الحزن باصي والطواريق ركاب
يا لـوف قلبـي لـوف لـوفً علـى لـوف=ويـا تـل قلـبـي تــل تــلً مــن الـجـوف سبـة زمــانً تــل قلـبـي وانــا اشــوف=تـقـول محـطـوطً عـلـى مـتـنـي الـنـيـر الـبـارحـه جـفـنـي تــعــذب ولا بــــات=وانثـر دمـوع العيـن بسكـات بسـكـات لــولا يسـلـي خـاطـري بــدع الابـيـات=لا أشــق ثـوبـي مــن عـلـو الازاريـــر الله ولا هـــمً سـكــن داخــــل الــــروح=معي معي من ويـن يـا نـاس مـا أروح اشكي من اسبابه وانـا اصيـح وانـوح=اثــر عـلـى حـالـي مــن الـعـام تـاثـيـر ان نـمـت صحـانـي ثـلاثـيـن كـابــوس=وان قمت كني عن ملا الناس محبوس اضحك وكـن القلـب مقطـوع بالمـوس=ضـحـكً يعـبـر نـظـرة الـحـزن تعـبـيـر مـا لـوم دمعـي لـو علـى الخـد ينسـاب=اصبحـت انـا والهـم خـلان واصـحـاب الحـزن بـاصـي وازرق الـدمـع ركــاب=والـيــاس مـاجــلان كـــل الـمـشـاويـر قـلـبــي حــزيــن وعـلــتــي داخـلــيــه=لـكــن عــلــى الــخــلاق رب الـبـريــه مـــا يـتــرك الـمـخـلـوق فالمهـمـهـيـه=قلتـه وانـا عنـدي علـى الـقـول تبـريـر يـفـداك يـــا شـعــري فـــوادي ودمـــي=تـو ابـتـدا هاجـوسـي شـعـري يحـمـي تعـال ابـا اضمـك علـى الصـدر ضـمـي=واعانـقـك فــي جــو الابــداع واطـيــر ويــن القـلـم هـاتـوه بأكـتـب وصـاتـي=ويــن انــت يـاغـروً مـشـتـت حـيـاتـي تـكـفـى دخـيـلـك لا تـسـبــب مـمـاتــي=يالـلـي تـجـر القـلـب جـــر المنـاشـيـر القـاف قافـي وافـتـل الـقـاف لأرضــاك=احـب انـا طـاريـك واعشـقـك واهــواك مـنـســاك لا والله مـنـســاك مـنـســاك=مـنـسـاك يـاسـيـد الـبـنـات الـغـنـاديـر حـبـك مـلـك قـلـبـي وصـــار الكـونـتـر=حـبـٍ يـشـابـه حـــب عـبــلا وعـنـتـر تلعـب بقلـبـي مـثـل بـرشـا مـعـا انـتـر=انثـر عليـك الدمـع فالصـبـح وعصـيـر متـى نشوفـك يادعـج العـيـن قــل لــي=ليـتـك عـلـى الاوجــاع سـاعـه تطـلـي مـا عـاد لـي فالصـبـر لــو كــان مـلـي=مــال الهـجـر والبـعـد يـازيــن تـبـريـر لـيـتـك تـحــس بلـوعـتـي والحـنـيـنـي=ولـيـتـك تـعــوض فـايـتـات السنـيـنـي وليـتـك بـكـل اسـبـوع مـــره تجـيـنـي=يــا مـخـدرً قلـبـي مــن الـحـب تخـديـر سبحـان مـن كـمـل فـيـك كــل المـزايـا=مــن زود زيـنـك كــن وجـهـك مـرايــا تــعــال احــطــك يـاحـبـيـبـي ورايـــــا=وانطـح علشـانـك صـفـوف الطوابـيـر عنـدي مـن الافكـار خمـسـة مواضـيـع=اخـاف لا اسـرف فيـك واتـوه واضـيـع لـكـن بــأودع مجـمـل الـحــب تـوديــع=واكتـب عـلـى كــل المواضـيـع تقـريـر |
رد: الحزن باصي والطواريق ركاب
|
رد: الحزن باصي والطواريق ركاب
صح بدن سموك
والك البقا ولاهنت على المرور الكريم والبيت مكسور وانا متجاهله |
رد: الحزن باصي والطواريق ركاب
صح السانك قصيدة جزله ومرباع ثلاثي
جميل ومتزن ونتشوق لهذا الطرق الفريد دوما شكرنا بحجم مساحة ابداعك وامتاعك االعاطفي |
رد: الحزن باصي والطواريق ركاب
|
رد: الحزن باصي والطواريق ركاب
صح بدن كل سمو منكم
اشكركم على الحضور الطيب |
رد: الحزن باصي والطواريق ركاب
روووعه وربي
كلمات قمة الجمال والابداع حروووف مليئه بالشوق والاحساس المرهف لاهنت سيدي ولاهان احساسك المميز احترااامي |
رد: الحزن باصي والطواريق ركاب
قويه هي والا انا حسيت هيك
احرقت كل الخفوق والا تلامس منهو قلبه شكى - العتيبي -عزيزي ميلاد انبثق هنا وكان لسندسه الحرف بريق الجدب فكنا هنا !! مطراً هي اسطرك تبشر بخير وافر - الف والف ورده لروحك- ا |
رد: الحزن باصي والطواريق ركاب
كلمات راقت لي كثيراً
صح لسآن قايلها وتسلم ايدينك اشكرك |
الساعة الآن 08:21 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.