|
رد: مودڪ ڪيف آليووم .. بـ قصيده ••
تصدق كنت في سيرتك أنا والشوق والتذكـار اسولف فـي حصـاد اليـوم وأتـرك بكـره لبكـره اسولف عن غلاك بوسط قلبي والقلوب اسرار وأثر طيفـك علـى بالـي قبـل لا تنشـأ الفكـره سألتـه ويـن ذاك اللـي يــدك الفـكـر بالأفـكـار يـوردنـي عـلـى حـيـد القلـيـب ويــارد بـفـكـره يقـول انـك لقيـت البحـر صاحـب والبحـر غــدار وانــا بانصـحـك لاتقـعـد تصـيـد بـمـويـةٍ عـكــره وقال انك على ماظن تخلـق مـن غـلاك أعـذار وأنا طالبك لا تلهي خفوقي عن هـوى شكـره وركـزلـي عـلـى غيبـتـك بالتمـيـيـز والـمـقـدار وانـا سلـم الجفـا مانـيـب للعـشـاق محتـكـره اذا حبيـت تنشـد للمشاعـر والخفـوق أشعـار عــن أحـــوال الـغــرام ولهـفـتـه والله مـانـكـره واذا باقـي عتـاب ولـوم واهـوال الظـروف كـبـار ترى عندي عيون الشوق مـن دعـواك مفتكـره أكـيـد ان العـتـب لــه دور لـكـن للـصـدود ادوار جريمـه موتـة الاشـواق لاخـف الهـوى سكـره أثرني كنت في سيرتك أنا والشـوق والتذكـار علـى ماقالـوا الطيـب يجـي دايـم علـى ذكـره |
رد: مودڪ ڪيف آليووم .. بـ قصيده ••
الله واكبـر كيـف عنّـي تخلّيـت
من بعد ما علقت روحـي البريّـه وش غيّرك وش بدّلك ليه صدّيـت وانت الذي بالقلب نبـض وهويّـه من هو بقى لي بعدما عنّي اقفيـت وقدمتنـي للحـزن اثمـن هـديّـه كلـش تخيلتـه ولا يـوم ظنيـت إنك لحـد غيـري ولانتـاب ليّـه ويلك من الله كيف بالحب ضحّيـت قلبك حجر مـا حـنّ يـومٍ عليّـه اللي بنينا بْعمر فـي يـوم هدّيـت واحلامنـا مـا عـاد منهـا بقيّـه اتعـد غلطاتـي إذا يـوم زلـيـت من دون مدري .. وين ذيك الحميّه مافيه معصوم الخطا لـو تحريـت ولا فيه كامـل غيـر رب البريّـه ولو ما احبك ما نشدتك ولا اطريت بعـدك وصـدك وانتخيتـك نخيّـه ترجع لقلبٍ يـوم بالعقـل حبيـت وتترك هل الأحقاد واهـل الوشيّـه خايف عليك وخايفٍ منـك ياليـت مايوم حبيتـك وصـرت الضحيّـه لا نيب حي بعد هجـرك ولا ميـت ولا ني مريض ينعـرف بالشكيّـه لكنـي ادرى بحالتـي لا تـرديـت ولا ينفـع الملتـاع طبـه وكيّـه مالي سوى اللي كلمـا راح ناديـت يا كـود يسمعنـي ويرجـعك إليّـه |
رد: مودڪ ڪيف آليووم .. بـ قصيده ••
تجي نرحل ! قبل ورد الأمل يذبل نسآفر وحدنا و الشوق يدفعنا تجي نثمل بسكرة شوقنا الأجمل تجي نحمل سوالفنا و ننسى من يقول انّا مجرد عآشقين و بس ونحكي حبّنا بـ الهمس طوآل الليل والقمرآ تبشرنا [ صبآحك شمس ] تجي ننسى الهموم و نسهر النجمه بليا نوم نحآكيهآ وتضحك من بعيد و صبحنا الطآهر وقف نآطر تجي نبحر بعيد و نرمي المجدآف و الموجه تلاعبنا وتتعبنا و نغفي فو سطح البحر و المركب حدآيق زهر و تقبل غيمة السآحل و تروي جسمي النآحل و حبآت الكرز تكبر تنآدينآ تبي أخضر / تبي أصفر / تبي أحمر وحآسد يسرق النظره و قلبه يستوي جمره يموت الشوك من صغره و نحيآ وحدنا عشآق و نحيآ قرآب نحآكي بعضنا أشوآق و ننشر كآمل القصه لجل من يكره العشآق يموت و في فمه غصه .... |
رد: مودڪ ڪيف آليووم .. بـ قصيده ••
علمتني وشلون احب
علمني كيف انسى يابحر ضايع فيه .. الشط والمرسى علمتني وشلون احن علمني كيف اقسى سير علي .. بس امسح دموعي وروح سير علي .. جب لي معك قلب وروح سير علي .. اذا تذكرت الجروح ياطاغي النظرة .. خطا تجزى بهالبخل العطا وانا اللي اهديتك أمن.. عين وجفن هذي فراش وذا غطا ياجرح من وين ابتدي وانت معي من مولدي وعيت يدي .. على وداعك تهتدي بس انت علمني الجفا دامني عجزت اعلمك .. كيف الوفا علمتني كيف السهر .. ونسيتني الممسى علمتني وشلون احب علمني كيف انسى |
رد: مودڪ ڪيف آليووم .. بـ قصيده ••
اسولف بك مع اشواقي ونبض الشوق لك مشتاق♥♥♥♥ وأزين ليلي بصوتك وصوتك ملهم اشعاري♥♥♥♥ كتبت اسمك بأول كتابي وحبيتك من الأعماق♥♥♥♥ واشوفك ماخذ قلبي وكلك ماخذ افكاري♥♥♥♥ باعبرلك عن اشواقي واشوفك اصدق الأشواق♥♥♥♥ واشوفك يابعد روحي حبيبي وأجمل أسراري♥♥♥♥ سكن حبك هوى فكري وبعدك شي ماينطاق♥♥♥♥ أنا دونك حبيبي شي ماله اسم او طاري♥♥♥♥ بدت ايامي تتفاءل وعطر السعد لي يشتاق♥♥♥♥ معك انسى هالدنيا وانت جنتي وناري♥♥♥♥ عشانك احرق همومي مثل ماتحترق الأوراق♥♥♥♥ عشانك اوقد شموعي تضوي دنيتي وداري♥♥♥♥ عسى ربي يسلمنا حبيبي من ألم الفراق♥♥♥♥ وإذا كانت محبتك شقا فهذي اقداري♥♥♥♥ واذا ضاعت عناوينك حبيبي الشوق لك ينساق♥♥♥♥ ترى كلك عناويني ودروب الشوك ازهاري♥♥♥♥ حبيبي وحبي الأول تراني لشوفتك اشتاق♥♥♥♥ ابيع إللي بها الدنيا وأجي لك للوصل شاري♥♥♥♥ احبك واعشقك والله كثر ماقالوا العشاق♥♥♥♥ احبك يابعد كلي حبيبي ومشغل افكاري♥♥♥♥ اسولف بك مع أحلامي واسولف بك مع الأشواق♥♥♥♥ وأزين حرفي بحرفك واحطك بأول اشعاري♥♥♥♥ |
رد: مودڪ ڪيف آليووم .. بـ قصيده ••
يابنـت ويـن الـهـوا مـوديك.....
بـيـن الغـوايـه وبين الدركـ لـو لـذت الـحـب بالـتشكـيـك..... كـيـف اتـلـذذ وانـا خـابـركـ انــا تـــجـنـــــبـت لاأشـريــك..... عشان مااضيق لو أخسركـ الحـب سـيـاسـة الـتـملـيــك..... كـيـف امـلك اكثـرك واوفركـ ان كـان مـايسترك ماضيك..... عبـات الأوهــام ماتـسـتـركـ هـذي خـفـايـاكـ واسـامـيـك..... وهذي جروحك وذا خاطركـ كل شيي ممكن اسويه فيك..... الا اني أقهرك لا ماأقهــركـ ليل الهواوي انيق وشيـك..... ولـيـل المـهجر عـناد وعركـ ياطـير يـالـي تـعـبـت ادعيك..... يامـذير الـصـيـد مـن مذيــركـ اللـي بـلا واجـب يـعـطـيـــك ..... مايـستـحـي مـنـك لو يامركـ بـيـن الـلـه يـعـزكـ ويـحـيـيك..... اكـبـر اكاذيب واصغر شركـ ولـيا رفـع راسـك بـناخـيــك..... لاتشـكـره قـبـل لاتـشـكــركـ بـدايـة الـمـجـد فـي رجـلـيـك..... ونهاية المجد في خـنصـركـ ياطـيـر يـالـي غـدا مـغـديــك..... تــــــعــبــت ادوره وادوركــ يـاذا الـزمـن حـدد مـعـاديـــك..... ذبحت ياذا الزمن شاعــــركـ لي اربع اسنين وانا ارجيـك..... ولي اربع اسنين وانا انطركـ وانـا لــو امــوت بيــن ايديك... الله لايرضى على خـــنـجـركـ الــنــار شــي مـن التكتيك ... بــين الغــضا والــزنـاد الـحركـ وانـا لـو أثــــور وأجـاريــــك ... ويــن اقــدر اروح مـن عسكركـ اكـذب صـداقـه مـع والـيـك.. واصـدق صـداقــه مـع دفـتــركـ اذا غاويت الرضا يرضيـــك..... واذا غاويت الزعل يدحــركـ احيـان زود الامـل يعـمـيـــك..... واحيان قل الأمل يــنـصـركـ وان كان لاهب الهوا يغريك..... لاتصغر الا علـى مكـابـركـ وان صرت لاذي ولا هاذيـكـ ..... اقصر طموحك على باكــركـ |
رد: مودڪ ڪيف آليووم .. بـ قصيده ••
. . آبي لو بس " تفهمني " وتعرف ليش أنا مقهور أحس إني من ( عنادك ) أحاسيسي تعاندني ،! وأحس بطيبتي " قسوة " ترعب حبي المذعور وتهدم كل آمالي ( بلحظه ) ثم تهدمني ،! أبي أرضيك رغمني أبات و( خاطري ) مكسور وآبي أرضيك لو " همي " من الأفراح يحرمني ،! ولا آبي غير انك " تحس " بقلبي المدحور وتستوعب ( مدى ) الحرمان يوم البعد قاتلني |
رد: مودڪ ڪيف آليووم .. بـ قصيده ••
لو يوم أحد في وحدتك نادى عليك
ثم التفت وشفت ماحولك أحد هذا أنا من كثر ما فكرت فيك ناديت لك والكل منا في بلد يكفي الى هنا وما أقدر أوله عليك أكثر من الوله كني طفلٍ نسى يكبر يحبك بإحساس يكفي قلوب الناس ما علمك صوت المطر كيف أحتريك وإلا المطر ما جاب لي طاري أبد ؟ كم قلت لك في غيبتك وش كثر أبيك إشتقت لك .. إتقول لي وأنا بعد عوّد للموعد اللي زل لك في عيوني ظل مشتاقة عيوني والشوق ماله حل ما ظل فيه أشواق انا آخر العشاق آخر العشآق ل فهد المساعد |
رد: مودڪ ڪيف آليووم .. بـ قصيده ••
مو معقوله تجي منك وترميني لاي انسان يلملمني ولا يلقى بعيوني غير دمعاتي انا ماصدق انك انت تنهيني من الوجدان وترميني وانا اشوف القبر نادى مسافاتي وكسرني الشتاء ياوليد وانت بداخلي دفيان تحملت الاسى والظيم عشانك يابعد ذاتي وصحى بي البرد واللاهوب وانت بداخلي غفيان تحملت السنين وقلت على الله تلملم شتاتي انا امك ياهيــــــــــــــــــه امك حملتك والعذاب الوان ولدتك والالم سكين يركز داخل لهاتي وانا اثناء الوالده من بكى صوتك طعنت احزان لاني شفتك بصوتك تنادي كل طموحاتي ومهدتك فعين وعين يشرب حزنها القران وهزيتك وكان النور يتهزهز من دعاتي اضمك في يديني لاتجي وتقول انا بردان تركت البرد لضلوعي رح انشد رعشة شفاتي وزولك من ركض فيني لمست بداخلي اوطان وتركتك تبني بمجدك على كتف انكساراتي وتذكر يوم مدرستك صدى وكفوفنا الحرمان وكانت رنته من فلس خنقته لك بشيلاتي كبرت وصرت بعيوني شجاعن واشهم الفرسان وحلفت اني على عرسك لارقص كل شيباتي اسولف للبشر عنك اقول ولا به اي نقصان رضع عز الشهامه شب طموحه في معاناتي وله شان الصقر لا لا اخذ منه الصقر له شان يجي مثل الوضوء لاطب حنينه فوق راحاتي يقولون الولد هو خان اقول وليدي لا ماخان وهم يدرون ماغطى منامي غير وناتي افااااااااااا وشلون تتركني يكحلني عمى النسيان وانت ادري فيوم الحشر جنه تحت خطواتي لك الله مانطق صوتي لك الا بدعوة الغفران ولكن خوفي من حزني ومن دعوات عبراتي تدين اليوم ياوليدي وباكر للاسف تندان ويرمونك مثل امك وتذكر حلم شيباتي |
رد: مودڪ ڪيف آليووم .. بـ قصيده ••
على طريق الحب صارت حكايات وماتت على نفس الطريق الأماني كل ماطرالي عشقنا فالبدايات جلست أردد حلّها يازماني الشوق شمعه والمواصل إضاءات والحب لهفه والمشاعر أغاني والصدق نادر في زمان المتاهات والكذب حاضر والمواجع مواني تدري وش أسباب الغدر والخيانات ؟ غياب شرط التضحيه والتفاني طبعي كذا ، أكره جنون النهايات واللي نساني ذنبه انه نساني تربطني مع بعض الأوادم علاقات وبعض الأوادم مااقربه لو بغاني على كثر صدمات قلبي والآهات أطيح وآقف وابتسم لو أعاني أمشي على مبدأ ، وعندي قناعات ماللبشر منّه إذا الله عطاني واستصغر أهل الحقد وأهل الوشايات ومن سبني ماهز لحظه كياني وان جات في ظهري مع الوقت طعنات هذا دليل إنه فالاول مكاني مايجتمع فالوقت حب وخلافات وأكبر دليل اللي هواني جفاني دايم يجي قبل المفارق علامات علمني اللي فالمحبه كواني مدام نسياني خذا منه ساعات نسيانه أصلاً مايكلّف ثواني |
رد: مودڪ ڪيف آليووم .. بـ قصيده ••
لعل رب جمع يوسف
ويعقوبي يلمني مع وليفي واتهنابه اللي من اجله ماغير احسب اذنوبي والقلب كن الدبا الحننان يرعابه احتل طيش المشاعر واخلف اسلوبي و جميع ما مرني منه اتهجابه الكلمه الطيبه لا قطها صوبي و الا نظرني بنظرة عطف جذابه فرحة فرحة صلاح الدين الايوبي ساعة تولى على المقدس وصلابه |
رد: مودڪ ڪيف آليووم .. بـ قصيده ••
ياعين هلي صافي الدمع هليه ++واليا انتهى صافيه هاتي سريبه
ياعين شوفي زرع خلك وراعيه ++شوفي معاويده وشوفي قليبه من اول دايم لرأياه نماليه +++++++واليوم جيتهم علينا صعيبة وإن مرني بالدرب ماقدر احاكيه +مصيبة ياكبرها ياعرب من مصيبة اللي يبينا عيٌت النفس تبغيه +++واللي نبي عيا البخت لايجيبه |
رد: مودڪ ڪيف آليووم .. بـ قصيده ••
|
رد: مودڪ ڪيف آليووم .. بـ قصيده ••
ياغالي الأثمان غلوك بالحيل
من يوم سمو بك جميل المحيا شخص تمنيته على العدل والميل والحمد لله يوم خلي تهيا أشبهه باللي عسيف من الخيل يلعب وأنا حبل الرسن في يديا أورق غرامه مثل غرس على سيل مشهات قلبي يوم جالي شهيا أعن له عنة هل الكيف للهيل ماذاق راعي الكيف ذقته هنيا حبه سرابي سرية الغيم بالليل نسيم شوقه قال للشوق هيا |
رد: مودڪ ڪيف آليووم .. بـ قصيده ••
بسم خالق الكون أبدأُ رسالتي أكتبها بحبراً من إخلاصي ووفائي أكتبها في أوراق ذكرىً لحبٍ قد تلاشى وذاب في بحر الضياع ومن السبب يا تُرى أنا.. أم أنتي ؟؟ صدقيني يا سعادتي أني لستُ أدري فكل ما أعرف أنني أحببتك بصدق وإخلاص ورويت شجرة حبنا من دمي حافظت عليها حفاظي على نفسي بل أكثر وحينما حان موعد جني الثمار إنكسرت تلك الشجرةُ العظيمه ولم يبقى سوى أثرها بقلبي وهو الشيء الذي لن يستطيع الزمان وأيُ إنسان أن يزيله ورغم أن هذا الأثر هو جُرحاً كبيراً بقلبي إلا أنني سأحافظ عليه لأن لهُ ذكرى جميله .. عشتُها زمناً في الماضي سيبقى الحب هو الحب لايغيره شيء بل سيزيد أكثر إلى أن يأتي الملك .. ملك الموت ويأخذ روحي إلى السماء وأنا مؤمن بالقدر .. فقد رسم لي طريق سعادتي معك لكن لم أكن أعرف أن هذه السعادةُ مؤقته فعاد القدر من جديد ليرسم لي طريق تعاستي الطويل الذي سأعيشه بدونك مع أصدقاء عمري آلامي وأحزاني . |
| الساعة الآن 08:32 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.