بضم صدرك لين تصبح على خير...
 

بضمك لين تصبح على خييـــــــــــر..

بحساس من زود الوله عــده ايطــيـر


جيتك مثل طفلن له ايـام محــــــــروم
عن حضن امـه بعدتـه المقاديـــــــــر


وجيتك مثل عودن له ايـام مهمـــــوم
وده يلاقـي باخـر الوقـت تقديـــــــــــر


وجيتك حضن عاشق وهايم ومغروم
وده يضمك لين تصبح علـى خيـــــــر


متى تحس ان الهوى شـي مقســـوم
من قسمة الخالق على خلقه يصيـــر


ومتى تحس اني لك اطيـح واقــــــوم
واتعب على شانك واقدرك وآغيــــــر


لي في هواك احلام وامال وعــــلـوم
واحزاب واصحاب وقصيد وجماهيــر


وهموم وافكار وهواجيـس وحلــــوم
وادروب واخطار وعذاب ومشاوـــير


وحب وغلا واخلاص ومعاند ولــــوم
واحساس واللهام وشعور وتفاكيــــر


وصحبة سهر ومقاطعة لـذة النـــــوم
واشواق جياشـه وعشـق وتعابيـــــر


في ذمتك مابان لـك شـي مكتــــــــوم
من بعد ماصورت الاوضاع تصويـــر


لاتحسب انك شي عابـر ومعـــــــدوم
وتاريخ حبك فـاق كـل الاساطيــــــــر


كنـي لقيتـك بأغنيـه لأم كلـثــــــــــوم
وكني قريتك في روايـة شكسبيـــــــر


في كل شي اتخيلك واسمعــــــك دوم
واتأملك في الوقت الأول ولآخيـــــــر


من ماضي الأيـام لايومـك اليـــــــوم
وغلاك عندي ماحصل فيـه تغييـــــــر


وانا لك الله مأقبـل البيـع والســـــوم
ولا ارضى علي ولاعليك المخاسيـر


لاْني الوحيد اللي على بحرك يعـــوم
واللي عرف مرساه في رحلة السير


لحظه حبيبي قبـل يسبقنـي النــــــوم
بضم صدرك لين تصبح على خيــــر


تحياتي

صح لسانك ولسان قايلها..بس حبيت أعرف صاحب القصيده لاهنت ولك كل الشكر يالغالي

جيتك مثل طفلن له ايـام محــــــــروم
عن حضن امـه بعدتـه المقاديـــــــــر

صح لسانك وصح لسان قايلها

الله يعطيك العافيه