قالت إني ما أبيك ! ولا أفكر! ألتقيك
من سواد عيونك اللي كرّهتني بالحياه

قلت خافي من إلَهك راح عمري أحتريك
في مسايه في صباحي حتى في وقت الصلاه

يا مليحه وين وعدك ! الجفا مايصير ليك
مرّة(ن) وحده قطعتي ! طعتي اشوار الحكاه

قالت إني ما هويتك من زمان(ن) ما أبيك
شفّي اللي في غرامه حاير(ن) قلبي وتاه

ما نطيعك ! لو عذلت القلب في حب المليك
لو قصر عندك لباسه ما مشى حكي الوشاه

قلت بصْرك وان لهيتي في وهم حب(ن) هليك
تدفع الشمس الظلام ويتّضح معنى النفاه

كان شفّي تنقذيني تدركي حر(ن) دريك
مستميت(ن) في غرامك ملْتفت للّي شناه

عايش(ن) ينطر وصالك ينتهي بك يبتديك
والحياه اللي بدونك مابها عنده حلاه

لو كثير الناس حوله ما بغى غيرك شريك
والخفوق اللي صفى لك رافع ال غيرك عصاه

ما هوى حي الزمالك ولا طرى له قوم هيك
وما عطا نبضه لحي(ن) يسرع الخطوه وجاه

لو غفت عينه دقيقه انتبه مثل الدهيك
جاه باحساسه نديبك يحْمل اسهوم الرماه

واحسافه ليه بعتي من صحى جفنه عليك
ما تذوق النوم عينه طول ليله آه وآه

اطياف