منتديات الأماكن - قصيدة عبدالكريم الجباااااري

منتديات الأماكن (https://www.al-amakn.com/vb//index.php)

- ●{ذآئِقةً عَذبْــهـَ..~ (https://www.al-amakn.com/vb//forumdisplay.php?f=55)

- - قصيدة عبدالكريم الجباااااري (https://www.al-amakn.com/vb//showthread.php?t=77512)

قصيدة عبدالكريم الجباااااري

هذه قصيدة للشاعر الرائع عبدالكريم الجباري الشمري حبيت انقالها لكم

البنت من رجالها والخيل من خيالها
والضبعة العرجا تحوم تبي عشا لعيالها

هذا من الشعر القديم ماقالها عبدالكريم
امثال من قول البدو مدري من اللي قالها

الفطن يفهم مقصدي ومالي ومالك يالردي
لاضاقت الدنيا على سلمى تهز اجبالها

ماضيق لو غيري يضيق وماهو موقف لي طريق
وعيال شمر لابتي صكت على رجالها

عبده مع الصايح جميع والشمريه ماتضيع
شمر لاضاق الزمن كلن يقول انا لها

وانا غريري يابعدي حفيد ابن حاتم عدي
عيال عديه العدوات كلن يعرف افعالها

يابنت قومي والعبي ابي اتفاخر بانسبي
من غبنها بعض النفوس يصيبها سلالها

تفاخري بي يامره الذل مافيه اثمره
كما سربة من ذلها كلن شرب فنجالها

صرنا طنايا من طنا ماهو طرب ولا غنى
اشد لحظات الزعل فال الله ولا فالها

مافيه نجدي وجزري الشمري هو شمري
باي ديره فيها نزل زم الحمول وشالها

فيني حميه واسلمي واهل اللحيسه محزمي
لاعدت بيوت العرب متشيدآ منزالها

ولاصرت عبدي ضيغمي سنعوس دمي ولحمي
عبده سناعيس الفخر تعجز تعد ابطالها

وان قلت سنجاري فخر اهل المراجل والسطر
شيوخ شمر منهم الي يضل اضلالها

عرب وليدك عربه وكاس المراجل شربه
وخل العلوم مفرقه من دقها واجلالها

مايزعل الناس المديح خصن اذا مدحك صحيح
والعفن تلقى المرجله تقصر عليه احبالها

واعرف لو طال الزمن الطيب يبقى له ثمن
واعرف ترى نفسك تبي تجزى بنوع اعمالها

وانا ولاني مستضيق ولا موقف لي طريق
وعيال شمر لابتي صكت على رجالها

وسلامتكم

تقبلو تحياتي

فتـــى حائل ؟؟