منتديات الأماكن - الحلقة الأولى والثانية من ضحايا كحيلان11

السلام عليكم ورحمة الله وبركاته

أسعدكم ربي بكل خير وملئ قلوبكم بالمسرات

أحبتي تعلمون أنه كان هناك أمور من خلف الستار حدثت فأحببت أن تنظر لها

عيونكم وتبهج بها قلوبكم نوع من التخفيف عن ما أعتدناه من الرسمية فيما

بيننا فكانت هذه الصفحة تحمل ذلك فقد قام كحيلان11 بعمل بعض المقالب

في أحبة له ويتمنى منهم مسامحته وعدم العتاب عليه وسوف أضع بين

أيديكم أول الضحايا وهو أخي الغاااالي العطشان وهي الحلقة الأولى ويليها

الحلقة الثانية ويبقى لنا أربع حلقات إن شاء الله بقية الحلقات فقد أرسلت

له هذه الرسالة وهي :

أخي الغاااالي / ابو عبدالله

أتمنى تكون بخير وصحة وعافية ويعلم الله أني أقدرك كثيرآ

ولكن قد يكون الإنسان به عيوب وأعلم أن بي كثير من تلك

العيوب والكمال لله ولكن أحب أن أكون صريح معك ووأضح ومنذوا

شهرين وأنا أنتظر أن أنال أفضل مشرف ولكن لم يكتب لي ذلك

ولا أخفيك أنه وصلني بأن العطشان هو المسئول عن ذلك وكنت

أنتظرها منك ولكن ارى أن أختيارك دائمآ بعيدآ عن كحيلان11

ولا أعلم لماذا ؟ هل يعقل أني لا أستحق ذلك أم أنك لا تريد

أن تمنحني ذلك وإن كان كذلك فاتمنى أن تخبرني ما هو السبب ؟

لأن لا أريد أن أصدق ما وصلني من البعض بأن العطشان لا

يمكن أن يختار كحيلان11 كأفضل مشرف وبصراحه من أوصل لي

ذلك أخبرني بأنه طالما العطشان مسؤول عن ذلك فلا يمكن

أن ينالها كحيلان11 أتمنى أن تخبرني ما حقيقة الأمر وتكون

معي صادق وصريح .

وقد قام بالرد عليها بهذه الرسالة وهي :

يا هلا وغلا بك اخوي العزيز وعليكم السلام ورحمه الله وبركاته الله يحييك عزيزي الفاضل . .
انا بخير جعلك بخير وسهاله من الله انت كيفك وامورك انشاء الله زينه ربي يكتب الاجر والعافيه والرضى من عنده . .
وربي يشهد علي اني اكن لك كل الاحترام والتقدير مافيه شك المعزه والأخوه الصادقه ولي الشرف بيها ..
بالعكس وانا اخو ك أحب ما عندي الصراحه وعجبتني كثير انك صارحتني بها ولم اسمعها من غيرك.
والله وانا اخوك بالنسبه لإختيار المميزين كل شهر على مستوى المنتدى مو من اختصاصي لوحدي والمعلومه الي وصلت لك عن اني انا الي اختارهم غير صحيحه والدليل على ذلك فيه قسم الادارة مو من صلاحية المشرفين الدخول له مصرح فقط للادارة والمراقبين العاميين فقط . وطارح موضوع فيه عن اختيار المميزين كل قبل نهاية شهر هجري اذكرهم فيه ما اخفيك يتم اختياري اما لموضوع او مشرف او مشرفه او عضو لكن يبقى القرار الاخير بالإجماع مني وام فهد وشيزون وريحه الورد صحيح طرحهم يتم عن طريقي لكن بالاخير ثق ثقه تامه انه بالاجماع .
وبالنسبه لما وصلك من معلومه عن ان العطشان لم ولن يتم اختياره لكحيلان11 فاقول لك ( ما كل ما يقال يصدق ) ومن وصل لك هذه المعلومه لا يريد الا ان يزعزع المحبه التي بيينا .
وكحيلان11 شهادتي فيه مجروحه.

ومره اخرى اتمنى من الله ان لا يؤثر هذا الامر اولا بالاحترام والتقدير الذي بيينا وثانياً على العطاء المقدم من شخصك لما تقدمه لهذا الكيان.
وصدقني وانا اخوك اني احيي فيك هذه الصراحه وكبرت بنظري اكثر من ذي قبل لكن لتثق بكلامي اكثر اني اتعمد ان اختار مشرف عن مشرف او مشرفه عن مشرفه عندك العيار او شمالي او ام فهد او شيزون ارسل لهم نفس الرساله الي ارسلتها لي وشاهد بنفسك الرد منهم.

اخ عزيز وغالي ولك كل الاحترام والتقدير

موفق عزيزي

ابو عبدالله

وقمت بالإرسالة رسالة بعدها وهي :

أخوي الغاااالي / ابو عبدالله

أقدر لك صراحتك وأشكرك عليها لكن أنا صريح ولا أحب شيء يبقى

في خاطري وأنت قلت أن أم فهد وأنت وشيزون وريحة الورد يعني

أنتم اربعة لكن أتمنى القى منك إجابة على سؤالي وعهدي فيك

الصدق وبدون مجاملة قد رشحتني انت في أي شهر حتى لو ما

رشحوني بقية المجموعة الموكل لها العمل هذا ؟ أتمنى أجد منك

إجابة لأنه حيتبين لي أشياء كثيرة من خلال إجابتك وثق أنه لا يمكن

تتغير نظرتي لك ويعلم الله أن لك في القلب مكانة كبيرة يحيط فيها

تقدير وإحترام وحتى لو تبي تتأكد ممكن أنك تسئل دنيا العنا لأنه

معي على المسن واحيانا نجيب طاريك بس ثق أنه بكل خير بس

انصدمت لما سمعت الكلام اللي وصلني من أحد الأعضاء وهذا

اللي خلاني أرسل لك عشان أعرف الحقيقة وصدقيني يابو عبدالله

لو أدري أن وجودي غير مرغوب فيه أني أترك المنتدى لأني ما أحب

أفرض نفسي في مكان وأنا غير مرغوب فيني ويمكن أكون أحيانآ

قوي في ردودي مثل ما حصل في موضوع المشرفة البريئة وردي

على أحد الأعضاء لما قال إن الإدارة معها مطلق الحرية في إتخاذ

أي قرار وياليتك تطلع عليه لأنه يعلم الله أني ما أحب أجامل في

شيء وأنا أعرف أن فيه خطأ أتمنى بينت لك شيء عن محمد .

وربي يوفقك لكل خير ويسعدك ويحفظك لأهل بيتك ويحفظهم لك

ورد علي بهذه الرسالة وهي :

والله وانا اخوك للأسف ما قد تم ترشيحك مميز كمشرف مني لا لشئ ضدك ابداً وربي يشهد على ذلك لأن التميز قدر المستطاع ان يكون كل فتره والثانيه يكون متغاير بمعنى ان يحصل قسمك او موضوع لك على تميز هذا يكفي لكي نفتح المجال للأخرين لكي تعم الجائزه ببطاقة الشحن للجميع قدر المستطاع والي اذكره اني سبق ان ارسلت لك رساله شحن مدري التميز كان وقتها لموضوع لك او للقسم نفسه الي انت مشرف عليه مذكر بصراحه.

على العموم عزيزي مثل ما تقبلت صراحتك بصدر رحب وهذا اعجبني كثير فيك ارجو ان تتقبل صراحتي . .
اهم شئ وانا اخوك مثل هالامور التميز وليه ما تم اختياري واسمع من العضو الي نقل لك عن اني لم ولن اختارك في يوم من الايام انا استغربها منك وانك تحسب لها حساب طالما ان هدفك الحقيقي تقديم المفيد كمواضيع وليس ككحيلان11 قدمها وان تعم الفائده سواء من طرح موضوع او رد فلن ولم احسب لهذه الكماليات اي شئ وصدقني عزيزي استغرابي اكثر بالعضو الي نقل لك كيف صدقت ما نقله وكيف عرف العطشان مع العلم اني ما عملت صداقه عن طريق المسنجر الا اثنين واستبعد كل البعد ان ينقلو عني مثل هالكلام الي وصل لك وخمسه قدامى مره وليس لهم تواجد منذ اكثر من سنه ونصف يعني لم يسبق لك ان تعرفت عليهم.
والله ما حلفتني عزيزي لو نسمع كل ما قيل كان محد استمر لا بمنتدى ولا حتى بعمل وبتكون الحساسيه بينهم اصعب مما تتوقع وما اقول الا الله يهدي العضو الي نقل لك هالكلام ولا ادري صراحه الفائده من كلامه علي لكن الله يهديه.

ودنيا العنا ابو فهد يسولف لي عنك وبمجرد ما عرفت انه معك على المسن قلت لأبو فهد ونعم الرجل ولو تسئل ابو فهد يعرف استراتيجتي بالصداقه والتعارف وخاصه الي يتم التعرف عليهم هو ان لا يبين لهم ولا لمجرد التلميح اني اعرفه او بيني وبينه علافه وشهاده لله بمجرد ما قال لي عنك قلت له براحتك كحيلان11 ونعم فيه خبره وسلم لي عليه سلام كثير.

الله يوفقك اخوي العزيز واتمنى ان مثل هالامور ان لا تغير المعزه والتقدير والاحترام الي بيينا .

الله يديم عليك الصحه والعافيه والرضى من الله.

موفق

وبعدها أحببت أن يعلم بأن كل ما حدث هو مقلب فأرسلت له هذه الرسالة وهي :

أخوي الغاااالي / ابو عبدالله

أخبارك طمني عليك وأقدم لك أعتذاري وأسفي على ما حصل

كاملآ وليس كحيلان11 من يهمه أن ينال التميز لأني مقتنع بكل

ما أعمله وليس هدفي الثناء والمديح ولكن هدفي بعد رضاء ربي

هو رضائي عن كحيلان11 نفسه وأن يستفيد مما أطرح الجميع

وأن أنال دعوة من أحدهم ولكن كنت ضيفآ معنا في برنامج جميل

وهو ما هي ردة فعلك وهذا الموضوع مثل موضوع صادوه فحماك

ربي من كل شر ووفقك لكل خير وشرح صدرك لطاعته فأرجو أن

تسامحني على ما حصل وأنت مكانتك كبيرة لدي .

تحاياي القلبية المعطرة أضعها هنا بين يديك

لك وووووووووووووودي ووووووووووردي وخاااالص شكري

فقام بالرد عليها بهذه الرسالة وهي :

بالله عليك محمد تتكلم جد :) حرام عليك يا شيخ مقلب يعني كنت مستبعد مررررررره انه يكون مقلب اليوم وش فيكم علينا انت والبريئه :157: والله تبي الصراحه لعبتو باعصابنا اليوم :) بس ربي يوفقكم ويكون قروبكم مميز :122: تبي الصراحه والله استغربت بشكل ما تتوقعه قلت كحيلان11 معقوله يعني لو جت من غيرك يمكن اشك بالموضوع لكن منك لا قلت الدعوى الله يستر من هالي يبي يزعزع الاحترام والتقدير الي بيننا .
لكن تبي الصراحه طريقة الرساله الاولى جاء في بالي موضوع باذن الله بتشوفه بقسمك قريب وبتكون ان الطرف الي بالحوار . وبارسل الرابط لك باذن الله.
لا يكون مضمون ردي عليك بيطرح على امام الجميع . .

موفق اخوي الكريم

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ

وهنا الحلقة الثانية وكانت ضيفتنا هي فراشتنا الغاااالية الفراشه الزرقاء

فقد أرسلت لها هذه الرسالة وهي :

الغاااالية / الفراشه الزرقاء

أتمنى أن تكوني بخير وصحة وعافية وثقي أن رسالتي هذه لك

نبعت من قلب كان يغليك ولك به مكانة كبيرة ولكن رأيت أني

قد أخطأت في ذلك لأنه أتضح لي أن ما تكتبينه لي يخالف الواقع

الذي تتكلمين به عن كحيلان11 وكنت أتمنى تقولينه لي ولا يصلني

من غيرك ولكن تفاجئت كثيرآ أن يصدر منك مثل ذلك ولم أصدق

ولكن من أخبرني بما قلتي عني أقنعني واثبت لي صدق كلامه

ما كنت أتصورك بالشكل هذا لكن الناس لا يحكم عليها لأنها قد

ترتدي أقنعة وأنت منهم أسف أني ما عرفت حقيقتك الإ متأخر

وعلى العموم شكرآ لك وما قصرتي ويجي منك أكثر .

وقد ردت عليها بهذه الرسالة وهي :

افآآآآآآآآ وش هالرساله ماهقيتها منك
ماادري يالغالي انت مسوي مقلب علي مااتوقعها منك ابد

لاكن اذ كلامك هذا على
وش السالفه ؟؟؟

وربي يشهد على اني مااتكلمت عليك بحرف واااااحد

اصلاوش احكي وش اقول ماشفت منك الا كل خير

واقول لمين وش شفت منك انا غير اني اعزك واغليك
والله مااعرف احد في المنتدى شخصيا الاتعرفت على الوافيه بالحب وبينا رسايل وصرنا صديقات ولامرة حكيت بشي عنك ولا عن الاماكن
تحكيلي عنها بس
انامصدووووووووووووووومه يالغلا

ممكن تفهمني لاني والله ماادري وش السالفه
من للي خرب علينا للاسف تصدق

انا مستعده اطلع من الاماكن هذي كلها
بعد ماحبيتها
عشان تصدق كلامي

ممممممممكن افهم لوتكرمت
!!
ابي افهم من اللي ظلمني
اللي اقد اقوله
حسبي الله ونعم الوكيل :mad:

وأرسلت لها الرسالة الثانية وهي :

وبصراحة رحمتها وخفت أنها تطلع وتتركت المنتدى فأرسلت لها راسلة وهي :

أنا اللي أعتذر منك بس وربي أني ضحكت من قلبي وأقدم لك

أسفي لأنك كنت معنا في برنامج ردة فعل مثل برنامج صادوه

بس وربي لا يمكن أني أخليك تتركين المنتدى وأنت تعرفين

مكانتك عندي وقدرك الكبير وسلامتك وأنا مصدق كلامك وربي

يشهد علي بس حبينا نسوي البرنامج هذا في قروب مستانسين

بس أتمنى ما أحد يعرف بالموضوع وهذا رجاء خاص مني لك وأنا

أعرف أني ضايقتك بس حقك علي واللي تامرين فيه يصير وحننزل

ردة فعلك وهذا بعد أذنك طبعآ أتمنى ما تكونين زعلتي مني .

وردت علي بهي الرسالة وهي :

المشاركة الأصلية كتبت بواسطة الفراشه الزرقاء
انا ماراح اعلم احد عشان ابي يصير فيهم زي ماصار لي

.....

:mad:

بس تبي الصدق انا تضايقت وزعلت وصيحتني بعد!!!!
:mad: اكره الظلم

بقووووووووووووة

ماسامحتك انا وربي زعلانه

منــــــــــك حيل لو جات من غير عادي

ماسااااااااااااااامحتك

انتم متوحشييييين
موب مستانسين

:j12:

وربي أني رحمتها وهي تقول أني صيحتها وبعدها أرسلت لها هذي الرسالة وهي :

فديتك ولا عاش من يزعلك او يضيق صدرك وربي ما اقدر اشوفك

كذا وسلامة عيونك ودمعاتها واسف وحقك علي واحسن شيء أن

المجموعة قالوا لا يمكن يتقوعونها منك ياكحيلان11 عشان كذا

انا اللي سويتها وربي ما كنت ابيها تصير عليك بس لقيتك قريبة

مني وحبيت اشوف ردة فعلك وربي اني خجلان منك كثير طيب

وش اللي يخليك تسامحيني وانا حاضر فيه لاني بصدق ما اقدر

اخليك كذا واللي تامرين فيه يصير بس تسامحيني ولا تتغير نظرتك

فيني ويعلم الله ان مكانتك كبيرة ولا يمكن اتحمل زعلك .

وأرسلت لي هذه الرسالة وهي :

انا ماتغيرت نظرتي فيك ولا راح تتغير ابدا
بس اليوم ماراح اسامحك يمكن بعد بكرة يمكن اسبوع

يمكن شهر لان زعلي شييييييييييين

اذا طاب خاطري بقولك
مااقدر اكمل اليوم السهر في الاماكن

من جد زعلانه تصبحون على خير يالمتوحشيييييييييين

:mad:

وبصراحة خفت أنها ما تسامحني وأرسلت لها الرسالة هذي وهي :

غاااليتي / الفراشه الزرقاء

ما اقدر انك ما تسامحيني وربي عشان خاطري ابي اسمعها منك

اليوم انك مسامحتني عشان ارتاح لاني لا يمكن ارتاح وانت ما

سامحتيني ما اتحمل اني اشوفك كذا طلبتك ارجوك ريحيني

وسلااااااامتك من الزعل واي شيء تقولينه عني انا اتحمله اهم

شيء تسامحيني وارتاح .

والحمدلله أنها أرسلت هذه الرسالة وهي

سامحتك يالغلا عشان تهمني راحتك فوق زعلي
بس ماسامحت المتوحشيييييييييين

تصبح على الف خير
يالغلا

لاني مقدر معتفسه منكم :052:

فنتظرونا في بقية الحلقات القادمة إن شاء الله

للجميع إعتذاري وتحاياي القلبية ودعواتي

[B][FONT="Comic Sans MS"]محبكم كحيلان11 [/

معذرة للجميع لأن الإتصال سيء عندي ولي ساعة عشان أقدر أنزل الموضوع

وبعد التعب تفاجئت بالشكل اللي طلع هذا