|
قصة ضحية رجل زوج ابوعيالها
:akn55:هذه قصة واقعيه والى الان الام تعيش معاناتها
تزوجت الانسان اللي يحبها واول سنه عاشوا بسعاده ماتوصف وثمرت هالسعاده حملت وجابت ولد مثل القمر لكنه مريض طبعا الام رضت باللي الله عطاها واشرايكم بالزوجه الثانيه اللي تهدم بيوت وتشتت اسر بعد هالموقف بصراحهتلقى الاب الخبر كالصاعقه وراح للمستشفى وهو معصب ماهو مصدق ان ولده مريض ودخل قسم الحضانه وشاف ولده المولود ماشاء الله جمال وجهه غطى على مرضه المهم جلس الولد بالمستشفى ثلاث شهور يتلقى العلاج طلع وصار ياخذ العلاج بالبيت الى الان الامن مستتب بعد سنتين خطى جواد اول خطوه ماتتصورون اشكثر فرحت الام لكنه لازم ياخذ العلاج مدى الحياه وبعد ثلاث سنين حملت الام وجابت ولد مثل القمر لكن الفرحه ماكملت طلع الولد مريض نفس مرض اخوه الام عرفت ان ولدها الثاني يحمل نفس مرض اخوه بعد اسبوع من ولادته كانت نفسيت الام متعبه لكن كان ردها الحمد لله كانت خايفه من ردت فعل زوجها اذا عرف بمرض ولده وفعلا عصب الزوج وزعل وماصار يكلم زوجته الام طلعت من المستشفى لبيت اهلها والولد في المستشفى للعلاج صارت الام تروح وتجي على المستشفى عشان ترضع ولدها والاب ماهو مصدق وماشاف ولده وفجاة دون سابق انذار حجز الاب على اول طياره للسعوديه ومن المطار للمستشفى يبي يشوف ولده ودخل قسم الحضانه ومسك ولده بحضنه الولد فيه ابرة مغذي براسه وجهاز تنفس الله يشفيه الاب وهو حاط ولده بحضنه حط يده على رقبة ولده عشان يبي يخنقه شافته الممرضه وحاولت تاخذ الولد ونادت على الحراس واخذو الولد من بين يديه وهو يقول هذا ولدي كيفي ليه يجي مريض الام فهذا الوقت في البيت تبي تروح للمستشفى ترضع ولدها دخلت الحضانه شافت ولدها تحت الحراسه المشدده صرخت تحسب ولدها فيه شي فهمتها الممرضه الموضوع خافت على ولدها وطلعته على مسؤليتها وصارت تعطيه العلاج في البيت جاء الزوج الى بيت عمه وشاف زوجته وعياله واعترف بسواته بولده بالمستشفى من دون اعتذار وخبر زوجته انه تزوج وحده ثانيه وهي الان حامل بولد متعافي لكن شرط الزوجه الثانيه انها اذا جابت لي الولد اني اطلقك وتبي تاخذ لي قرض من البنك وام عياله ساكته وتجاوبه بدموعها وهي حاضنه عيالها مرت الاشهر والزوج ينتظر متى تولد الثانيه ويجي الولد ومعاه القرض وورقة طلاق ام العيال وتحقق حلم الزوج وجاءه ولد وطلق ام عياله واخذ القرض على فكره الزوج بكامل قواه العقليه وعياله من زوجته الاولى مافيهم الا العافيه بس ابوهم معترض ليش ياخذون علاج مدى الحياه وش رايكم ياجماعة الخير بهاالقصه المؤثره وش رايكم بهاالزوج ولد العم بصراحه انتظر ردكم |
لا حول ولاقوه الا بالله العلي العظيم
يعتبر ظلم وانانيه وسوء تصرف من الاب ناحيه الزوجه أولاوالابناء ثانيا اللهم الهم الزوجه الصبر ووفق ابناء الزوج لما هو خير لهم وشافهم مما ابتالهم تسلم الايادي علي طرح الموضوع |
اللهم الهم الزوجه الصبر ووفق ابناء الزوج لما هو خير لهم وشافهم مما ابتالهم اللهم آمين مشكوره اختي على هالقصه |
الظلم ظلمات يوم القيامه
وربي يمهل ولا يهمل وراح يجيها نصيبها وافي والله يكون في العون وعلى قولتهم الوعد قدام ومالاها الا الصبر والحمد الله على كل حال وهذا اختبار من الله سبحانه وتعالى ويعطيك العافيه وسي يوووو |
الجــوري سبحان الله صراحة قصه لو نفندها لما كفت الصفحات لما فيها من العبر والحكمه والصبر وقدرت الله والإعتراض على ما امر الله به و و و و أمور كثيره . . لكن : : كانت خايفه من ردت فعل زوجها اذا عرف بمرض ولده وفعلا عصب الزوج وزعل وماصار يكلم زوجته سبحان الله انتي قلتي في اخر هذه القصه ان الأب عاقل وبصحه جيده . :confused: بصراحة انا اختلف معك الأب العاقل المتزن والعارف لأمور الله اسبحانه وتعالى صدقيني ما يسوي الي سواه الى وهو مع احترامي لرايك انه ماهوب صاحي . . يا اختي العزيزيه المشكله لو نقول الأم وش ذنبها هاذا قدرها كلن بيقتنع لكن اذا جاء وقت الجد صاراول الحاضرين الشيطان ويا الله خذي من الوسوسه خطر يهبل بالشخص يابنت الحلال اختي الفاضله ليش ما قال هذا ابتلاء من ربي يمكن الله سايق له رزق مايلعم به الا الله سبحانه بس بشرط انه يصبر لكن ضيع على نفسه وعصى ربه . . بعدين . سبحان الله ليش الأم ماقالت لزوجها انت السبب ليش ما عصبت هي الله يعظم اجرها ويعوضها فيهم بالخير والسعاده وتن ربي يشفيهم ويمن عليهم ويخليهم من احسن الخلق اليه بالطاعه . مشكور اختي الفاضله على نقلك هذه القصه المعــُبره . ومثل ماقلت فيها من الحكم الكثير والكثير . الله يحسن النيه ويصلح الحال ويصبرنا . العطشان |
color=333333] [/color]شكر خاص جدا من الجوري لكل من تفاعل مع هذه القصه الواقعيه التي مازالت الام تعيش معاناتها والان الام تعمل بجهد لكي توفر لقمة العيش لاولادها وايضاء قيمة العلاج الذي يستخدمونه اولادها مدى الحياه مع العلم ان اولادها اصغار لا وازيدكم من الشعر بيت تقدم لخطبتها ولد خالتها متزوج وعنده اعيال لكنها رفضت وقالت انا ذقت مر الطبينه تقصد الزوجه الثانيه اشلون تبوني اذوقها لغيري انا ابي اتفرغ لنور عيني عيالي وابحث في اعلاج عيالي فقط تدرون كم عمر الام الان عمرها سبعه وعشرين صغيره تحملت العذاب بدري الله يفرج همها ويعينها لكن مارديتو علي وشرايكم بالزوجه الثانيه التي تهدم بيوت وتشتت اسر وهاالاسره ماهي زي اي عايله اطفال مرضى نص العلاج انهم يتربون بكنف امهم وابوهم ابي رايكم بصراحه بالزوجه الثانيه التي نادرا ماتحافظ على البيت الاول |
1 مرفق
·.¸.•°°·.¸¸.•°°·.¸.•°®»ما أروعك ما أروعك ما أروعك «®°·.¸.•°°·.¸¸.•°°·.¸.•°®»
قصتك حلوة بس بالغة العامية ! ! عودينا دائمن نذوق العسل من أصابع يديك سيدتي |
اعذروني اذا كتبت القصه باالعاميه
|
بسم الله الرحمن الرحيم
السلام عليكم ورحمة الله وبركاته.. الظلم ظلمات الله يكون في العون شكرا لك ع القصة |
لا حول ولا قوه الا بالله
×?°حررام عليه هذول عياله وهذي حكمة ربه لازم يرضه فيها الله يعين الام ويعطيها الصبر ×?° |
الله يعطيك العافيه سيدتي على طرح مثل هذه القصه في هذا الموقع المميز ...يمكن يتعض من هو غافل ...اما بالنسبه للزوجه الثانيه أسمحيلي ان اقول لك هذه الزوجه تجردت من كل معنى للأنسانيه فهي قد دمرت حياة أسره بالكامل بحاجه الي رب أسرتهم يعينهم بما أبتلاهم الله ...وكانت هي سبب في دمار هذه الأسره وعذاب أمرأه مسكينه ليس لها لا حول ولا قوة ....كل الي يتوجب علينا هو الدعاء لهذه المرأه من قلوبنا بأن الله يعينها ويشفي أولادها لها ويجعلهم من الصالحين.
أختي يشرفني لو أحتاجت هذه المرأه العلاج في أحدى المستشفيات الكبيره أن أقدم لها ما يقدرني الله على فعله في أمور القبول وعرضهم على الأستشاري المختص. ودمتم |
:015::015::015:
تسلمين اختي الفاضله مشاكسه اسعدني تواجدك وتعليقك الرائع ومشكوره اختي على خدماتك |
| الساعة الآن 09:21 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.