بين تجربة الهجا وروح المهانه=خيط يفتل وسط غباة البحار
الجبان يعيش ويموت بجبانه=حيلته ياكود رميك من ستار
لاوطينا الصعب بامر الله ليانه=كاشف(ن)سود الليالي كالنهار
اسمع اسمع كان تبغى من بيانه=ما بنت كلمة قفى في يوم دار
الصحيح الحق والواقع لسانه=حتى لو حبيت كوعك باعتذار
شلت حملي يوم بعض الناس خانه=وماشكيت الا على منشي القفار
وجه ليل وماعرفنا وش مكانه=وختلط درب اليميني باليسار
ووجه صبح(ن)داخله مية لعانه=ومن يفسرها تراها في دمار
تل قلبي يالعتيبي من بطانه=ضايع(ن)دمه وينزف بانهمار
كيف جيتك كيف جيتك ياعيانه=لامعي موتر ولا عندك مطار
غير فكر وشاعر(ن)يرثي زمانه=واتجه يمك ولا عنده خيار

أبو أسيل

سلمـت أناملكَ على هذا الطـرح..

أبــداع تغنى في أفــكارنا..

احـاسيس تـذوب لأجل نقـاء المعنى..

ألملم أفكــاري..

لم أجـد رداً يليق في هــذا الطـرح..

لــكَ أعــذب الــود

جنون الغرام