منتديات الأماكن - ودي أموت اليوم واعيش باكر ...

منتديات الأماكن (https://www.al-amakn.com/vb//index.php)

- ●{ذآئِقةً عَذبْــهـَ..~ (https://www.al-amakn.com/vb//forumdisplay.php?f=55)

- - ودي أموت اليوم واعيش باكر ... (https://www.al-amakn.com/vb//showthread.php?t=80498)

ودي أموت اليوم واعيش باكر ...

ودي أموت اليوم واعيش باكر

ودي أموت اليوم واعيش باكر
واشوف من هو بعد موتي فقدني
ومن هوه حملني لين ذيك المقابر
واشكر انا كل من كرمني ودفني
وبشوف يرثيني انا كم شاعر
ومن هو تركني وما كتب شي عني
شخص تعنا لي مع انه مسافر
وشخص قريب وانا ميت طعني
وشخص يمثل دمعته وما هو قادر
وشخص تطيح دموعه كل ما ذكرني
ومن هو من اهلي فالعزاء كان حاضر
ومن هو دعا لي في صلاته ورحمني
ومن هوه بنا باسمي سبيل ومنابر
ومن هو يفز قلبه الا من لمحني
ومن هو عشاني طول الايام ساهر
ومن هو ثلاث ايام راح وتركني
ومن هو يرتب غرفتي والدفاتر

وان شاف صوره لي مات وحضني

ويالله عسى ما تخفي كل المشاعر
ويالله عسى ما ينصدم يوم ظني
خايف يروح العمر واكون خاسر
وان طار طيري مايفيد التمني
وخايف يجيني وقت اكسر خواطر
ان دارت الدنيا وزماني كسرني
ومدام هذي الدنيا صارت مظاهر
وكل من على كيفه وجوه يغني
صحيح مسلم لكن الهم كافر
كل ما بغيت اضحك يهددني حزني
الضيق وافي والحزن حيل وافر
والجرح اكثر شي شفته يحبني
عايش وميت بين ماضي وحاضر
والصبر مفتاح الفرج ضاع مني
قل وش تبي وتتركني ياحزني أمر
مسكين فرحي تصدق انه وحشني
شاعر ... ولكن ماني شاعر
ودي اموت اليوم وارتاح مني