منتديات الأماكن - أبدى معاك منين ولاّ منين ؟؟ جديد محمد جارالله السهلي

منتديات الأماكن (https://www.al-amakn.com/vb//index.php)

- ●{ذآئِقةً عَذبْــهـَ..~ (https://www.al-amakn.com/vb//forumdisplay.php?f=55)

أبدى معاك منين ولاّ منين ؟؟ جديد محمد جارالله السهلي

http://www.3ashgfzaa3.net/up//upload...946b0d2676.gif

مايسرق السلوى مـن الساليـن

............................. سوى تسلـي سيفـك المسلـول

ارفق على حالـي ولـد العيـن

............................. انـا بليـا نظرتـك .. مقتـول

قتلنـي الاحـبـاط والروتـيـن

............................. وتفكيري بمستقبلي المجهـول !!

وخوفي وانا ذا الحين من بعديـن

............................. وقولة لا جيت اقول ويش اقول ؟

وانت بجمالك لاكتمـال الزيـن

............................. اقرب على العاقل من المعقـول

ابدى معـاك منيـن ولا منيـن
............................. بالصوت ولا الطبع ولا الـزول

ياللـي ( الـوّك ) كنهـا بيتيـن

............................. مـا منهـا دارج ولا مقـيـول

مثل السحاب يمر صوتـك ليـن

............................. احس عقبـه مسمعـي مبلـول !

وشلون ما يحلـى لـو بحرفيـن

............................. دامـه يمـر بريقـك المعسـول

بين الهـداوه والتـرف والليـن

............................. والغيره بعـذر الغـلا المقبـول

خريطه طبوعك وخمس سنيـن

............................. وانا اصـول بوسطهـا واجـول

يا ارق من نسمة صبـا تشريـن

............................. وادفى من الشمس بضحى أيلول

اسمحلي استطرد بشعـري بيـن

.............................. وجهك .. وباقي جسمك المعزول

اشقرك ماخذ مـن نهـار البيـن

............................. لونه .. وطول الموعد المأمول !!

وعيونك اوسع من مدى تخميـن

............................. فيها حديـث المعجبيـن يطـول

ودي اسورهـا بسـور الصيـن

............................. عن الحسد من نظـرة المذهـول

علـى سمـاك هـلال للعيديـن

............................. تفرح بها من حول اليـا حـول

وعلى الوساع النعـس هلاليـن

............................. اتجيب فيّ العيد علـى طـول !!

وشفاك تـوت ومنقسـم نصفيـن

............................. ومن خلفها عقد البـرد واللـول

ومن فوقهـا سلـة ابـو حديـن

............................. ولخالها .. من تحتهـا مفعـول

مسيرة ركاب النظـر شهريـن

............................. من صدرك اليا عنقك المنتول !!

وخصرك اقل بشبر من شبريـن

............................. وعودك ليان وفارع .. ولحـول

اليـا ذكرتـك اشعـر بشييـن :

............................. انك مخيّر بالـوزن والطـول !

وانك مثل غيرك اساسـك طيـن

......................... لكن طينـك بالشهـد مغسـول !

http://www.3ashgfzaa3.net/up//upload...f5d0c96969.gif