وين التفاعل والكتابه ولو كان = مشغول واحدكم ترا الغير فاضين
يالله حماس ونقلب القسم بركان = منشان لارحنا يقولون وافين
اكتب ياشاعر واستلم رد بطران = وارجع ورد الشكر قل ناس كافين
اعضاء ياعيني عليهم قل اجنان = يازين خوة من على الكل صافين
واشراف حقاني على طيبة السان = شفهم ثلاثه للصعيبات قاوين
ياحر(ن) قطامي سكن داخل اوطان = كله مراجل والمراجل عناوين
والعازفه عاشت على يدين فرسان = فيها الاصاله والسعد جاك ذالحين
عند البريئه لاقدح راسك اوزان = سلطانة الوقفات بنت السلاطين
يالله تحفضهم وتجمعهم اخوان = في جنة الفردوس بنقول امين

جانا القصيد اللي تنومس له ولان=لسبعة بيوت(ن) بالإضافه لبيتين
وزنت شعري وزن مهدف لنيشان=واخذت من جزل المعاني براهين
وجاك الملبي ياابيض الوجه صنيان=حين انثنى له من قصيدك شطرين
عني وعن اخواتي رفيعات(ن) الشان=اردها لك ياغلاة الملبين
راكو طليق الوجه فالحق لابان=يهزهز البيداء في حل المعادين
رمز الثنى والجود في كل ميدان=وفالطيب يشهد له مرجّح موازين
ون جاء نهار(ن) فيه عج(ن) ودخان=تلقى الولد فعله يشيب المعنين
سنه صغير(ن) لكن العقل سلطان=عقله حكيم(ن) سالك العرف والدين
يالله عسى حالك في امننٍ وامان=يالصاحب اللي حافظه داخل العين

جتك القوافي تحتوي كل الالوان= من راس وافي تمتدح ناس غالين
تستاهل الناموس ياذرب الايمان=انشهد ان الطيب يبغى شياهين
العازفه والحر للمجد عنواان=اما البريئه فوق روس النيازين
لفته جميله ماتبي اي برهان=من يم راكو ذيب روس الصعانين