والله ولو جملوا عصرية الجمعه=ان ضيقة الصدر ماتترك حراويها
مثل الذي في عجاج ٍ ولّعوا شمعه=غلطان ياللي تحاول بس تضويها
معروفةٍ حزة اطفيليل بالخمعه=روتين عندي وانا اللي بالش فيها
عصرية الجمعه فيها موعد الدمعه=حاجه قديمه وانا ماني مخليها
كم مرة ٍ في المحاجر جالها لمعه=تظهر علي غصب لو حاولت اخفيها
لوكانت الناس من حولي ومجتمعه=معزول عنها ولاادري عن حكاويها
من شافني قال ذا متثاقل ٍ سمعه=بلاه ماجرّب اللي قمت اناحيها
افرح ليا شفتها في الخد مرتمعه=واحس صدري تنفس في بواقيها
يالله ياللي رضاك القصد والطمعه=تفرج لعين ٍ شطيط الوقت كاويها
اللغز كايد وحيّر راعي الرمعه=ماجاوبته المشايخ في فتاويها