منتديات الأماكن - العرايس ياحلوات .. وبالصور

شحالكن خواتي عساكن بخير
وصلتني طريقة مفصلة لعمل العرايس وحبيت انقلها لكن

http://www.malikastyle.net/images/food/3arayes6.jpg

المقادير
http://www.malikastyle.net/images/fo...yesrecipie.jpg

اما انكم تجيبون خلطة كباب جاهزة من اللحام يكون فيها البصل والبقدونس والبهارات والملح
او انكم تسوونها بالبيت وعشان تسوونها بالبيت

اللي يحب اللحمه الكباب جاهزة يزيد عليها بالبيت حبة بطماطم متوسطه مفرومه ناعم
(عشان ما تطلع اللحمه ناشفه لما تنشوى بالفرن)

ربع كيلو لحم مفروم ناعم جدا + 15 عرق بقدونس مفروم ناعم
+ بصلة متوسطة مفرومه ناعم جدا + طماطه متوسطة مفرومه مكعبات صغيرة جدا
+ ملح + بهار اسود + قليل جدا من البهارات + ملعقتين كبار زيت زيتون
(اختياري فلفل احمر بودره للي يحب الحر شوي بس).

يعني تجيبي اللحم مفروم ناعم مره وتفرمي كل شي على حده وتخلطينهم
بعدين كلهم سوا بيدك زين تخلطينهم باليد.

http://www.malikastyle.net/images/food/3arayess1.jpg

الطريقة تجيبي خبز لبناني سميك شوي مو الرقيق

تجيبيه وتفتحيه من جهة واحده شوي وتمدي فيه شوية من اللحمه
وترصيها داخل الخبزة زين بعدين تسكريها وترصيها بيدك وتدهني على يدك مسحة زيت زيتون
وتدهني الخبزة من الامام والخلف بس لا تمليها زيت بس مسسسح بيد
http://www.malikastyle.net/images/food/3arayess2.jpg
ثم تقسميها لاربع اقسام بعدين تلفي كل خبزة بالسيلفر (القصدير)
وتحكمي عليها الاغلاق وتخلي اللفه المفتوحه من فوق عشان ما ينزل ماء اللحمه لتحت بالفرن

وتدخلينهم بصينية الفرن على الطبقة الوسط وتكوني مشغله الغاز من فوق ومن تحت على حرارة 180 - 200
درجة وبعد 20 دقيقة شيكي على وحده منهم اذا احمرت ولا لأ اذا ما حمرت اتركيها بعد شوي
ممكن تاخذ وقت 30 دقيقة على حسب نوعية الفرون ونوعية الخبز
اوتشوينها بالفحم بعد ماتحطينها بالشبك
http://www.malikastyle.net/images/food/3arayes3.jpg

http://www.malikastyle.net/images/food/3arayes4.jpg

بعد ما تطلعيهم من الفرن خليهم بالسيلفر مسكر عليهم شوي عشان ما ينشفوا الخبز او ييبس
وبعدين شيلي عنه السيلفر وحطيهم كلهم في صحن
وغطيه زين بالسيلفر او بحافظه او بكيس نايلون واحكمي الاغلاق عليهم لمدة لا تقل عن خمس دقايق،
عشان تطرى الخبزة شوي اذا كانت محمصة والطعم احلى من اي مطعم

http://www.malikastyle.net/images/food/3arayes5.jpg

وبالعافية عليكن