|
|
|
قصتي مع النظره الشرعيه قبل الزواج...
يسعد لي مساكم\صباحكم...لكل العسولين اللي يقرون...
اليوم طرحت موضوع كنت ابي اطرحه من زمان واشوفه مشكله في مجتمعنا الخليجي عامه والسعودي خاصه... ابدا لكم الكلام من قلب الحدث...النظره الشرعيه قبل الزواج هذي مشكله اشوفها والقصه هذي مو لي بس حبيت الفت انتباهكم من العنوان قصه صديقه لي وقصتها بقولها لكم وابي منكم جواب مقنع من اللي حنا فيه ورجاءا لاتقول رايك الا لما تقرا للنهايه عشان ماتحكم غلط عالموضوع..وانشالله ماطول عليكم....بالمختصر المفيد..صديقتي اختها جذابه بس تشوفها تقول يأرض احفظي ماعليك أدب واخلاق وجمال ماناقصها شي كل شي فيها ويكفي ان هلها راضين عليها تزوجت بولد عمها وعاشت حياه ولااحلى منها ....تمر الايام الا ومعها ولد ماشاء الله عليه ...في يوم من الايام كان عندهم عزومه رجاجيل واهيا طالعه فجاه تبي تساعد في ترتيب العشا الا وولد خال زوجها يشوفها انبهر الولد وماصدق اللي يشوفه ...بعد ماخلص العشا راح الولد لامه وقال لها كل شي ويقول يبي اختها اكيد تشبها ومايبي الا اهيا وبسرعه قبل لااحد ياخذ البنت الام ماصدقت ولدها نطق وقال اخطبي لي واهيا صار لها سنين تترجاه راحت امه واخطبت له البنت ووافقوا اهلها وتم كل شي الولد يسال امه اهيا حلوه مثل اختها ترد وتقول اكيد اختها وتشبهها ارتاح الولد بس اصر انه يشوفها وكلم ابو البنت بس رفض وقال ماعندنا رجاجيل يشوفون البنات قبل الزواج ..؟؟الولد سكت وقال خليني ساكت لاطير البنت من يدي ...كان كل شوي يسال هله حلوه مثل اختها وهما اكيد حلوه اصلا بنات فلان كلهم حلوات كل وحده تقول ياقمر قوم اقعد محلك...تمر الشهور بسرعه وتزوج الولد بس كانت المفاجاه... ماعجبته وقال يمه شهذي مابيها ماعجبتني ابد مو مثل اختها.. اختها اجمل بكثير مابيها رجعوها لهلها وامه تترجاه لاتفضحنا ياولد ماصار لك اسبوع معها بس رفض وقال الله لايسامحك ليش كذبتي علي وخليتيني اتحلم واتخيل بس خلاص والله لطلقها ومابي زواج وانا بدور واختار لي وحده مثل الناس ...البنت رجعت لهلها مكسوره والكل يسال ليش مطلق بها السرعه يرد ويقول ماعجبتني ابد مو حلوه والرجاجيل ينتشر الخبر عندهم مثل الطير والبنت قطع بنصيبها والكل يقول مو حلوه وتطلقت...البنت تازمت نفسيا وقالت ليش يسوي كذا ماسويت فيه شي شوه سمعتي الله يسامحه...هذي اهيا قصتها والبنت انقطع نصيبها بسبت واحد ماكان يستاهل اصلا يمسك ايدها بنت اخلاق وادب وكامله مكمله ماقتنع فيها لانها مو مثل اختها مو مثل شبيهات زمنه اللي يشوفهم في كل القنوات ...صرنا بزمن عجيب الولد ماصار يبي امه وخواته يختارون له يبي اهوا يختار ولازم يشوفها ويقعد معها ويسال يبي يشوف تفكيرها لوين حيوصل ..وصفاتهم المثاليه كالتالي عذرا عالكلام اللي بقوله بس اعذروني من قهري عالبنت..يبي{ خصر نحيل مع طول شامخ ...شفايف ورديه لامعه وتكون بحجم مطلوب مو ما تنشاف...والصدر مو مثل الزيتونه مثل وصف شعراء العصر الجاهلي لا يبغونه بحجم شمامه او أي فاكه تفي بالغرض...تكون بيضا او سمرا عادي اهم شي الصفات اللي سبقت موجوده ...ويكون شعرها طويل عشان يتلاعبون فيه على كيفهم..ويااسود يااشقر مو مهم اهم شي طويل...}اه بس يطول الكلام والسالفه ماتنتهي...هذا اللي عندي شرايكم في القصه شتحكمون عليها ومن السبب انه مااصر يشوفها ..؟او الاهل اقنعوه بشي مو موجود يبغون الفكه..والام تبي تشوف عيال ولدها قبل لاتموت مثل كل الامهات..؟ او تفكير الولد نفسه يوم اعتقد الاخوات دايم مثل بعض...كثرت الاسباب والطلاق واحد ...بس جد مايستاهلها نذل شوه سمعت البنت بين خلق الله وقطع نصيبها هذا مو ادمي ...اه بس ياقهري عالبنت ..في شي حبيت اقوله...شرايكم في النظره الشرعيه قبل الزواج ماتعتقدون انه شي مهم ولازم الكل يتعرف على الثاني بس فكرت فيها وقلت هالشي له جانبين سيئ وصحيح السيئ ان الولد اذا ماعجبته البنت يدور على غيرها ويسوي سوات الخبل اللي قلت لكم قصته فوق ويقطع بنصيبها وقتها تحس البنت بأهانه كانها بضاعه شافها وراح وكانها لعبه بديه.. والجانب الصحيح الولد يتعرف عالبنت قبل ويكون عنده خلفيه عنها قبل الزواج ومايكون له حجه خلاص شافها واهوا اللي اختارها...ابي ارائكم في الموضوع بصراحه وتأيدون النظره الشرعيه ولا لا وليش وشرايكم في القصه اللي قلتها انا اعتقد ان منافع النظره الشرعيه اكثر من مضارها بس فيه ناس مايخافون ربهم....انشالله ماطولت عليكم اعذروني بس انشالله تعبي مايروح عالفاضي في الكتابه واطلع بنتيجه حلوه منكم في الموضوع بشي مقنع ...مادري ليش دايم افكر ان ودي ان الشرع يفرض على الاباء ان البنت تنشاف لان جد تصير عندنا قصص كثير من هالنوع وماله حل الا انه يشوفها ....ولا شرايكم...انشالله بعد انتوا استفدتوا شي من اللي كتبته وتطلعون واطلع بنتيجه ترضيني ...بعد انشالله يكون الموضوع انطرح في مكانه الصحيح واذا مو في مكانه الله يعين المشرف ينقله والعذر والسموحه ... اختكم...كــــبـــــريــــاء الــــجـــــــنـــــوبـــــ* |
رد: قصتي مع النظره الشرعيه قبل الزواج...
عزيزتي الغاااالية / لــــجــــيــــن
بداية يسعدني أن البي دعوتك لي بزيارة هذه الصفحة التي أتشرف بتواجدي بها كي أنتشي جميل عطرك من خلالها وأهنئك على تعاطفك مع تلك الفتاة التي أسئل الله أن يعوضها خيرآ ولك مني شكر متواصل لا ينقطع بدايته مني ونهايته يستقر بين يديك تقديرآ وإحترامآ اليك غااااليتي لــــجــــيــــن , نعلم جميعآ أن ما حدث لتلك الفتاة أمر يجعل القلب يدمى والعين تدمع أيصل الأمر أن يكون ذلك الشاب يبذل الغالي كي يقترن بها وبعد ذلك ينفصل عنها مبررآ ذلك بأنها لم تشبه أختاه او لم ترتقي له في جمالها ألم يعلم أن الرجل الحصيف يجعل الجمال أخر شيء يبحث عنه وهي كما قلتِ أنها على قدر كبير من الأخلاق ولم ينقصها شيء غير الجمال من وجهة نظرة كما وأن أهله لم يخطئوا حين قالوا أنها جميلة لأن الجمال نسبي ويختلف بين فرد وأخر فكل له نظرته التي يقيس بها وطالما أنه تزوج وارتبط بها كان لزامآ أن يحافظ عليها وإن كان جمالها لا يفتنه او لم تكون جميلة بعينه فمن المؤكد أن بها إيجابيات أخرى قد تنسيه مسئلة الجمال وبصدق هل كل المتزوجات جميلات بالطبع لا ولكن هناك أمور أهم من الجمال فالخلاق وطيبة القلب وإهتمامها بنفسها ولين كلامها هذه من وجهة نظري أهم بكثير من الجمال وقناعتي تقول أن الجمال الحقيقي هو ما يراه القلب ويشعر به وليس ما تراه العين ومتى كانت البيوت تقوم على الجمال ؟ وربنا جل في علاه شرع الزواج وشرع النظر لمن يريد الزواج سواءً أكان الرجل أم المرأة فمن حقهما النظر لبعضهما كي يكون هناك الفة بين القلوب فقد يرتاح القلب لإمرأة معينة وقد لا تكون جميلة وقد لا يرتاح ذلك القلب حتى لو كانت المرأة جميلة فليس المقياس هو الجمال بل هو ربع من أربعة أرباع فهناك الدين والحسب والمال كما جاء في الحديث ( تنكح المرأة لأربع لمالها ولحسبها ولجمالها ولدينها فاظفر بذات الدين تربت يداك ) فليس الجمال هو المقياس الوحيد والبعث على الزواج فقط بل إن الجمال عند بعض الرجال الحكماء يجعله هو الأخير كي لا يكون له اهمية كبيرة ويبدء على الدين فالدين أهم من الجمال بكثير ويدخل تحت ذلك الأخلاق التي تربت عليها كما أنه هناك حديث أخر وهو ( تزوجوا الودود الولود فإني مكاثر بكم الأمم ) فهذا أمر بالزواج بمن تكون ودود لزوجها متحببة له والمنجبة للأبناء ولم يذكر الجمال مطلقآ لأنه ليس بالمهم كما وأن على الأهل أن يكونوا ذا فهم وأن لا يرفضوا من يطلب النظرة الشرعية ولكن على من ينظر لمن يريد الزواج بها عند عدم رغبته بها بعد أن ينظر لها أن يستر عليها ولا يتكلم بها في كل مكان كي لا يكون سببآ في عدم تقدم الخطاب لها وهذه أمانة يجب على الرجل صيانها والحفاظ عليها ولا يفوتني أن اقول أن ذلك الشاب الذي لم يترك مجلسآ الإ وذكر فيه سبب إنفصاله عن تلك الفتاة وهو أنها غير جميلة قد إقترف إثمآ تجاهها وكان عليه أن لا يذكر ذلك ويقول لم يكتب الله بيننا الوفاق بل وكان عليه أن يثني عليها الغاااالية لــــجــــيــــن , هذه الصفحة جمعتي بك وكنت سعيدآ وقبل أن اتركها سوف أبقي تحاياي القلبية المعطرة بها لعلك أن تقبليها مني ومعها دعوات لك بكل خير وصحة وعافية وأن يمتعك ربي بالسعادة الدائمة وأن يحقق لك ربي جميع امانيك لك ووووووووووودي وباقاااات ووووووووووردي وخاااالص شكري |
رد: قصتي مع النظره الشرعيه قبل الزواج...
اعتقد ان الخطأ بدأ من اهل الولد لانهم اوهموا ابنهم بجمال البنت
والخطأ الثاني اهل البنت لانهم رفضوا انه يشوفها فوقعت المصيبه عليهم وعلى بنتهم ... (في ايام الرسول كان في صحابي يبي يتزوج فذهب الى الرسول صلى الله عليه وسلم فقال له هل نتظرت اليها قال لا قال اذهب فنظر اليها فانه احرى ان يؤدم بينكما) والولد بعد كان غلطان لما طلقها في اول اسبوع وماستر عليها (من ستر مسلما ستر الله عليه في الدنيا والاخره) وينه عن هذا الحديث وهذه القيم...!! الحين مانقدر نقول شي غير الله يوفقها ويرزقها من يستاهلها ربي يسعدك |
رد: قصتي مع النظره الشرعيه قبل الزواج...
آممممممممممـ’’ موضوعـ’ مهمـ’ جدآآآ وحسآآآسـ’ كمآآنـ’ ولهـ’ جوآنبـ’كثيرهـ’ ويطووول الحديثـ’ فيه،ـ’’ وتكلمنآآ فيهـ’ قبل في نفس هالقسمـ وآبديتـ’ رآئيـ’ وآلآغلبـ’ خالفووهـ’ وفيهـ’ المؤودينـ’ كبريآآآء الجنووبـ’ الف شكر لكـ’ غاليتي^ ع ـآلمجهوود آلكثر من رآئعـ’ ولي بآآكـ’ آنشآء الله^ بربـ’_*) |
رد: قصتي مع النظره الشرعيه قبل الزواج...
يسعد ربي كل اوقاتكم بالخير والمحبه...
اخوي...كحيلان11 اسعدني مرورك لصفحتي وحبيت كل شي كتبته ويكفي بس اني شفتك موجود فيها وصراحه هذا شرف كبير لي ودايم استفيد من كل شي تقوله... مرجوجه اشوي ..يسعدلي كل اوقاتك...يالغاليه صفحتي كلها ترحب فيك وجد لك معزه خاصه ومعتبرتك مثل اختي ...كلامك كله جواهر واهم شي استدليتي من الحديث واقنعتيني زياده... همس الروح..يسعد لي اوقاتك بالصحه..انا اللي اشكرك لانك شرفتي صفحتي والله لايحرمني منكم... اشكركم يالغالين وكل شي راح وانتهى مانقدر نرجع البنت ولا شي بس حبيت اشوف وجهات النظر...والله يجازي من كان السبب...ويعطي البنت على قد نيتها... اختكم...كـــــبـــــــريـــــــاء الـــــــجــــــنـــــــوبــــــــ* |
رد: قصتي مع النظره الشرعيه قبل الزواج...
لجيـن ~.. موضوعك قوي بصرآحه آنـآ ملاحظه ع بعض اهل الجنوب كذآ بس الحين الكل " تفتتتتتتح " والشباب صـآرو يشوفون ويعرفون ..! يعني الخطـأ أبتدآ من والد البنت المفروض يخليه يشوفهـآ لان مهما كان الوصف النظر غييييييييييييييييييييير .. والحين البنت ببيت اهلهـآ ومن تشكي له يـآقلبي عليهـآ الله يعينهـآ ويسعدها ويرزقهـآ بالي يستـآهلها وينور حيـآتها اما بعض الشباب الله يهديهم يقول لـ آمه وطبعاً هذا الي حاصل الحين " يمه اخطبي لي واذا خلصتي وعرفتي كل شي ترى ابي اشوفهـآ ويـآلله عاد مافييييييييه بـآآآآآآب ما يطقون ومافيه بنت مايشوفها لين شافها يمه مهب زيييييييينه وش ذي قصيره ، ومره يمه اطول مني ، ومره تلعبين علي ذي سمرآ ابي بيضـآ وهو آآآآسمر طوييييييييييل سمييييييييييييييييييييين بالعربي يخرع وشوووووو يتشرط ومحد يضيع فيها الا البنت .ّ! بس شنقول بعد الله يسسسسستر ع الجميع يـآرب .. لجيييييييييين .. يعطيك العافييييه قلبـو وآآآسفه ع الاطـآله .. :066: ,, |
رد: قصتي مع النظره الشرعيه قبل الزواج...
تحياتي لك وعميق شكري .. لكونك جعلتينا نشارك معاك
موضوع يحمل نقاط مختلفه في طرح فعلا هذا اللي حاصل ..في مجتمعاتنا واحيان الشاب مايشوف زوجته إلاع الكوشه .. فعلا.. الضحيه الشاب والبنت .. ... والله مو صاير شي اذا شافوا بعض ع الاقل يقتنعون..زي مال للشاب حق في نظره كمان البنت . . من حقها . والله كل الاحداثيات اللي نعيش فيها راضخه للعادات ( هذا عيب) الله يعوض البنت |
رد: قصتي مع النظره الشرعيه قبل الزواج...
أختي (لجين) موضوع جميل و مهم يقع فيه الكثير من الناس أولاً نحن جميعنا نعرف أن الرسول عليه الصلاة و السلام لاينطق عن الهوى إنما هو وحي يوحى إليه و عندما قال عليه الصلاة و السلام : ( أنظر إليها فإنها أحرى أن يؤدم بينكما) فقد كانت حكمة الله أن ينظر الزوج إلى زوجته قبل الزواج لتسود روح الموده بينهما و هو حق مشروع للرجل و لايجوز لولي أمر المرأه أن يمنعه منه و لا يحق له ذلك أبداً لأن الضرر واقع لا محاله و أنا هنا أرى أن الخطأ أولاً و أخيراً على الشاب المتقدم للزواج لسببين السبب الأول أنه لم يصر على رؤية زوجته قبل الزواج أي أنه تنازل عن حقه بإرادته و هذا يعني قبوله بما سيواجه إن كان خير أو غيره السبب الثاني تسرعه بقرار الطلاق دون تأني و بذلك حرم نفسه من أن يتعرف على مزايا تلك المرأه التي كتبها الله له و كلنا يعرف أن الزواج قسمه و نصيب. أختي (كبرياء أنثى) أشكرك على طرحك الموضوع و أسلوبك الرائع أخوك خيالك (ابوعبدالرحمن) |
رد: قصتي مع النظره الشرعيه قبل الزواج...
حسب قراءتي للقصة أعتقد ان ذنب البنت برقبة والدة الزوج
لأنها تعرف ولدها وتدري ان السبب اللي خلاه يوافق على الزواج هو البنت اللي شافها.. وأصر ان تكون زوجة المستقبل تشابه البنت,, لكن الوالدة مااهتمت لرغبة الولد وخطبتله وهي تدري ان الخوات مايتشابهون.. كان المفروض تقول له ان البنت حلوه لكنها ماتشابه أختها ويشترك بالذنب والد البنت لأنه رفض أمر شرّعه رب العباد وتمسك بسلـْم البدو بإعتقادي ان النظرة الشرعية ضروريه قبل الزواج،، مثل ماتعرفون ان الجمال نسبي فيه ناس أول مايلفت نظرها ملامح الوجه وماتهتم لباقي التفاصيل ،، والعكس صحيح لازم البنت تقتنع ان النصيب هو اللي خلّى أمر الزواج مايتم مو لأن الولد ماعجبته البنت,, النظرة الشرعية مهمه للطرفين..أنا أعرف بنات هم اللي رفضوا يتزوجون بعدما شافوا اللي متقدمين لهم وما اقتنعوا فيهم.. تحياتي,, |
رد: قصتي مع النظره الشرعيه قبل الزواج...
اولا لاحسافه على الولد اللى طلق البنت لانه انسان سطحي وغير متأنى وتفكير محدود والبنت الله يعينها لان اهلها
جنوا عليها بان والدها رفض امر شرعه الله على الجميع وهي النظرة الشرعيه لانه الرجل نظرة غير من الاهل ممكن تكون ملكه جمال بس ما تعجبه لان له مقياس معين للجمال وممكن تكون عاديه وبالنسبه له جذابه لان النظرة هي اللى تحلى الرجل يعجب بشي معين بها للحديث عن جابر بن عبد الله قال : قال رسول الله صلى الله عليه وسلم : ( إذا خطب أحدكم المرأة فإن استطاع أن ينظر إلى ما يدعوه إلى نكاحها فليفعل ) قال : " فخطبت جارية فكنت أتخبأ لها ، حتى رأيت منها ما دعاني إلى نكاحها وتزوجتها " وفي رواية : " وقال جارية من بني سلمة ، فكنت أتخبأ لها تحت الكرب ، حتى رأيت منها ما دعاني إلى نكاحها ، فتزوجتها " صحيح أبو داود رقم 1832 و 1834 وعن أبي هريرة قال : " كنت عند النبي صلى الله عليه وسلم فأتاه رجل فأخبره أنه تزوج امرأة من الأنصار ، فقال له رسول الله صلى الله عليه وسلم : ( أنظرت إليها ؟ ) قال : لا ، قال : ( فاذهب فانظر إليها فإن في أعين الأنصار شيئاً ) رواه مسلم رقم 1424 والدار قطني 3/253(34) و عن المغيرة بن شعبة قال : خطبت امرأة ، فقال رسول الله صلى الله عليه وسلم : ( أنظرت إليها ؟ ) قلت : لا ، قال : ( فانظر إليها فأنه أحرى أن يؤدم بينكما ) لذلك شرع الاسلام النظرة لان الخاطب هو اللى بيتزوج وقلبه هو اللى يختار ويميل لها حتى لو كانت موجميله والاهل قبل ما يشوف الرجل البنت لازم اول اهلها يشوفون البنت وهم يعرفون ولدهم ويش يبي ويوصفونها له واهل البنت يسئلون عنه وعن اخلاقه وبعدين يخلونه يشوف البنت هذا اذا طلع كفوا مومثل صاحب القصة حكاي مواي احد يجي تطلع البنت له كل شي له شروط يمكن الرجل ما تتوفر فيه الشروط الاساسية اللى تاهله انه يكون الزوج المناسب للبنت او يكون ذو سمعه سيئة لازم يسائلو اهل البنت على الولد قبل ما يشوف بنتهم لان البعض ما يهم اهم شي تتزوج وخلاص واي احد يجي تطلع له ويله تعالي اسمعي الكلام بعض الشباب يوصف للأصداقاء واخوانه الله يهديهم والاهم انه اذا وتمت النظرة وتمت الموافقه من قبل الاثنين لازم تجلس ويكلمها مع محرم لها كم سؤال مو يفلها ويتكي بس يسمع صوتها ويشوف يمكن يرتاح لها لحديث عَائِشَةَ - رَضِي اللَّه عَنْهَا - قَالَتْ : سَمِعْتُ النَّبِيَّ صَلَّى اللَّه عَلَيْهِ وَسَلَّمَ يَقُولُ : ( الْأَرْوَاحُ جُنُودٌ مُجَنَّدَةٌ ، فَمَا تَعَارَفَ مِنْهَا ائْتَلَفَ ، وَمَا تَنَاكَرَ مِنْهَا اخْتَلَفَ ) ( متفق عليه ) مشكورة حبيبتى على الموضوع المهم اللى يطول الحديث فية ماعذرونى على الاطاله وارجوا انى كفيت مع العلم ان الاخوان ما قصروا ذكروا اللى المفروض ينقال طرح قيم ورائع دمتى كما تحبين ان تكونى ودي و وردي |
رد: قصتي مع النظره الشرعيه قبل الزواج...
يؤسفني أن هناك في وقتنا الحاظر من يبحث عن الجمال الظاهر , فالزواج ليس صداقة وعشيقة ستتباهى بها كالغرب بين اصدقائك لاااااا ...
الزواج رباط مقدس يربط بين شخصين لتأسيس اسرة وتشارك هذه الاسرة في نماء المجتمع فالرجل الذي جُل همه الزواج للأسف يبحث عن متعة مؤقتة فالجمال الجسدي سيزول وتمله العيون ولكن يبقى جمال الروح والادب والدين الذي يكمن في الأنثى ... غاليتي ... أدعي المولى أن يوفق صاحبتك بالزوج الصالح ويخلف عليها بالأفضل .... وشكرا لانكرا على جمال طرحك غاليتي .... |
رد: قصتي مع النظره الشرعيه قبل الزواج...
يعطيك العافيه ع الطرح بس ماادري ليه الناس ترفض شي ربنا شرعه وهاد نتيجة الرفض الاتنين يضرارو مافيه شي يقول عليه الرسول عليه الصلاة والسلام الا فيه خير مو بس الولد حتي البنت محتاجه تشوفه والله مشكله مايشوفو بعض الا يوم الفرح والله لو انا مكانه اتجننن مررره صعبه كلهم غلطانين الله يوفقها ويسعدها ويرزقها بلي احسن منه يسلمووو ياعسل ع الطرح http://www.al-amakn.net/vb/uploaded/...1266529101.gif ،،شيطونه،، |
رد: قصتي مع النظره الشرعيه قبل الزواج...
اشكركم عالرد...
كـــــبـــــــــريـــــــاء الـــــــــــــجـــــنــــــوبـــــــ* |
رد: قصتي مع النظره الشرعيه قبل الزواج...
لــــجــــيــــن مساج الله بالنور غناتي ويا هلا ومسهلا فيج قبل ما اقول لج رايي بس بغيت اخبرج انج طولتي علينا في السرد بس ما عليه يقولون للضرورة احكام قبل ما ابدي رايي ما ابا حد يزعل من صراحتي لانها حقيقه وواقع يستوي في زمننا اختي شعارات ان الجمال جمال الروح وان الجمال ما يدوم واهم شي القلب كله مجرد كلام فاضي هالزمن محد يدور على الجمال الروحي الا قله اقدر اقول لج بنسبة 3% هاذي الحقيقه هالشعارات استوت مجرد شعارات باليه انا انسانه اوافق على النظره الشرعية بما انها لا تخالف لا دين ولا شريعه وخاصه ان الرسول حث احد الصحابه يوم خطب ان يشوف خطيبته شو المانع ان يشوفها عشان ما يستوي نفس اللي استوى لصاحبتج بخبرج الاطراف اللي تسببت في دمار هذا الزواج 1- اسرة الشاب: الام من فرحتها وحبها ان تشوف ولدها معرس ما فكرت في طلبات ولدها وكان همها ان يتزوج ويمكن جمال اخلاق البنت خلى ام الولد ما تفكر في شي ثاني 2-الشاب: كان لازم يصر على ان يشوف البنت يعني ما كان تفكيره الا انها تكون جميله مثل اختها 3-والد الفتاة: حرم شي الله محلله والرسول حث عليه بس تعرفين قمة الوقاحه يوم هالشاب خلى سيرة هالبنت على السان اللي يسوى واللي ما يسوى بس اتمنى من الله ان يستوي له موقف في حياته يعرف ان الله حق والله حرام بعض الشباب اذا سمحوا لهم انهم يشوفون البنات اللي راح يتزوجونهم (النظره الشريعه) البعض اذا ما في نصيب سكت ولا شهر في عرض البنت بس البعض التافه منهم يجعلها حديث في مجالس يارب لين متى نحن تفكيرنا سطحي ولين متى نحن مسلمين بالكلام بس افعالنا مناقضه للاسلام اسال الله ان يوفقها ويرزقها بمن هو احسن عنه لانها تستاهل كل خير لجين مره ثانيه لا اطولين وايد في الكتابه عشان ما اطول في الرد http://www.al-amakn.net/vb/images/smilies/biggrin.gif لج احترامي غناتي اختج راقيه في حضورها |
رد: قصتي مع النظره الشرعيه قبل الزواج...
[size="7"]أحتي لجـــــــــــين ،،، بادي ذي بدأ يشرفني قبول دعوتك ولا املك سوا الموافقه ،،، ثانيا موضوعك حساس جدا ويحتاج الى مناقشه ،،، ثالثا وهو الاهم ان اخوووووووووي كحيلان 11 الله يعطيه العافيه ماخلا شي كفا وفا في الرد على الموضوع واعتقد ان رده كااافي عن جميع الاعضاء وتقبلي خالص شكري وتقديري
والشي الرابع اني قاعد اعصر نفسي علشان اكمل الميه من المشاركات باقي لي اربع علشان اقدر ارد على الرسايل الخاصه ،،،، سلملم [/size] |
| الساعة الآن 01:42 PM. |
|
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.