منتديات الأماكن - عرض مشاركة واحدة - ♥... تـشـويـه بـلـيـغ ... ♥

19-05-2010, 10:59 AM

المشاركة 43

¸.خَوْاطِر إِمَارَاتِيْه.¸



رد: ♥... تـشـويـه بـلـيـغ ... ♥

السلام عليكم ورحمة الله وبركاته
تحيه من احترام ورقي فكر
بسم الله أبدأ
::

اول شي من حق بنوته تجي توضح لنا قصدها بكل وضوح وتنفي انها كانت تقصد
الشي اللي احنا فهمناه غلط !
كلام سليم لا غبار عليه بس تأكدي انا ما قلت هالشي الا لمعرفتي
الطيبه بمعدن اختي المميزه بنوته

العطشان جاب دليل صريح يمنع سفر المرأه
صدقتي وعيبني استشهاده بالادله ومحد اعترض على هذا الامر
وانا استنكاري على رمسة ابوعبدالله كانت على جزئية هو فاهمها

السفر بمحرم بالله البنت ماعندها محرم
تضيع مستقبلها ولا شلون
الدين يسر مو عسر
انا علقت على هاذي الجزئيه في ردي على بنوته
ارجو منج تراجعينها
صح اللي يتعمق في الكلام يلاحظ انها معترضه
وانتي قلتي لأن اختنا بنوته معروف انها مثقفه وفاهمه
يعني باين انج ما كونتي فكرت انها فاهمه ا\ومثقفة الا من خلال
ملاحظتج الجيده لحضورها واسلوبها
يعني هذا ما يشفع لها انج تحسنين الظن فيها؟
انا معاج في جزئيات غلط قيلت بس هي بشر
غلطت اوكي شو المشكله اهم شي تصحح الغلط
بس ليش ما نحسن الظن يمكن الاسلوب اللي كتبت فيه هالنص
تقصد منه شي بس للاسف وضح شي ثاني

والحمد لله هذا من فضل ربي اني دوم متبعه حسن الظن بالاخرين
واللي خلاني احسن الظن في غاليتي بنوته هالجزئية
أنا اعتذر من الجميع إذا رديت على احد بطريقه أزعجته من أسلوبي
يبقى الإنسان ناقص مهما حاول بلوغ الكمال
وأنا ناقصة الكثير واعتذر مره ثانيه من الكل
صدق كبرت في عيني وايد بنوته زود ما هي كبيره يعني لو هي حابه
تستمر في الغلط ما ذكرت هالجزئية وخاصه ان الانسان وقت
الانفعال يقول اشياء وبعدين يوم يهدى يحكم عقله ويعرف اخطائه ويصححها
وهذا الشي اللي خلى بنوته مميزه بكل ما تعنيها الكلمه من معنى
الله يوفقها في حياتها ويسخر لها كل خير

وتأكدي غناتي البريئة محد له حق الاعتراض على النقاش ولا حد منع حد
من النقاش الطيب الراقي ونحترم كل وجهات النظر ايا كانت

اتمنى من الجميع دون استثناء عند مناقشتي في
جزئيات من ردي المسبق التدقيق الجيد في حديثي

اتمنى من العلي القدير ان نحقق الغايه الطيبه من هذا الطرح
اللهم اني اسالك العفو والعافيه

لكم مني كل الاحترام
اختكم في الله
راقيه في حضورها

رد مع الإقتباس