تَعَبت أشيـل الهَم عنّك وأداريك
وإنتَ همومـي ثقلَهَــا مـا يهمِّك !




لا يا ( حبيبي) .. الزمن لا يخليك
تقسى على قلبي وتسقيه سِمِّك !




[ دِ نْ يـَ ا كْ ] هذي , لا تغيِّر مباديك
مهما إستطعت الظلم إعدل بحكمك !




ما هي غريبه من يذمِّك يماشيك
لكن غريبـــه يمدحك من يذمِّك !!




ما كل واحد غاب معناه ناسيك
بعض البشر ينساك لو كان يمِّك !




أدري تعزني .. اللـه يعز غاليك
وإن كان لـي عندك معزَّه بضمك !




في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك !





إسمك حبيبي ويا كثِرها أساميك
وقلبي يفز .. لا جابوا الناس إسمك !




ليتك تحس في ضيقتي يوم أحاتيك
أحرق لك أعصابي .. وما حَس دمِّك !




غايب بدون أعذار .. ربِّي يجازيك
عطني سبب مُقنع حبيبي .. وألمكّ !




همِّك , جنونك , ضحكتك , كل ما فيك
صوتك , سكوتك , وأرجع أقول : ( هـ مِّ كْ ) !




[ لبيــه ] منِّك غير .. لمَّا أناديك
كن الكلام العَذب ... مرساه فمِّك !




مهما غلوك قلوب ناسٍ حوالــــيك
أغليك أكثر منِّهُم بس .. لعلمك !




أبوك , خالك , إختك , أخوك , ماضيك
ربعك ، جميع النـاس, وعيـــال عمِّك !




.




.




شايف غلاهم لِك .. أكثر أنا أغليك




واللِّي وِصَل ( نِص الغلا ) يمكن أمّك !

الزير

الاروع مرورك الذي
انار وعطر به صفحتي
عساني ماانحرم من هالوجود
الرائع دائمآ

كل الود

صـادق وعد

الروعه روعه حضورك
وهو من زاد القصيده جمالا
وتواجدك هنا في نبضات احرفي
يعني لي الكثير
ممتنه لعطر الحضور

لك ودي واحترامي

العطشان

الله يعافيك يالغلا
كعادتك وافي بحضورك
شمس لاتغيب
تشرق في صفحتي دائمآ
عسانا ماننحرم من هالوجود

كل الود

بنوته

لك جزيل الشكر يالغلا
على مشاركتك الرائعه
عسانا ماننحرم من هالوجود

انثى بدلع طفله

الاروع مرورك العذب الذي
تعطرت به صفحتي
اليك من ورد الياسمين اجملها وعليها
تـحـياتـي