|
|
|
رساله لـ بصيص .. !!
المناسبه // قبل ثلاث شهور تقريبا .. كانت فيه ممازحه مع أختي الغاليه بصيص الأمل .. بعد تعليقها على قصيده كتبتها بمناسبة زواج أختنا الغاليه شيزون الله يشفي والدها وأختها ويرجعها بالسلامهوكانت تقول هنا http://www.al-amakn.net/vb/t47487-18.html اذا ولدت طلبت منك قصيده لعصفوري قل تم .. وطبعا محاتسيكم متمم لها بذا الشي وناويه قبل هي لا تطلب أصلا :akn55: ووعد الحر دين عليه .. وهذا سبب رئيسي خلاني أرجع بعد غياب لأسباب خاصه .. بعد ما هون الله عليها ورزقها الله بذا الأطخم الله يخليه لهم .. لمحت في طله سريعه على المنتدى من فتره موضوع التهنئه بقدوم المولود الجديد اللي ما قصرت فيه الأخت الغاليه أيضا الخلود وبنتي التسبيره أم النوم اللي مدري تسيف صادتها أم فهد صاحيه وشغلتها معها في الموضوع .. هي صح راعية نوم بس تعجبكم شقرديه وراعية فزعات :122: طبعا بعد هالمقدمه <<عشان يضيعكم وما تدققون في قصيدته :052:>> لا أدعي لشاعريه ولا مكرونه <<بمناسبة رمضان ;)>> وما أصنف نفسي شاعر أبد .. لأنه مب على كيفي أول شي وقبل تسذا لأني والشعر من جنبها صراحه .. بس أحب أتعبث وأشخمط المشاعر اللي تحسحس في تلابيب حشاي نجي للزبده قبل تميع في ذا السموم اللي يشق الوجه .. سمع هوس .. وبليز لحد يصفدز :09:
زرت الأماكن اتحرى عن الأخبار والغالين=حتى بغيابي .. ماغاب الشوق للشله ولمحت اللي شدني عن باقي العناوين="خلودنا" تهني "بصيصنا" والوضع فله بقدوم "فارس" أزهرت خضر البساتين=وابتهجت الأرواح وحل الفرح كله "أم الفهد" مبروك ومعها مثلها ألفين=ولو ما وفى كثرها بحق "باهي الطله" ولا هان "أبو الفهد" ربي يحميكم الاثنين=ويديم المحبه ويحفظ كل خلٍ لخله بصيصٍ للأمل شمعه عساتس ما تطفين=أختٍ نقدرها وفيتس ما نقبل الزله يا طيّبه تدرين اللي ما له غلا مسكين=ومن لا اغلوه المعارف أكيد به عله وانتي غلاتس عندنا بسمو المضامين=على النقا واحترامتس استوطن محله أدري رزينه ما يهمتس هرج المصاخين=وحنا بعد ما نلتفت لعقولٍ صابها خله هذي رسالة أخوتس وتكفين لا تبطين=كل نفسٍ تعزتس من البعد معتله الله يرزقتس بدنياتس كثر ما تعطين=وفـ الآخره ربي يجمعنا تحت ظله حرفي ولا حلل الله اللاطشون :confused: توضيح// خلودنا : أختنا الغاليه الخلود الله لا يحرمنا منها بصيصنا ، أم الفهد : أختنا الغاليه بصيص الأمل أبو الفهد : زوجها العزيز الله يخليهم لبعض ويسعدهم فارس ، باهي الطله : مولودها الجديد جعله الله من مواليد السعاده جعلها تطامر في عرسه :) |
رد: رساله لـ بصيص .. !!
ههههههههههههههههههههههههههههههههههه
ههههههههههههههههههههههههههههههه سعد رجه الله يرج عدوك مثل مارجيتنا بالمقدمه والهامش اللي يبين معاني الكلمات وربي رووعه لكن القصيده حلوووه بديتها وسطكها دخل حرف السين اللي حاسها حوس بس تجنن والله ياسعد رجه لو تدش شاعر المليون كان قفلو البرنامج وحرمو يذيعونه مره ثانيه ربي يسعدك مثل ماضحكتني هالصبح بس مسكت بالشعررر ابيك تكتبلي بعد وش حيثهم ربي يسعدك دنيا واخره تقبل مرووري كنت هنا منتهى الحب |
رد: رساله لـ بصيص .. !!
حي الله الغايب وحي الله المقفين .. قربو له الفنجال وصبّو له الدلّه
صاير تدخل تقط لنا قصيدة تهنئة وتطلع ! صح السانك يالسعد تستاهل بصيص .. والله مادريت انها ربّت إلا من هالقصيدة فاتني .. يبغالي ارجع وانبش بقسم الأخبار ! يعطيك العافية .. والله ياخوي مدري ليه ماتنمّي الموهبة اللي عندك أنت في الخواطر والنثر بصراحه لايعلى عليك .. بسم الله ِ ما شاء الله وفي القصيد النبطي الفكره موجوده والقافية مضبوطه يعني حرام ما تكمّلها بالوزن ! |
رد: رساله لـ بصيص .. !!
اقتباس:
آاااامين .. بس عساتس ما طشتي بعد المقدمه :D ما شا الله عليتس .. على ذا الضحكتين اللي وش طولهن تسنهن سحّاب شنطه خربان :p الا ما ودتس تغيرين الخط؟! :o أمزح :) تسلمين والله هذا من ذوقتس يا طيّبه .. الروعه في تواجدتس وشرواتس لا عدمتكم أهم شي عبجتس القصيده .. وبالنسبه لحرف السين لزوم التأنيث لدينا لا بد من التستسه أدري حاسه إني كاتبها وأنا أعاطس .. تسني بوسط عجه :p << بلاك من كثر الغبار اللي انت فيه :052: بس أبشرتس ذا التستسه طبيعيه .. ما لها دخل بالجو المناخي :D ههههههههههههههه وش ذا المدحه اللي تصك في الوجه أما يقفلون البرنامج عشان مشاركتي .. تسثري منها أصلا بيقلب شاطي الراحه .. ويصير شاطي الرجه خخخخخخخخ بيقولون لا عاد تجي :09: ولا يهمتس نكتب لتس ولمندوبتس .. بس شهللي وشوفي لتس حل بذا الدنيا يا انتس يصير لتس بعل عشان نبارتس لتس .. واذا لديتس بعل من قبل شدي حيلتس واصمخيه بولي عهد :p المهم نبي أكشن عشان القريحه تستلج :p ويصير فيه مناسبه للقصيده :157: << مصدق الأخ :052: مشكورتن أوي وأنا أخوتس على طلتس كأول وحده درعمت بالموضوع بكل أريحيه وشهادتس أعتز فيها .. لا عدمناتس وتواجدتس يسعدتس ربي ويوفقتس |
رد: رساله لـ بصيص .. !!
اقتباس:
يحييتس ويبقيتس .. والمهلي ما يولي وقهوتس شربناها <<خش جو مع قرقعة المعاميل وحس إنه في مسلسل بدوي عقب المغرب :p يا حيا الله أختي المتشققه من الوناسه :D صح بدنتس .. ويعافيتس من كل شر بالنسبه للغياب تعرفين وأنا أخوتس الكبر شين والزواله زايده في الواحد بقوه :09: على طاري الزواله والزوله .. تذكرت نكته فالها أقشر .. ممكن نسدحها << بيقلب القسم ملاهي :052: يقولتس طال عمرتس فيه زول انشل في حادث وراحوا خوياه يباركون له على الشلل قالوا : يا حظك يا زول .. تكمل عمرك قاعد مرتاح قالهم : والله أنا زاتي ما مصدق وخايف أمشي من الفرحه :p << ناقصينك على ذا الأجواء المغبره؟ :( أكيد أختنا بصيص تستاهل أكثر .. ولا تهونون يا الباقين بس هاه انتبهي .. دامتس دريتي عنها .. مب تروحين تنبشين في قسم الأخبار ويديتس فاضيه << بيوهقها تاخذ هديه :8b48593a21: اخذي معتس أي شي .. إن شا الله جحه :o .. تنفع في ذا الحر :157: ومن ناحية الموهبه .. ما هنا موهبتن ينشد بها الظهر في النبطي .. نطقطق على قدنا ما صرنا مثلكم متمرسين :122: كلتس ذوق يا غاليه .. وتحفيز جميل منتس ومنكم نستفيد لكن شوفة عينتس وشلون يضبط الوزن والاسم رجه :D .. عشان تسذا اقبلوا اللي يجيكم ولا تدققون لا ان شا الله .. الجاي يكون أحسن ويختلف لا هنتي وأنا أخوتس على هالطله والدعم المعنوي .. ودايما استمري بهالروح الأخويه الجميله الله لا يغير عليتس يسعدتس ربي ويوفقتس |
رد: رساله لـ بصيص .. !!
الله يسلم قلبك على كل ما كتبت وعقبال ما نبارك للكل بأفراحهم
يا سلام لما يكون للإنسان اصحاب واخوان واحباب في كل مكان ووجودك بينا اخوي سعد جدا يسعدن وياليت تكثر وتطول الإقامه بالمنتدى القصيده جدا رائعه والله يسعدك عليها ...( إحرااااااج ) من جد احرجتني ورأيك فيني افتخر فيه دائما ويسلم يدياتك على الدعوات الطيبه منك الله يسعدك ويوفقك دوم في حياتك شكرا لك وشكرا لكل من مر من هنا وادلى بدلوه اختكم ام الفهد |
رد: رساله لـ بصيص .. !!
سعد الرجه
ماشاء الله تبارك الرحمن قصيده رائعه ومرحه تجبرك تكمل القصيد لاخر بيت ..~ ابدعت في القافيه والوزن م شاء الله تبارك الرحمن واختتنا بصيص الامل تستاهل والف الحمد لله ع سسلامتك .. يتربى بعزكم ي رب ..~ الف شكر لك يَ سعد الرجه وبيض الله وجهك كرستآله ..|~ |
رد: رساله لـ بصيص .. !!
. . .
صح اللسانكـ يابو الخرافيش والله ماشاء الله عليك موظف الكلمات توظيف صح > ليه تحطم نفسكـ واصل وامتع اعضائك فلاتحرمهم ابداعاتكـ بصيص الامل الف مبروكـ المولود ويتربي في عزكـ ان شاءالله دمتم كما انتم وارقى |
رد: رساله لـ بصيص .. !!
ههههههههههههههههههههههههه حركات والله
صح لسانك اخووي سعد واصل والرب يرعاك اختي بصيص الف مبرووك المولود والحمد لله ع السلامه وعقبالي يارب ...بس من اللي بيحط فيني قصيده خخخخخ |
رد: رساله لـ بصيص .. !!
هلابك ياخوي وحياك بالقسم بعج غيبه.. ربي يحيي اصلها ام فهد اللي خلتك تدخل القسم وتزف قصيدتك المتواضعه..اشوفها كذا انت تقدم الافضل دايم بس هذي متواضعه من اخ بداخله كل احترام وتقدير للكل.. ليتني قدرت اتواجد بوقتكم واتفاعل معكم ونكون مع بعض وعالبال دايم مثل ماانتوا ..http://www.3hhd.com/up/uploads/images/-2d9090e703.gif ربي يسعدك بس على هالقصيده بجد حبيتها وحبيت المقدمة وتعليقات الكل بعد اسعدت الكل بها الطله ربي لايحرمنا من تواجدك ياكبيييير.. يارب اقدر اعطيك حقك وكل اللي اقدر اقوله.. ياحظ قلبك بكل من يحبك بجد بس شافوك الكل تواجد ولاندري وش السالفه هم انا شفت لك موضوع ودشيت كذا مادري شراح يكون الغرض.. تساهل ام فهد..اااالف شكر لك على هالطله وطلتك اللي تسعد قلوبنا.. خلك دايم هنا.. ربي يرعاك...||~http://www.3hhd.com/up/uploads/images/-2d9090e703.gif اختك.. |
رد: رساله لـ بصيص .. !!
|
رد: رساله لـ بصيص .. !!
اقتباس:
هلا والله أختي أم الفهد .. وجوهر القصيده :D آمين .. ربي يسلم عمرتس يا طيّبه تستاهلين أكثر وأنا أخوتس .. لا إحراج ولا شي .. أختنا ولتس علينا حق وهذا شي بسيط وعلى طاري الإحراج .. وين التمايم ما عزمتينا عليها :110: << على باله بيحرجها صدز :o متأكد وأنا أخوتس إن هذا مب رايي فيتس بلحالي .. الكل يشوفونتس بهالنظره وأفضل ومحاتسيتس هو اللي سعيد بتواجده بينكم ومعرفتكم لا عدمتكم ولا يهمتس بحاول بإذن الله .. والإقامه غبرت يبغى لها تجديد :D << حس إنه مقيم اوب مواطن :052: أسعدتي أخوتس بهالطله .. ويكفي إن المعنى وصل وعجبتس الكلام والله لا يحرمنا منتس وأخوتس والجميع يسعدتس ربي ويوفقنا وياكم في الدارين |
رد: رساله لـ بصيص .. !!
اقتباس:
حيا الله كرستالتنا البرّاقه :) ووجهتس أبيض يا راقيه الروعه في حضورتس وأمثالتس أختي لا عدمناتس انتم اللي تضيفون الروعه للمتصفح ومحتواه أكيد تستاهل غاليتنا أم الفهد .. وعقبال عندتس :D وكلامتس شهاده أعتز فيها يا راقيه أسعدني حضورتس وبهاء طلتس لا حرمنا هالطله يسعدتس ربي ويوفقنا وياكم في الدارين |
رد: رساله لـ بصيص .. !!
اقتباس:
صح بدنك يا أبو الأخلاق كلها انت ;) << ما يدري هي أبو الخرافيش مدحه والا شطحه :052: لا إبداع وراء إبداعكم يا غالي بس كويس طلع توظيف الكلمات صح .. عقبال ما نوظف باقي الشباب :D والله ياخوك مب تحطيم .. إلا اعتراف عشان ما يطلع لي أحد يقول دحدرت بالقصيده ويبغى لك تعدل الوزن << ذابحه كثر الترصيص من الرجه :p فقلنا نختصر على النقاد ونوضح إن أهم شي معنى ذا الأبيات يوصل لراعيتها والسلام :p شهاده أعتزه فيها منك وشرواك .. ولا هنت على حضورك وكلماتك الجميله يسعدك ربي ويوفقنا وياكم في الدارين |
رد: رساله لـ بصيص .. !!
اقتباس:
وش حركاته بعد؟ .. شايفتني أفحط :D وصح بدنتس أختي فوضويه هين لو أواصل ما ردني إلا النت بكبره << ما ينعطى وجه :052: بس حسستيني وانتي تقولين واصل والرب يرعاك .. انتس أبو بكر سالم وهو يغني يا بلادي واصلي :p << خش جو مع الكلمات :o خلاص انتي شدي حيلتس وشوفي لتس صرفه وبنلقالتس من يحط فيتس قصيده لازم نجيب لتس قصيده مب منسقه زين .. عشانتس فوضويه خخخخخخخخ مشكوره أختي على هالطله الخفيفه .. لا عدمناتس وحضورتس يسعدتس ربي ويوفقنا وياكم في الدارين |
| الساعة الآن 01:53 PM. |
|
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.