منتديات الأماكن - ودي / أناقش مع سعادتك موضوع { ~

منتديات الأماكن (https://www.al-amakn.com/vb//index.php)

- ●{ذآئِقةً عَذبْــهـَ..~ (https://www.al-amakn.com/vb//forumdisplay.php?f=55)

- - ودي / أناقش مع سعادتك موضوع { ~ (https://www.al-amakn.com/vb//showthread.php?t=77991)

ودي / أناقش مع سعادتك موضوع { ~

مدخل ~

اللي عطاك لسـان معطينـي لسـان ..
واقدر احطّك بيـن ضرسـي و نابـي

لكنّ .. أسكت , وآتجاهل ، على شان ؛
مافتح لـ رديـان المخاليـق بابـي !

::

ياللي وراك ضلوع ومن دونك ضلوع:
متمركزٍ ف الصّدر كنّك ... وداعـه

ودّي اناقش مع سعادتك .. موضوع
وابغيك تعطيني فقط { نص } ساعـه

صار اتصالك فيّ من اسبوع لاسبوع
حرّمت وصلك .. وإستبحت القطاعه

وتغيّرت فيك إنطباعات .. وطبـوع
وتجدّدت في نظرتك لي ... قناعـه

عيّشتني في كل مرغـوب ممنـوع
وحرمتني من كل .. سمعاً وطاعـه

.... وعلّمتني إن الجفا لـه كـذا نـوع
وإن [الهجر ]بالـذّات اكثـر بشاعـه ....

.... اوّل تجي يمّي من الشّـوق مدفـوع
ومَا احلى من المشتاق غير إندفاعـه ....

إن غبت عنك تصيح ودموعك دموع
مافيك ل الصّبر الجميل .. إستطاعه

مجنون فيني و { القلم } عنك مرفوع
همّك رضاي ومجتهد .. ف إتباعـه

واليوم .. لا حبل الرجى فيك مقطوع
مشيت درب اللّفلفـه .. واللّكاعـه

.... واللّي تسبّب في تغيّرك .. مجمـوع
عدم ثقه فينـي .. وبـث الإذاعـه ....

خل الكلام اللّي من الكذب .. مصنوع
وإخذ الكلام اللّـي تـذوق إنتفاعـه

.... ماكل هرج يمر " اذآنكـ " .. مسموع
اربع ارباع اللّـي يمـرّك إشاعـه ....

لو الحكي بفلوس او شيك .. مدفوع
يمديك ضامي لـ الكلام .. وسماعـه

ياشينها لاجاتك " همومك ".. جموع
ولاعاد عندك ل المواجه .. شجاعه

.... وياشينها لو كان لك حق مشـروع
واقربهم ل قلبك سعى فـي ضياعـه ....

هذا الكلام الليّ من القلب .. مطبوع
إقرا كلام القلب وشـوف إنطباعـه

وإسمع ترى الجوّال ماهوب مقطوع
شغّال له أربـع وعشريـن ساعـه

الشـــاعر / محمد الشلآحي

مخرج ~
يآلليّ تقول البرد جــمّد عظآامكَ !
إفــرح .. ولآتصبح من البرد مُستاء
لو ذقت مآذقته .. تغيّــر كلآمكَ
برد المشآعر ..غير عن برد الأجوآء !