الله وأكبر يبو متعب وسبحان=سبحان من سوّى العيون الحزينه
البارحه سايح ونا في بلودان=وشد إنتباهي منظرن بالمدينه
شارع به الشّعب الخليجي ومليان=حفلات مع وضع إنعدام السّكينه
ومقهى به العالم من اشكال وألوان=بناتن إتشيّش وأغاني حزينه
كلّن معا خلّه سعيدن وفرحان=ناسن تعبّر عن مشاعر كنينه
دخلت للمقهى على ساس خرمان=في شارعن ياخوك ياقل طينه
طلبت لي شيشه معا كوب رمّان=وراسن تجيب الراس تفّاحتينه
جلست أشيّش وآتأمّل وطربان=وأبطيت أقلّب بالجروح الدفينه
فجأه ونا ببحور الأحزان غرقان=صدفه قبال العين مرّت سفينه
شفت الغنوج اللي تلفّت بالأعيان=ولا دريت إلاّ وعيني بعينه
خذيتلي ساعه ونا آخوك حيران=هذي بشر ولاّ القمر جايبينه ..!
إسمه على شكله ولاني بغلطان=زينه ونا اشهد ياعرب حيل زينه
وهرجه مع إخته علّمن بأي الأوطان= من اهل الكويت الغاليه والأمينه
حلوه ولكن سلك الإحساس عطلان=وماهي بتدري بالخفوق وونينه
لاهي خذتني من محيطات الأحزان=ولاهي بردّت عن يديني يدينه
خلّتني إمعلّق ونا حيل شفقان=تلّت إعروق القلب وأرخت عرينه
راحت ولاهي علّمتني بعنوان=وحال القدر والبعد بيني وبينه
طلعت تايه وإمتضايق وطفشان=وقلبي غدى هم المفارق قرينه
ماشفت مثله [ بالعلاوي وبرزان ]= والشام كلّه لاشمال ويمينه
صارت لي الزينه على مر الأزمان=ذكرى ترد الرّوح ياحان حينه
شفته يبو متعب على حد لبنان=وضيّعتها يامير وسط المدينه
عساك يابلودان في غر الأمزان=وسقى الله أيامن قضت في سنينه

العنود ..

صح بدنكـ يالغاليهـ وهذا من ذوقكـ..

والله لايهينكـ

لاحرمت

&

ودّي .

المشاركة الأصلية كتبت بواسطة خيــال الاصيلــهـ (المشاركة 1374455) بدر صح لسانكـ مليون ودبل الدبلات قصيده جزله من شاعر جزل بيض الله وجهكـ ع الابيـات التي امامي ولا هنـت لكن في شطر تقول فيه ماشفت مثله [ بالعلاوي وبـرزان ] صـراحه هالشطـر . . . . . . . . يابدر اكـبر بكثير ان تأتي به بـين بلودان وسوريا ولبنـان على العموم كلمات ولا اروع دمت بخيـر يا اخوي

المشاركة الأصلية كتبت بواسطة روح دنيااااي (المشاركة 1374464) حلـوه ولكـن سلـك الإحسـاس عطـلان ومــــاهـــــي بــــتـــــدري بــالــخــفـــوق وونـــيـــنـــه هههههه !! يعجبني جنونك بأختيار كلماااتك قصيده قمه في الروعه :122: والله يعوضك خير في زيــنــــــــــــه !!! لاخلا ولا عدم

المشاركة الأصلية كتبت بواسطة اغلى حبيبه (المشاركة 1374696) والله صح لسانك يالبدر قصيده بمنتهى الروووعه وربي وددت ان لاتنتهي بشوق لجديدك دمت بسلام

المشاركة الأصلية كتبت بواسطة المانشستراوي (المشاركة 1374711) حـيّـك ..وحي الـحـرف يـآبو عـلـيـآن ...وحي البـيوت ..المـترفـآت الـثـمـينه لو إن حرفك جدد هـموم وأحـزآن وأصـحى الـجروح ..الـغـآفـيـآت الدفينه ذكّرتني باللآذقية ..وكيـســآن وردّيت للقلب المشقّى ونينه صح لــســآنك عدد مـآ أرمشت عينك يالبدر جزل ...وبطل وأنا أخوك والحرف اللي يجي بحزّته ..مـآمثله ...خصوصـآً ..لآصار منك يالشهم لآهنت والله وهذي مــآتكفينـآ منك ....لأنك مبطي مـآشـفـنـآك .... نحتريك بالجـآي يسعدك ربي