منتديات الأماكن - تكفى ترى تكفى تهز الرجاجيل..

منتديات الأماكن (https://www.al-amakn.com/vb//index.php)

- ●{ذآئِقةً عَذبْــهـَ..~ (https://www.al-amakn.com/vb//forumdisplay.php?f=55)

- - تكفى ترى تكفى تهز الرجاجيل.. (https://www.al-amakn.com/vb//showthread.php?t=77291)

تكفى ترى تكفى تهز الرجاجيل..

السلام عليكم ورحمة الله وبركاته
الكثير سمع بهذا البيت عن طريق رسائل الجوال

تكفى ترى تكفى تهز الرجاجيل
لولا ظروف الوقت ماقلت تكفا

==========================
وهي للشاعر
عماش بن عبيد المطيري

ووجهها يشكي ضائقته المالية إلى صديقه

مزيد المطيري
والقصيدة كاملة على النحو التالي:

تكفى تــــــــرا تكفى تهز الرجاجيل

ولولا ظروف الوقت مــا قلت تكفى

تكفى يـــــا مزيد ما يبا العلم تفصيل
المشكلـــه كبرت على عماش تكفى

مــــا قلت تكفى غير من فترة الحيل
وانتـــــه ولد من يفعل الطيـب تكفى

انخاك من كثــــر العنـــــا والبهاذيل
الفقر حطمني .. وانــا ازريت تكفى

غديت مثل اللي بــرك ضامه الشيل
تضحك بي ضعوف الرجاجيل تكفى

يــــومٍ لك وقفه .. وجاه .. ومداخيل
مــــــا نغتني عن مثل شرواك تكفى

افزع تــــــــرا وقتي غدى كنه الليل
والعلم مــــــــــا يخفاك يالقرم تكفى

مـــــا عاد بي شده ولا عاد بي حيل
ضدتنـــي الايـــام ... والـقــلّ تكفى

اروح وارجع مــا حصلي محاصيل
والرجل بادت .. يا فتى الجود تكفى

واليوم عندك يـــــــا رفيق المشاكيل
العذر مـــــــــــا ينفع وانا قول تكفى

حيثك من اهل الطيب واهل المفاعيل
يـــــــا زبن من جاله ومن قال تكفى

الجيب فـاضــــــي .. واليالـي مقابيل
عجزت اعيش مع الرجاجيـــل تكفى

والراتب المحدود .. يـــــروح تحويل
من الاداره .. لاهـــــــل الديـن تكفى

حتى عيالــي مـــــا قدرت الهم الكيل
والازمــــه لا جـــات .. صديـت تكفى

رجـــى الفرج والله يجيـب التساهيل
واعيش فـــي راحه مع الناس تكفى

والله كريــــــــم .. يبـــدل الحال تبديل
ومــا قلّ دلّ .. وصامـل الهرج تكفى
========================