مانيب من ياتي ولا يدرابه= شطر حفظته ماعرف كتابه
شطر يناسبني لمثل الليله =واشوفني في ذالمكان اولى به
ابتكل بالله ونعم بالله =اللي مايوصد دون خلقه بابه
باقول واللجنه تقيم قولي =ومن كثرت الشعار ماني آبه
الحمد لله واثق(ن) من روحي =وان كنت ذيب فالرجال ذيابه
ما اقول انا اشعر واحد فالدنيا=لكن قصيدي كفو وانا ادرابه
الشعر جمعنا لو تفرقنا=حدودنا وظروفنا الغلابه
الله يبيض وجه راعي الفكره=عز الله انها تنحسب لحسابه
والله يبيض وجه من يرعاها =محمد الله يحفظه لاحبابه
محمد ولد زايد عريب المجنى=ولي عهد الديره الخلابه
الشعر تاريخ(ن) لنا من مبطي= واعلامنا يوم السنين نهابه
الشعر بيت(ن) والوزن عمدانه=معناه طنب وقافيته حجابه
الشعر واد فيه صيد(ن) واجد=وكل على الوادي يهج ركابه
والافكار صيد وكل شاعر قانص=وكلن يدسم شاربه مخلابه
احد(ن) خياله حر واحد(ن) وكري=واحد(ن) خياله كوبجن بقطابه
وانا خيالي كل ماهديته=حول على الوادي وصاد عقابه
شاركت امثل ديرتي وربوعي=وكلن يمثلن ديرته واقرابه
والله الا الله راد والله قاله=اني لسلمها الفخر وكتابه
داري قطر وانا اهنا امثلها=المجد مطلوبي وانا طلابه
عهد علي اني لشرف داري=ترك صبي ما يعز ترابه
شوفوا دمي من حبها عنابي=وحماستي من ضووها شبابه
شاعر خليجي والعروبه بيتي=والبيت ماياقف بدون اطنابه
وان عودت بين القبايل فزعه=انا اشهد ان لي فاللوازم لابه
لي فالقبايل ربع واقدرهم=ماني بمن يجهل مقام اصحابه
وان عودت لاصلي فانا اصلي مري=من صلب يام اهل القنا وخضابه
قوم لنا فوق المعالي بيرق=والسيف قوة سلته بانصابه
الشعر طوقني وانا طوقته=قمت اتمشابه وفك ابوابه
يابنت ياللي تفرقين بعودش=مالومهم لاكثروا الخطابه
لامر بش دربش على خلق الله=قالوا كذا بالاصبع السبابه
زينش يزينه فعل ابيش وجدش=وانتي بدورش للنقا كسابه
قومي تباهيبي وفلي راسش=عليش من ستر الشرف جلبابه
وان ماسترتش بالفعول وباسمي=فعقبني الفنجال ياصبابه

خلود يانبض الروح سلمت اياديك على الفكرة والطرح

لا تضايق يا ضميري ترى اللي راح راح =الزمان يدور واهل الخطا لا بدها
بعد يومين وثلاثه تجي تبغى السماح =وانت تعرف كيف تنسى وكيف تعدها
ما ورى بعض الاوادم فشل والا نجاح =ودها لكني اكبر من اللي ودها
ينتهي قدر الحشيمه ما دام السد باح =والرخوم ادنات شيٍ يبيّح سدها
يا ضميري لا تحسب المحارب بالصياح =لا بغيت الحرب فخصومي العن جدها
اترك اهل البلبله واطلب الله الفلاح =وخل قيفانك لعين الهنوف وخدها
لبّى قلب اللي غلاها ملبسني وشاح =لين عيفني مزوح العباد وجدها
مزحها نساني المزح واصحاب المزاح =وجدها لا جات من جدها .. من قدها؟
اتحداني في المسا لين ما يبدا الصباح =وفالصباح تحدني بالغلا واحدها
اشعر براحه وهي في أوج الارتياح =ان حكيت تودني وان سكت اودها
شاربتني بالمحبه مثل ((موية نساح)) =وساكرٍ في حبها سكرة لا اعدها؟؟
يمكن المقدس يهوّن من القائد صلاح = ويمكن تعوّد ذهيبٍ عجزت اردها!!

عذرك معك ياللي عن العين غايب=وأنا أدري انه لو هو بيدك ما غبت
الحظ خاب ودايم الحظ خايب=وان خاب حظي معك معي انت ما خبت
انت المقرب وأقرب من القرايب=بالحب همّ اجناب وانته تقربت
لو شفت غيرك من طوال الذوايب=ما ذبت فيهم وأنت في طلّتك ذبت
يا طيبك بقلبٍ بطاريك طايب=قلبا على عرشه عليت وتنصبت
على كثر ما مرني من مصايب=نسيتها والحين من بعدك انصبت
رحلت عن عيني بليا سبايب=وأنا احترق لاني ما حس أني أذنبت
متمرداً فالحب ما كنت هايب=واليوم من طوله بعادك تأدبت
مكبوت واجذب ما تجيب الهبايب=ولا قدرت انسم ولا اسلم من الكبت
انبتني بالحب وأنت السحايب=وما دام رحت وغبت من يسقي النبت
من تاب عن ذنبه يخاف العقايب=يا مذنباً فيني تبي تموت ما تبت
ارجع ورجع ذكريات الحبايب=ذكرى نراجعها من السبت للسبت
ولانته بمعذورٍ اليا ابطيت غايب=وأنا أدري انه لوك تحب ما غبت

لا تقول ودعتنـي داري=بالحيل مالي عليك عتاب
مريت في موعدك ساري=وقفت لين النجم ماغـاب
الليل تحت الشجر عاري=والفجر غطي السما بثياب
والريح في كفوفها الذاري= تدفن ارسوم الوعد بتراب
مريت ماللولـه طـاري= ووقفت ماللنـدم اسبـاب
مدري تعودت مشـواري= أو خان بي قلبي الكذاب

ياصاحبي لا تجي وتقول لي قالـــــووا=لو قلت ما قلت غير الله يجازيهـــــم
لاشفت بعض الاوادم للردى مالـــــوا=نفضتهم من عيوني قبل اخليهـــــم
يكفيني القدر نلته يوم ما نالـــــوا=الا && أو قول ما ابغى أجيب طاريهـــــم
ما أقول غير أنت لامن حطو وشالـــــوا=تعوذ برحمة الله من أساميهـــــم
ذكرهم ان الأعمار ان طالت وطالـــــوا=الخالد الذكر والا الموت قافيهـــــم
أما أنت ياقلب لو صالو بك وجالـــــوا=خلك مثل ما أنت لا تشره على ايديهـــــم
الناس من خلقت الدنيا ومازالـــــوا=عيال رجال لكن فيهم وفيهـــــم
ذولاك من عرض ناســـــ>ن< مالي ان مالـــــوا=الا اني اسكت وأقول الله يجازيهـــــم