كانك إتدوّر حب ترني تغديت=قبل تعشّابي سبقتك عليها
لاتحسب إني بنتحر يوم صدّيت=بالعكس والله قلعتك أشتريها
الظاهر إني مع جنابك تماديت=واليوم خذها كاش يامبتديها
إركع ولاتبحث دفين الدناميت=إحذر تزل اليوم وإتروح فيها
إلعب معا غيري ورى وإن تحدّيت=والله تشوف أشياء ماتشتهيها
مادامها صارت على بلوك ديليت=حبّي يمينك عكس ولاّ اشكريها
ماني على خبرك لارحت ناديت=كثير غيرك نظرتي يحتريها
مجنون أحبك ؟ ليه؟؟ وش فيك جنّيت!!=مثلك مثل حاجه عبط نشتريها
كلّك على بعضك سوا رحت وإن جيت=لعبه أقضّي بعض وقتي عليها
وأكبر دليل إنك غبي ماتربّيت=لاعفت حاجه رحت للي يليها
هذا كلامك لاتحسبن تعدّيت=وكرامتك لأردى البشر تمنحيها
جمله وركّبته ذكا داخل البيت=بقولها تكتيك بس إحفظيها
[[ لاشفت نفسك بالزعامه تسمّيت=تراك ناقصها ولو تدّعيها ]]
[[ حياتك إن ماضفت فيها وسوّيت= تصبح مجرّد شي زايد عليها ]]
هذا وأنا توّي بعد ماتواسيت=البلبله تنهيك بس إقصريها

الموضوع الأصلي: إركع .. || الكاتب: بدر عليان || المصدر: منتديات الأماكن

المصدر: منتديات الأماكن