|
حلى الوردة المخملية ,,
السلام عليكم ورحمة الله وبركاته ,, مع أني ما أطيق الطبخ ولا المطبخ و بتعذبيني دخليني أطبخ .. ولكني .. تعوذت من إبليس و و و و و اليوم ياحلوات جبت لكم طريقة حلى تجنن وسهلة وأهم شيء أسم هالحلى حلى الوردة المخملية ,, وهو عبارة عن أربع طبقات .. الأولى .. حطي بسكويت شاي بالصينية يكون عدل مو مكسر ولا مطحون حطيه جاف لاتغمسينه بالحليب.. الطبقة الثانية .أحمسي كأس حليب بودرة وبعدين حطيه عليه علبة قشطة وفنجال زيت وكذلك فنجال سكر بودرة وأخلطيهم وبعدين حطي الخلطة فوق البسكويت .. الطبقة الثالثة .. رصي طبقة ثانية من البسكويت الجاف .. الطبقة الرابعة.. أغلي ثلاث أرباع كأس حليب سائل مع ظرفين كريمة ..وصبي الكريمة بالصينية لتكون الطبقة الرابعة. وإذا ودك تتفلسفين زيادة رشي فوق الكريمة شكولاتة بودرة ولى فلك مفتت وبعد ذلك حطي الصينية بالفريزر لين ما تجمد الكريمة بعدين قطعيها وصفيها بصينية وحطي بالنص وردة جوري مخملية وسوي القهوة وياسلااااام ولا تنسين تذكريني .. هذه الطريقة من كتاب أم عبدالعزيز ( أمل الجهيمي ) أطباق النخبة ..لأني أحب هالحلى سميته بأسمي تحياتي لكم ,, الوردة المخملية .. |
تسلميييييييين يا عيوني .. على هالحلى ...
انا احب اعمل حلى اسهل من غثا الصياني والشغلات هذي ما احب الفرن ... والكتاب هذا روعه ... ما شاء الله على صاحبته .. لا عدمناكـ ومواضيعكـ اللزيزه .. تحياتي شيزون http://www.asmilies.com/smiliespic/g...if0405_065.gif |
الوردة المخملية
يعطيكِ العافية على هالطريقة السهلة لأكلة شهية وأنا والله من محبين هالحلى . وراح أخذ طريقة هالحلى بعد إذنك. تحياتي |
حلى ولا أروع
أحبه كثير واحب أتفلسف في تزيينه يسلمووو الورده المخملية |
اقتباس:
شاكرة تواجدك الحلو ياحلوة .. |
اقتباس:
الله يعافيك أخوي الزير خذ المقادير وما أوصيك سوه بنفسك وذوقنا منه ,, |
اقتباس:
وزين لقيت أحد مثلي يحب هالحلى الحلو .. |
يجنن هالحلا مع القهوه
تسلم الايادي خيتوا :) |
يا سلااااااااام:021: سهل واضح بسيط تسلمين اختي الوردة المخملية على هالوصفة الخفيفة الله يسلم أناملك الرائعة |
اقتباس:
الله يسلمك أخوي العيار .. أن شاء الله يوم من الأيام بسويه وأرسله للمنتدى .. |
اقتباس:
هلا ياقلبي نورتي حبيبتي عاد ماوصيك سوييه وخبرني ,, |
ذي سهله مره
اسهل من الكنافه تصدقين وانا اقرأ قاعد احفظ عشان اذا دخلت المطبخ صلحتها احس انها رايقة الطبخه بالمره يعطيك العافيه اختي من جد راح تكون كل الحلا سي يووووووو |
اقتباس:
بس جرب هالحلا وصدقني بتترك الكنافة وبتطيح فيه وسو الحلى وخبرني عن النتائج ,, شاكرة تواجدك .. |
| الساعة الآن 03:05 PM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.