منتديات الأماكن - إصبر ترى الخـِل صبـّاري ... رد على قصيدة (زهرة الفل) للقطامي

منتديات الأماكن (https://www.al-amakn.com/vb//index.php)

- ●{ وٌزنً وَقآفِيِه ~ (https://www.al-amakn.com/vb//forumdisplay.php?f=9)

إصبر ترى الخـِل صبـّاري ... رد على قصيدة (زهرة الفل) للقطامي

السلام عليكم

وصباحكم / مسائكم خير

أعرف كثرت المساجلات والردود بيني وبين الحر القطامي :157:

وهذا الموضوع فيه ردي الاخير على قصيدته الاخيره بالاضافه الى روابط القصائد السابقه

أبيات السند ( البدع ) للحر القطامي(((يا أهل الوفاء)))

و ابيات الرد .. لـ آسر (((للوفا أسباب)))

الرد من الحر القطامي (((زهرة الفل)))

وهذي الابيات القادمه هي ردي الاخير على قصيدة زهرة الفل :122:

وبكذا تنتهي المساجله بالتعادل 2-2 :p

ويعطي العافيه الحر القطامي على ردوده وابياته المحفزه
..
.

قـريـت ردك وشـِعـري هـلّ= وزهـبـت حــبـري وأفـكاري
وقــلـت يا الله عـسـى تكْمـل= وأرويه مـن عــذب أنـهاري
يا الله سـهــّـل أمــور الـكــل= ويـسـر لـنا زيـن الأبـكـاري
اللي جـرى لك مـعـي إنحــل= بالصـبـر مـع دعـوة الباري
تـمّيـت صابـر وعـلـيه أمـهــِل= (حـولـيـن) والقلب محتاري
وخـفــت من وردتـي تــذبـل= وتصـيـر في حكم الأقداري
إلـيـن ماجـا الخـبـر مـنـشـلّ= يــقـــول حــيـاك فــي داري
وقـلـت السعـاده بـدت تنهلّ= يا الله لا تكـشـف أسـراري
قال الـولي يا الـوفـي أرحل= طـلـبـك مانـي بـلـه شــاري
وأنا بـطبـعـي أبــد ما انــذل= وأبـيـعـهـم وأقـدح شـراري
لكـن عـقــلي مهـو مـخــتــل= وأترك وفآ وأرتحل ساري!!
قـالـت تـرفّــق و لا تــزعــل= ارجـيـك لا تــلهـب الـنـاري
وقـلــت يا قـــلـبـيَ الـمـنعـلّ= اصبر ترى الخـِل صبّـاري
واعـطـيـتـهـم عـام أو أطـول= عـسـاي أســمع لهـم طـاري
وجتني شـروطه بعد ما ملّ= وبعــد ما شـاف إصـراري
قال الـمهـر سبعيـن لاتبخلّ= وزيد عشره ترى إجباري !
وقـلت في خـاطــري يالخل= الربع ناوين الإعساري
لو قـيمـتك تـنحسـب بالعقل= ما نلـقـى بالـكـون معياري
قبلت شـرطـك وانا بصمل= ما دام خـلـّي يــبـي داري
واللحيـن خلي معي كالظـل= أكـتـبْـه في كــل أشــعـاري
والـحــمـــد لله رب الــكــل= اللي خـمـد شـعـلـة النـاري
واسقى~ وليفي رحيق الفـل= وأعطاني أغلى من أنظاري

واتمنى نالت إعجابكم

:8b48593a21:
:01001: