يامرحبا والحوت نزال رحال=أيه أتغزل والعتب وش نبيبه
ابشر بعزك وردف القاف موال=لو تطلب الغالي من أجلك نجيبه
(يالحر) مايشكي من الوقت رجال=الحب ماضر العقول اللبيبه
والحب قدره فوق عالي ولا زال=وش عاد لو ذقت الجفاا والغليبه
أصبر على الغرنوق لباست الشال=واللي خذاه الوقت بكره يجيبه
الحب تالي الوقت بجنيه وريال=ماهو حب الا قراده وخيبه
يامال فرقا العين يامال يامال=تبكي زمان اهل السيوف العطيبه
صحيح عيني تنثر الدمع همال=على زمان اهل العروق العريبه
(يالحر ) ازيد بيوت من زود الاهوال=مثل الطليب اللي يطالب طليبه
وازيدها وقول ياطيب الخال=الذيب مانسمع عواه وقنيبه
تلاقطو عوير وصوير يختال=عنتر طلع صيته وهو من زبيبه
والخاتمه والحق (يالحر ) ينقال=مافي شي فالزمن نهتنيبه