قصتي مع النظره الشرعيه قبل الزواج...
يسعد لي مساكم\صباحكم...لكل العسولين اللي يقرون...
اليوم طرحت موضوع كنت ابي اطرحه من زمان واشوفه مشكله في مجتمعنا الخليجي عامه والسعودي خاصه...
ابدا لكم الكلام من قلب الحدث...النظره الشرعيه قبل الزواج هذي مشكله اشوفها والقصه هذي مو لي بس حبيت الفت انتباهكم من العنوان قصه صديقه لي وقصتها بقولها لكم وابي منكم جواب مقنع من اللي حنا فيه ورجاءا لاتقول رايك الا لما تقرا للنهايه عشان ماتحكم غلط عالموضوع..وانشالله ماطول عليكم....بالمختصر المفيد..صديقتي اختها جذابه بس تشوفها تقول يأرض احفظي ماعليك أدب واخلاق وجمال ماناقصها شي كل شي فيها ويكفي ان هلها راضين عليها تزوجت بولد عمها وعاشت حياه ولااحلى منها ....تمر الايام الا ومعها ولد ماشاء الله عليه ...في يوم من الايام كان عندهم عزومه رجاجيل واهيا طالعه فجاه تبي تساعد في ترتيب العشا الا وولد خال زوجها يشوفها انبهر الولد وماصدق اللي يشوفه ...بعد ماخلص العشا راح الولد لامه وقال لها كل شي ويقول يبي اختها اكيد تشبها ومايبي الا اهيا وبسرعه قبل لااحد ياخذ البنت الام ماصدقت ولدها نطق وقال اخطبي لي واهيا صار لها سنين تترجاه راحت امه واخطبت له البنت ووافقوا اهلها وتم كل شي الولد يسال امه اهيا حلوه مثل اختها ترد وتقول اكيد اختها وتشبهها ارتاح الولد بس اصر انه يشوفها وكلم ابو البنت بس رفض وقال ماعندنا رجاجيل يشوفون البنات قبل الزواج ..؟؟الولد سكت وقال خليني ساكت لاطير البنت من يدي ...كان كل شوي يسال هله حلوه مثل اختها وهما اكيد حلوه اصلا بنات فلان كلهم حلوات كل وحده تقول ياقمر قوم اقعد محلك...تمر الشهور بسرعه وتزوج الولد بس كانت المفاجاه... ماعجبته وقال يمه شهذي مابيها ماعجبتني ابد مو مثل اختها.. اختها اجمل بكثير مابيها رجعوها لهلها وامه تترجاه لاتفضحنا ياولد ماصار لك اسبوع معها بس رفض وقال الله لايسامحك ليش كذبتي علي وخليتيني اتحلم واتخيل بس خلاص والله لطلقها ومابي زواج وانا بدور واختار لي وحده مثل الناس ...البنت رجعت لهلها مكسوره والكل يسال ليش مطلق بها السرعه يرد ويقول ماعجبتني ابد مو حلوه والرجاجيل ينتشر الخبر عندهم مثل الطير والبنت قطع بنصيبها والكل يقول مو حلوه وتطلقت...البنت تازمت نفسيا وقالت ليش يسوي كذا ماسويت فيه شي شوه سمعتي الله يسامحه...هذي اهيا قصتها والبنت انقطع نصيبها بسبت واحد ماكان يستاهل اصلا يمسك ايدها بنت اخلاق وادب وكامله مكمله ماقتنع فيها لانها مو مثل اختها مو مثل شبيهات زمنه اللي يشوفهم في كل القنوات ...صرنا بزمن عجيب الولد ماصار يبي امه وخواته يختارون له يبي اهوا يختار ولازم يشوفها ويقعد معها ويسال يبي يشوف تفكيرها لوين حيوصل ..وصفاتهم المثاليه كالتالي عذرا عالكلام اللي بقوله بس اعذروني من قهري عالبنت..يبي{ خصر نحيل مع طول شامخ ...شفايف ورديه لامعه وتكون بحجم مطلوب مو ما تنشاف...والصدر مو مثل الزيتونه مثل وصف شعراء العصر الجاهلي لا يبغونه بحجم شمامه او أي فاكه تفي بالغرض...تكون بيضا او سمرا عادي اهم شي الصفات اللي سبقت موجوده ...ويكون شعرها طويل عشان يتلاعبون فيه على كيفهم..ويااسود يااشقر مو مهم اهم شي طويل...}اه بس يطول الكلام والسالفه ماتنتهي...هذا اللي عندي شرايكم في القصه شتحكمون عليها ومن السبب انه مااصر يشوفها ..؟او الاهل اقنعوه بشي مو موجود يبغون الفكه..والام تبي تشوف عيال ولدها قبل لاتموت مثل كل الامهات..؟ او تفكير الولد نفسه يوم اعتقد الاخوات دايم مثل بعض...كثرت الاسباب والطلاق واحد ...بس جد مايستاهلها نذل شوه سمعت البنت بين خلق الله وقطع نصيبها هذا مو ادمي ...اه بس ياقهري عالبنت ..في شي حبيت اقوله...شرايكم في النظره الشرعيه قبل الزواج ماتعتقدون انه شي مهم ولازم الكل يتعرف على الثاني بس فكرت فيها وقلت هالشي له جانبين سيئ وصحيح
السيئ ان الولد اذا ماعجبته البنت يدور على غيرها ويسوي سوات الخبل اللي قلت لكم قصته فوق ويقطع بنصيبها وقتها تحس البنت بأهانه كانها بضاعه شافها وراح وكانها لعبه بديه..
والجانب الصحيح الولد يتعرف عالبنت قبل ويكون عنده خلفيه عنها قبل الزواج ومايكون له حجه خلاص شافها واهوا اللي اختارها...ابي ارائكم في الموضوع بصراحه وتأيدون النظره الشرعيه ولا لا وليش وشرايكم في القصه اللي قلتها انا اعتقد ان منافع النظره الشرعيه اكثر من مضارها بس فيه ناس مايخافون ربهم....انشالله ماطولت عليكم اعذروني بس انشالله تعبي مايروح عالفاضي في الكتابه واطلع بنتيجه حلوه منكم في الموضوع بشي مقنع ...مادري ليش دايم افكر ان ودي ان الشرع يفرض على الاباء ان البنت تنشاف لان جد تصير عندنا قصص كثير من هالنوع وماله حل الا انه يشوفها ....ولا شرايكم...انشالله بعد انتوا استفدتوا شي من اللي كتبته وتطلعون واطلع بنتيجه ترضيني ...بعد انشالله يكون الموضوع انطرح في مكانه الصحيح واذا مو في مكانه الله يعين المشرف ينقله والعذر والسموحه ...
اختكم...كــــبـــــريــــاء الــــجـــــــنـــــوبـــــ*
rwjd lu hgk/vi hgavudi rfg hg.,h[>>>
يا رب لا تَحرمنَــا أمنيـةً
تُفرحُ قلوبنا ,
وتوبَـةً تَجلي
هُمومنـا ...
وَفرجــاً يكشـفُ الكَرب عنّا ..
...
وَ جنّةً فِـي أُخرتنا
وَرضا مِنـك عَلينـا
..
آميـن
♥ 