اليوم موضوع شوي مختلف



هذا المشروع الفني المجنون للأخوين غابرييل (20 سنة) و تياغو (27 سنة) بريمو ، اللذان يعيشان في ريو دي جانيرو بالبرازيل .
فهما ينامان ويعملان ويأكلان بشكل طبيعي كالآخرين .. ولكنهما يسكنان في الهواء الطلق .. على جانب بناية وبارتفاع 33 قدم .
وهذا السكن ليس ليوم واحد فقط ، ولكنهما يقومان بذلك منذ نهاية شهر يوليو الماضي ويخططان للاستمرار في هذه المغامرة الغريبة حتى 20 أغسطس الحالي . << يعني بكره ينزلون ويضفون عفشهم :p

وحقيقة هذا المشروع أنه يأتي ضمن معرض للفنون في المركز القديم لمدينة ريو دي جانيرو .. ويا له من معرض !!

فهذا المنظر الغريب لا يمكن أن نراه كل يوم في أي مكان .. لذلك إن كنتم من زوار البرازيل وريو دي جانيرو تحديداً خلال هذا الصيف فلا تفوتوا فرصة مشاهدة هذا " الحائط السكني زاهي الألوان " !!


أفا يا عيال بريمو .. هذي آخرتها .. قلبتوها ضواطير !! :D


http://www.al-amakn.net/vb/uploaded/127_1250672290.jpg

موب عاقلين عيال بريمو .. مختارين ذا العاير ومسوين عليه الحركه .. أول ما شفت الصوره حسبتهم غاسلين لهم زوليه فوق السطح وناشرينها على الجدار :p << خل التفكير لأهله :8b48593a21:


http://www.al-amakn.net/vb/uploaded/127_1250672427.jpg

يا عيني انت وياه على الجلسه الرومنتيكيه :dtj: .. وش تحس به ياذا اللي منسدح بوسط شرشف .. ناقصك رضّاعه :p .. حلالاة من فر الشرشف شوي لين تجي منخرط على جبهتك :157:


http://www.al-amakn.net/vb/uploaded/127_1250672541.jpg

شباب .. أحد معه أم صتمه؟ :( <<بندقية هواء تصيد الطيور وتلزخ الأوادم صح>>.. شرط في كراعينه على طول عشان يتوب ما يقعد يتشعبط في بيوت خلق الله .. مسوي فيها شبث مدري سبايدر مدري عنكبوت :09: <<اختاروا وحده ;)

تراه طالع من ذا البلكونه .. يقاله الحين رايحن للصاله والا الحديقه :110:


http://www.al-amakn.net/vb/uploaded/127_1250672669.jpg

ههههههههههههه الله يقطع سوالفكم يا عيال بريمو يالمنسمين .. الحين وقت سوالف
طيب ذا الجثه اللي فوق لو يدور به راسه ويدبج عليك انت يا أخوه الصغنون اللي تحت .. ان تصيرون ثنينكم من صيد أمس .. ساعتها خل أم المعرض والفنون كلها تنفعك انت وياه :akn55:

أما بعد لو يسعبل ذا اللي فوق خخخخخخخخخ :157:


http://www.al-amakn.net/vb/uploaded/127_1250672761.jpg

وش عنده ذا .. شكله رايح يرد على التلفون .. وإلا يشغل البشتخته مدري المسجل البكم ذا ابو مكرفون
إلا موب تسنهم لاحقين بعض .. لأن كراع الثاني باين في يمين الصوره .. داعس وراه :D

إما تسانه عشان التلفون .. ليت من يعرف رقمه .. عشان كل ما نزل دقيت عليه :8b48593a21:


http://www.al-amakn.net/vb/uploaded/127_1250672865.jpg

طبعا كذا راحوا يداومون .. ما تشوفون أبو الشباب صافطن الشرشف .. وذاك مقفل ذا الستاره الزرقاء .. يقالهم مرتبين الغرفه قبل يطلعون :dtj:
فيه واحد واقف ورا عربية الكراتين يتفرج .. تسن وده يرقى يجرب ... بس بدري عليه باين انه دوب ما يمديه :p


http://www.al-amakn.net/vb/uploaded/127_1250672959.jpg

أنا ما قاهرني في كل الصور إلا الطاوله البيضاء .. وش لزوم أبوها يوم إنهم حاطينها :confused:
وذا الدوب متزاينن ساقه يوم يستعرض به :09: .. ودكم من يمسكه ويبرمه برمه خفيفه عشان يقلب ذا الشرشف :157: .. وتخيلوا الباقي


http://www.al-amakn.net/vb/uploaded/127_1250673087.jpg

ما أدري من ذا الملقوف اللي مناديهم وخلاهم يلتفتون .. اللي تحت من الروعه بغى يطيح لو ما تمسك في ذا الحصاة
شكله واحد من جيرانهم يقول لا تطلون على بيوتنا وتكشفون معاورنا :01001: << كثر منها وعطنا كم كيلو :052:


http://www.al-amakn.net/vb/uploaded/127_1250673218.jpg

ههههههههههههههههههه قايل لكم ذا الدوب .. ما عنه وعن الطيحه :p
بس شكله ذهين .. عشانه ما ضمن نفسه .. رابط حزام الأمان .. وين يابو الشباب .. شكلك حاس إنك طيار؟! :o
والثاني بازن بذا الحصاة .. طول يومه متسمكن فيها .. على باله هي اللي بترده لو انشق الشرشف :D

حلالاة بس من ولع تحتكم حزمة شروخ :157:




إن شا الله عجبتكم الصور .. وإلا الهذره لا تتدققون .. ترى الدعوى سعة صدر :01001: << أقول ما ودك تروح تجمع القطه وتدخل بها جمعيه :052:



دمتم بود

هلا والله وغلا بأختي نوسي زميلة الطفوله بالمنتدى :D


الله يديم الضحكه والسعاده بقلبتس .. وما عليتس زود طال عمرتس :p

من ناحية متفاعل معهم .. متفاعل .. بس حطهم الله في البرازيل ويمكن أزين لهم وإلا تسان شفتي الترجيم بالحصى :157:

لا هذا وانتم ما شفتوني معهم تسان علوم << يابن الحلال انت لو ترقى شجره دخت خل جدار عاد :052:


لا تكفين وأنا أخوتس اضحكي بس لا تموتين همن ننشب بسبة ذا الموضوع :o << صدق :p



لا هنتي خيتو على هالطله الحلوه .. لا حرمناتس وتواجدتس


ربي يسعد قلبتس ويوفقنا وياكم في الدارين

دمتي بود وألف خير

الله يقويتس ويعافيتس من كل شر أختي الفراشه الزرقاء


دوم الضحكه بقلبتس إن شا الله .. وعادي طيب شبكت الحروف إفصليهن :D << انتم والله الفاصلين :052:

أهم شي انبسطتي واستانستي << بالله وش الفرق انت يالثاني :p


مشكوره يالغلا على الطله العذبه .. لا حرمناتس وتواجدتس


يسعدتس ربي ويوفقنا وياكم في الدارين

دمتي بود وألف خير

القهوه يا ولد :D

يا مرحبا والله بأخوي مجنون نظراتك


كفوك الطيب يا راعيه ;)


اوكيه خلاص .. خذ راحتك اضحك لين تخلص :D .. بعدها تقدم في صدر المجلس :oo9:


هين لو أنا وياك اللي ساكنين في ذا العاير بدال عيال غريمو .. تسان لقيت عيال الحاره تحتنا بنباطاتهم :09:

وتلقى ذا الرصيف اللي تحتنا مليان حصى من الترجيم .. وقشام حب قرع وفصفص وفستق وحركات << فالينها ومعهم فرشه وزمزمية شاهي :157: << وين جالسين على رصيف :p

عاد تصدق إني بغيت أعلق على ذا الشجره أحسبهم زارعينها .. قلت فاضين يبغى لها يسقونها ومويه وشغله
بس يوم دققت في الصور وتمقلت زين لقيتهم معلقينها .. وكل شوي طايحه :D

بعدين انت ما فكرت الا في دورات المياه (كرمتوا) .. ليه الاحراج .. والا مغصك بطنك وانت ما بعد رقيت؟ :p


لا هنت يا غالي على الطله الحلوه اللي أسعدتني بالتأكيد .. لا عدمة ذا الطخمه :D


يسعدك ربي ويوفقنا وياكم في الدارين

دمت بود وألف خير

الله يعافيتس ويسلمتس من كل شر أختي ارجوان


مشكوره يالغلا على الطله العذبه .. نورتي .. ولا ننحرم منتس بعد


يسعدتس ربي ويوفقنا وياكم في الدارين

دمتي بود وألف خير

تسلمين أختي ورد البراري


الله يعافيتس من كل شر .. ودوم الضحكه بقلبتس :D

لا هنتي على الطله العذبه .. نورتي .. لا حرمناتس وتواجدتس


يسعدتس ربي ويوفقنا وياكم في الدارين

دمتي بود وألف خير

استغفري خيتو أنثى تراتس في رمضان :D


رجه أكثر من تسذا .. حنا ناقصين؟ :p


يسلمتس من كل شر يالغلا .. ويديم الضحكه بقلبتس

مشكوووره على هالطله العذبه .. نورتي .. لا حرمناتس وتواجدتس


يسعدتس ربي ويوفقنا وياكم في الدارين

دمتي بود وألف خير