الموضوع
:
بالصراحة أحلى مع الأخ الكريم ( خيالك) . .
عرض مشاركة واحدة
04-04-2010, 11:44 PM
المشاركة
20
عضو له مكانه في قلوبنا
تاريخ الإنضمام :
Apr 2002
رقم العضوية :
127
المشاركات:
6,276
رد: بالصراحة أحلى مع الأخ الكريم ( خيالك) . .
1- رأيكم فيه ؟
أخوي (
أبو دحيّم
) .. زي ما أحب أسميه
.. شهادتي فيه مجروحه << تسان جبت معك لزاق
إنسان راقي بمعنى الكلمه .. مثقف وفارض احترامه على الجميع بحسن تعامله وأخلاقه
وبطبعه واضح إنه هادي وراكد <<يعني أشوى منك
>> بس ولو ركوده موب عليّ لأني أطلع الرجه من داخله
2- (( 3 )) صفات ايجابيه فيه ؟
كله على بعضه حلو
<< وين جاي تغازل
راعي واجب ووافي .. ويسأل عني إذا غبت لا خلا ولا عدم
راقي .. بس موب على سلم
وعنده صقر
<< يكتب وهو يقز الصوره الرمزيه
3- (( 3 )) صفات سلبيه فيه ؟
يمكن زي ما ذكروا أغلب اللي قبلي .. قلة تواجده
وما يعرف يمسك حارس
.. لأنه إذا لقم أهداف تسثيره سوى نفسه مصاب
وبرضو .. مصور مع صقر تسذبي
<< موب مقتنع إنه راعي بر
4- تقييمك له ... من 1 الى 10.. ؟
ما يبغى لها 10 على 10 يااااحق
<< وووين شيخ الغفر
تقييم أبو دحيّم وأمثاله موب بالأرقام .. قيمتهم عندنا تسبيرتن بالحيل
5- اجمل موضوع تمنيت تكون انت صاحبـه ..؟
ولا موضوع
.. لأن قناعتي كل شخص له إحساسه بمواضيعه اللي يكتبها
خصوصاً إذا كانت خواطر أو أشعار
وأبو دحيّم .. يكفي إنه يكتب بإحساسه حتى وإن اختلفت المفردات أو نوع الموضوع
وهالشي كافي بنظري عشان يوصل المكتوب للقلوب
6- الشيء الجذاب فيه .. ؟
الصقر خخخخخخخ
قصدي اللطمه
<< لازال يدقق في الصقور وراعيها
وحتى لو يفك اللطمه ويطق بنت البكار .. برضو بيبقى جذاب
<< يحسب قصدهم شخصيته بالشماغ
لا عاد بصراحه
أتوقع شخصية الإنسان بشكل متكامل هي اللي تخليه جذاب في نظر الآخرين
وشخصية أبو دحيّم ماشا الله تبارك الله خلته جذاب في عيون اللي يعرفونه ويتابعونه بالمنتدى
7- هل يقوم هذا المشرف بالرد على المواضيع التي تكتبها ؟
اي تسيف .. وما يقصر الله يعطيه العافيه
ودايما أنتظره ينور مواضيعي باسمه حتى لو ما يرد
أهم شي ذا العلم الأخضر يهفهف في صفحتي
8- حركه / كلمه / اسلوب .. تلاحظها دوما بردوده ؟
بالنسبه لي .. يناديني
أبو سعيد
.. شكل جيرانه من أهل الجنوب ومتأثر بالاسم
وأول كان يحط الراقي في صورته إذا أتذكر
الحين لونه الأزرق ويختم بأخوك خيالك (أبوعبدالرحمن) .. تسنه رايحن يقص بطاقه
9- ((مساحه حره للعضوه/ مجال حر للعضو .. لكي يكتب كلمه او اطراء او نقد للمشرف المختار)) ؟!
دزربوا المكرفون ..
أخوي
أبو دحيّم
.. بأمانه .. انت من الأشخاص اللي فرضوا احترامهم وحبهم في الله على كثيرين في المنتدى إذا ما كانوا الكل .. بفضل الله وبفضل حسن تعاملك وأخلاقك وطيبك وهو دليل على أصالة معدنك وتربيتك
الكلام من أخوك في حقك قليل .. لكن يزينها إنك تعرف قدرك عندي
وانت من الناس اللي كسبت أخوتهم في هالمنتدى الجميل بأهله
وعلى فكره ..
وين ديوانك اللي وثقته في وزارة الإعلام إذا مانيب غلطان؟!
عطنا نسخه وإلا اسمه عشان نشتريه تسانك نشرته
وإذا ما بعد نشرته .. جبنا لك منشار
قصدي قطينا عشان ينطبع وتنتشر وتصير أد الدنيا
ربي يوفقك ويسدد خطاك
مشكوووور أخوي
العطشان
إلى ما لا نهايه على روعتك وموضوعك
ولا تكفيك
™ تشاوو .. يرحمكم الله
مؤشر يلامس هذا التصميم
فيصدح "
صوت أخاذ"
بترنيمة مؤثرة
تحاكي بعضاً من
إحساس مكبوت
أتعب الحال
تـنـــويه :
(
حرفي/ بقلمي ولا حلل الله اللاطشون
)
عبارة أتمنى أن تجد صداها في كل ضمير حي
سامح الله من تراجع عن خطأه في استعارة أحرفي
ومن استمر .. فالله حسبنا وحسبه !!