|
|
|
الحين يوم انّك .. !!
يتمتع بعض أفراد مجتمعنا بصفات وسلوكيات خاصه قد لانجدها في أي مكان على وجه المعمورة وعندما اقول صفات أو سلوكيات أقصد الغير حميدة منها باختصار قد تتفاجأ في أحد الأيام بأن يأتي أقرب الناس إليك .. سواء أخ او عم أو ابن خالة أبوك من الرضاعة حتى جارك قبل 30 سنه وبدون أي سبب يأخذ نفساً عميقاً ويوجه لك هذه العبارة: "تراني شرهان عليك" !!! ثم يردفها بعبارة "الحين يوم انك" ....إلخ وبالنهاية تكتشف أنه شره عليك لأنك لم تحضر زواج ابنه الذي أقامه في قرية تبعد عن مكان إقامتك 550 كيلو وبالطبع لابد في هذه الحالة أن تبعد عن الشر وتغني له ولا بد من أن (ينط عِرق المجاملة) عندنا فتعتذر بأنك كنت مشغولاً جداً أو ماعندك إجازة فتتفاجأ مرة أخرى بقوله: طيب .. "الحين يوم انك" حضرت زواج فلان اللي كان قبله بأسبوع وماحضرت زواج ولدي تقول في نفسك: (الله اكبر وش ذا الزواج اللي تبيني أحضره غصب)!! مجموعة من البشر حضروا بعد صلاة العشاء لمكان إقامة حفل الزواج وسلموا على بعض, وجلس كل ثلاثة منهم بشكل انفرادي في زاوية في الزاوية الأولى: - شفت فلان مر من عندنا ولا سلم؟ - ماعليك منه شايف نفسه - أبسألك العريس موظف؟ - لا مو موظف .. بس يطقطق بالمحاماة - ايه أجل معقب؟ ليه زوجوه؟ - لا مو معقب .. تراه شريك في مكتب محاماة وعنده خير - ماشاء الله ..أجل تدري خلني أروح أبارك له مره ثانيه "يستاهل" . . في الزاوية الثانية: - شفت مشلح العريس؟ - لا .. وش فيه؟ - قصيّر ومغبر!!! - يارجال مشلحه يهون عند مشلح أبوفلان اللي ماغيره من عرفته - إلا على طاري فلان .. هو جاي الزواج؟ - إيه, شفه جنبك .. خلنا نسلم عليه - بعد السلام مباشرة: "يالغالي ما تزوجت؟ متى تبي تتزوج؟ - طبعاً يرجع (ينط عرق المجاملة) ويقوله فلان: يله على إيدك يتنتهي الحوار بابتسامة صفراء .. ونظرة ساخرة .. مع رشفة بيالة الشاي . . في الزاوية الثالثة: - فلان وش اخباره؟ - بخير بس من زمان ماكلمته لأنه يكمل دراسته برا - كم له مبتعث؟ - له سنه - وش بيدرس؟ - دكتوراه - مهب كنه طول؟ لا يصير رسب - وين مبتعث؟ - لبريطانيا - ايييييه بريطانيا .. لايهمك تراها سلق - إلا قلي انت وش صار عليك؟ - ابد والله فصلت من شغلي .. ومالقيت وظيفة تعرف مامعي إلا متوسط .. بس شكلي بقدم على ابتعاث.. فلان مهب أحسن مني !!! . . الزاوية الرابعة: - ياخوي ماتلاحظ إن العشاء تأخر؟ - إيه والله .. امتلت بطوننا من شاهيهم الحالي -(اقلطوا حياااكم الله)- - اقول, ماتلاحظ إن الأكل بارد - إلا, وماتلاحظ إن الخيار اللي بالسلطه كثير - إلا, هذا وهم مسوين الزواج بفندق .. على بالهم متمدنين - وراهم حاطين بيبسي وماحطوا سفن أب - تدري خلني أروح آخذ لي حلى قبل مايخلصونه ذالمشافيح وبالطبع آخر من يطلع من وليمة العشاء أبطال الزاوية الرابعة .. وكل واحد منهم بفمه خمسة أعواد أسنان . . تنتهي وليمة العشاء, وبنهايتها ينتهي حفل الزواج الممتع بهروب العريس من بثارة اللي عازمهم وبعد كم يوم تقابل عم العريس ويقولك: "الحين يوم انك" ماحضرت الزواج؟ تقوله إلا حضرت .. وبالتحديد يالحبيب أنت كنت قاعد في الزاوية الثالثة يقول إيه زين بارك الله فيك .. طبعا أنت تفرح لأنك في الحقيقة لم تحضر الزواج لكنك معتاد وتعلم بأنه من عشاق الزوايا لكنك تتفاجأ بأنه يرجع ويقول لك: طيب "الحين يوم انك" شفتني ولا جيت سلمت .. انت ماتستحي؟؟؟!!! خاتمه: في مجتمعنا الكثير من السلوكيات والأخلاقيات المتعبة والمؤذية .. والتى كم تمنيت أن تنقرض إلا إنني وأنا أتمنى جاني أبوزاوية وقال: "الحين يوم انك" تتمنى؟ ماتبينا ننبسط يالوقح!!! تعليقي: وهو صادق ! ياكثر مايطلعولنا حقين الزوايا :confused: مما أعجبني بقلم أبو علي .. من شبكة ابونواف من صندوقي الوارد! |
رد: الحين يوم انّك .. !!
حيييييييييييييييييييل رآآق لي هالطرح وأعجبني
:30: تسسلم ديآتك على روووعة الأنتقآء والله يعين من اصحآب الزوآيآ :p |
رد: الحين يوم انّك .. !!
ياكثرهم والاخص زوايا نسائيه :)
حضرت فلانه عشان فلانه !!!!!!!!!!:p بس ولايهموووووني ولااخذ لهم اعتبار اساسا:212: عادي عندي ظرف قبلته ولابسلامتك يعطيكـ الف عآفيهـ ما ننحرم من ابدآعآتكـ .. |
رد: الحين يوم انّك .. !!
شكرا لطرحك غاليتي
لا حرمنا الله تواجدك دمتي بود جووود |
رد: الحين يوم انّك .. !!
مبسوطه ...)
هـ الزوآيآ في كل مكآآآن حتى في موزمبيق :) مستحيل ان يوجد مجتمع مآ فيه هـ السلوكيآت مآفيه احد معصوووم ...) بس جد بثآآآآره :) يعطيك العافيه غلآآآآآتي لاااا هنتي |
رد: الحين يوم انّك .. !!
وربي توووحفه
بس ترى حفله الرجال غييير عن حفله النسااااا!!!!!!!!!! بالله مبسوطه دوري عندك بالصندوووق وش يصير بحفله النساااااا واسدحيهااا فيذا وربي عجب عجاااب موضوع في الصميم والله ووااقع100000% حبيبه قلبي المبسوطه ترى الزين مايجيب الا زين زيه عسااك على القووه دمت بخير |
رد: الحين يوم انّك .. !!
|
رد: الحين يوم انّك .. !!
اقتباس:
حلاها .. الله يسعد قلبك على هالمرور .. حيل اسعدني ! شكرا ً على افتتاحك الجميل للموضوع ويسعدني أنه راق لكِ حفظكِ المولى |
رد: الحين يوم انّك .. !!
هههههههههههههههههههه
والله مواضيع الزوايا ماتخلص وانتي الصادقه تسلمين عالطرح مبسوطه من جد اعجبني الموضوع تحيااتي |
رد: الحين يوم انّك .. !!
اقتباس:
اي والله ياكثرهم .. بس الظاهر الحين زوايا الرجال قامت تنافس زوايانا أهم شي انهم مايهمونك أبد .. تعجبيني ! بس بصراحه أحيان يجي يصكك من جميع الجهات ولا تعرفين وش ترقعين له .. تجين من هنا يطلعلك من هناك ! بس على قولتك .. عندي ظرف قلته .. قبله ولا بسلامته ! الله يعافيك ويسلمك على تفاعلك ويقومك بالسلامه وتجين تشوفين ردّي على ردّك مكانك حيل فاضي ! حفظكِ المولى |
رد: الحين يوم انّك .. !!
اقتباس:
عزيزتي جود الشكر موصولٌ لكِ على مرورك لاحرمنا الله إيّاه حفظكِ المولى |
رد: الحين يوم انّك .. !!
اقتباس:
صحيح .. يستحيل أن يوجد مجتمع بدون هذه السلوكيات لكننا نتمنى! شكرا ً لك ِ عزيزتي على المرور حفظكِ المولى |
رد: الحين يوم انّك .. !!
اقتباس:
الله على هالتفاعل .. يختي انتي وينك من زمان ماتجين مواضيعي ! والله استانس عليك .. تحسسيني بقيمتي بالنسبه لحفلات الحريم ووش يصير فيها .. هذا معتادين عليه بحكم لسانهم الطويل ! لكن العنصر الرجالي في هالأمور غريب نوعا ً ما ! الله يسعدك يالغالية وتأكدّي أن الزين مايصير زين .. إلا بتواجد الزين ! حفظك المولى |
رد: الحين يوم انّك .. !!
اقتباس:
رحم الله أباك وأسكنه فسيح جناته شكرا ً من القلب على تفاعلك الجميل اسعدني تواجدك الدائم عزيزتي حفظكِ المولى |
رد: الحين يوم انّك .. !!
اقتباس:
شيز شكرا ً لكِ عزيزتي على وجودك يسعدني انه اعجبك ! يعطيك العافيه حفظكِ المولى |
| الساعة الآن 07:13 AM. |
|
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.