لاتقول إنه فهيم تنقصه بعض السلوم=اي قول ٍ يسمعه فالمجالس يبتديه
لاثوابت لادلايل تستضح زرق الختوم=يتبع اقوال الجهاله..راضيّن به يقتديه
علمه فعل القبايل علمه عن كل قوم =خل هرجه أجودي بالدلايل مكتسيه
وصلوله هالرساله..وصلوله العلوم=وصلوها عند قومه وصلوها عند ابيه
مايهم اللي يصير دام انا نسل القروم=مانخيّب من نخانا والشجاعه تقتضيه
عزوتي عزوه طليقه ماتعاقبها الغيوم=تمتطي خيل المراجل ياعدوي تمتطيه
مانهاب..الا نهيب فعلنا دق الخشوم=وقومنا قومن شكاله كل ضلع ٍ تعتليه
صلب
وايل فالمواقف من اوايل الرقوم=بالمكارم والعطايا..وكل جودن تحتزيه
وهمتي همّه عليّه وانت صنف امن الرخوم=تتبع اقوال الجهاله قولهم لك تكتفيه
ياعدوي ياعدوي للمعالي ماتروم=والنصيحه النصيحه قوم
وايل لاتجيه