منتديات الأماكن - دمعة عيوني . . .

منتديات الأماكن (https://www.al-amakn.com/vb//index.php)

- ●{ذآئِقةً عَذبْــهـَ..~ (https://www.al-amakn.com/vb//forumdisplay.php?f=55)

- - دمعة عيوني . . . » خالد بن سويط ! (https://www.al-amakn.com/vb//showthread.php?t=82736)

دمعة عيوني . . . » خالد بن سويط !

"

من عـام ، وأنا آحس إني ( أحد ثاني ) ،
................ يا أصدقائي ، لـ وين الدرب ، دلّـوني

غرّبنـي الوقـت ، والواقـع تحـدانـي
................ وقفـت ، وما همّني .. لو هم تحـدّوني

مشيت درب الهوا ، وبه صوت ناداني :
................ لو ما معك صبر ، حاول ترجع إبدوني !

وآتذكـرك ، كان لك قلب ، وصدر حاني ،
................ هي وينها كل حاجه ، سرّت عيونـي ؟

حبيبـي الغايب ، اللـي دوم ينساني ،
................ ليه الجفا ؟ جرّحت صدّاتك ، جفونـي

محتاج لك كثـر مـا تشكـي ، وتلقانـي
................ واقف على جال قلبـك ، مختلـف لونـي

( محتاج لك ) شوفها ، ملت على لسانـي
................ وأخاف يسمعها ناس ٍ .. مـا يدانونـي !

ما طحت ، من جرحـي الأول ولا الثانـي
................ تبيني آطيـح يوم إن خابـت ظنوني ؟

كل جرح مـرّ بطريقـي ، مـا تعدّانـي ،
................ كبير ، رغم الألم ، ما طاحت إمتوني

وكل حزن مرّ بطريقـي ، شـوّه ألوانـي
................ يعني بعد غيبتـك ، لا تسـأل شلونـي ؟

وكل برد مرّ بطريقـي ، مـات بأحضانـي
................ لاْ تخاف ، جرحي مع أحزاني .. يدفوّني

من واقع الوقت ، شوف اليوم وش جاني ؟
................ كم حلم حاولت أعيشه ، عاش من دونـي

يسري بي الليل ، وتغنّي لـي .. أحزانـي
................ وأضيق من حزنها ، لكـن علـى هونـي

حتى الأمل فـي ظـلام الوقـت ، خلاّنـي
................ وحيد ! والجـرح والأحـزان .. يبكونـي

ما مت من وحدتـي يـوم الله أحيانـي ،
................ وش عـاد لو كل هـالعالم .. يخلّوني ؟

من وقـت ما عدت أتضايق ولا أعاني ،
................ يا دمعة الضيق لـ عيون الهوى : خوني

هو ليـه أحزن إذا هالناس تنساني ؟
................ واللي بقى في عيوني ، دمعة عيوني !

خآلد بن سويط . .