوح...! منديلها المبلول يرثي زمانه! ياللي غلاتك عندي أغلى من الروح.. وفي القلب لك عندي مقر ومكانه! ابيك تسأل نفسك اليوم وتروح منهو الى من غبت <<بحيا عشـــانه>> لو تمطـــر الدنيا نسيان.. صدقني ماأنسااااك..! وكل قطرهـ من مطرها تجبرني.. على ذكرا ا ا اك..! |
رد: مودڪ ڪيف آليووم .. بـ قصيده ••
قد عطيتك وانـت ماضنـك لئيـم .. .. والنصيـحـه لليـالـي تـذكـره ﻻتحرك جرحـي الماضـي اﻻليـم .. .. وﻻتحسب ان طول بعـدك طهـره كل جرح يهـون يالجـرح القديـم .. .. وكل شي قد مضـا معـك اذكـره جرحي وذكـراك والليـل البهيـم .. .. حـزت فـوادي بمثـل المنشـره العذول غراب وانا اكبـر غشيـم .. .. والجروح الماء وطاريـك حجـره والزمان اكرم من الحـظ الكريـم .. .. ﻻنفتح لي بـاب صوبـك سكـره وحبك اللي ﻻطرى لي رحت اهيـم .. .. قمت احسب اصغر كﻼمك واكبـره ليتنـي عـاد الهـوا تـوه فطيـم .. .. انعذلـت لعاذلـي بـس خـيـره مالقيت من الوفـاء يـااول نديـم .. .. كون صدق الحزن وجهه وظهـره عقب رمح الشوق في وجه الصميم .. .. سيف هجرك في قفاه وشف ثـره وانت شكلك تحسبنـي فـي نعيـم .. .. لنـي اخبـي صوابـي واستـره ﻻيغـرك حلـم رجــال حلـيـم .. .. مهون اللي مـن سكوتـه فجـره وﻻتحسب الجفن من دمعه عقيـم .. .. يستحي منك والى اقفيـت انثـره وﻻيغرك وان بدا جسمـي سليـم ..× .. والله ان جسمي سـوار المقبـره والله ان امر من ضحـك الغريـم .. .. شوف حقي بين اياديـه اشكـره والله ان احر مـن دمـع اليتيـم .. .. دمعة الرجـال مـن فرقـا مـره |
| الساعة الآن 09:45 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.