منتديات الأماكن - نهار ثالث عقب عيد رمضاني . . ( مـرثيـه

منتديات الأماكن (https://www.al-amakn.com/vb//index.php)

- ●{ذآئِقةً عَذبْــهـَ..~ (https://www.al-amakn.com/vb//forumdisplay.php?f=55)

- - نهار ثالث عقب عيد رمضاني . . ( مـرثيـه (https://www.al-amakn.com/vb//showthread.php?t=71076)

نهار ثالث عقب عيد رمضاني . . ( مـرثيـه

YouTube - ‫ط§ظ„ط´ط§ط¹ط±ط© ط´ط¬ظˆظ†‬&lrm;

نهار ثالث عقب عيـد رمضانـي
ناس عطاها الله ونـاس محرومـة
أحد (ن) قضى عيده سلام وتهانـي
وأحد (ن) توصله الكواكب همومـه
صادفت صدفة من صدوف الزماني
منها قوي الحيـل تفتـر عزومـه
هـذا زمـان الهـم والإمتحـانـي
وقت على قلبـي تعاقـب سهومـه
الأولـه كامـل جميـع المعـانـي
مزبن المضيوم شـرع الخصومـه
محمد اللـي فـي القسـا والليانـي
عقبه سمايا غايبـات (ن) نجومـه
والثانيه باقرب قريب (ن) ودانـي
خامس عيالي يوم جتنـي علومـه
قالوا ما بين الخاصـره واحلبانـي
ولدك مـات اللـي ترجـا قدومـه
جاء يومه الموعود بأربـع ثوانـي
قلت السبب قالوا دنـا منـه يومـه
علم (ن) على الكبدالصخيفه كوانـي
كيت عطب ما تنشكـي للحكومـه
تهشمت كـل الضلـوع المحانـي
مفجوع والمفجوع محد (ن) يلومـه
أخذت لي ساعه وأنا فـي مكانـي
حسبت لى عشرين طيحـه وقومـه
إليا بغيت الهـرج ييبـس لسانـي
والذاكره عنـدي تقـول امعدومـه
قمـت أتلفـت وأتسمـع بـأذانـي
من شاف حالي مـا تهنـا بنومـه
مما بقلبي رحـت بالليـل عانـي
للموتر اللي ما بقـى إلا رسومـه
عن روحتي ياليـت ربـي نهانـي
ولا شفت دمه سايحن فـي هدومـه
قمـت ودفنتـه والله المستعـانـي
في خرقة (ن) بيضاء عليه محزومه
يـم القويعيـه بـلاد اقحطـانـي
والحر غير لون وجهـي سمومـه
واقفيت من عنده وعشري ثماني
مثل المصيح والبلاد محكومه
والله لولاني وسيع البطاني
لا صكها مثل اشقر الريش حومه
طاوعت نفسي مير عقلي قاوني
عن الخطأ مافيه نفس (ن) معصومه

للشاعر
احمد الناصر الشايع