الحرب لا صارت ما بين ( ملوك ) .. يرتاح القزم ..!
المعركــــه
الحرب لا صارت ما بين ( ملوك ) .. يرتاح القزم ..!
قدام أجي .. و أحط خشمه / تحت رجلي .. و أفركه
بالمختصر .. و المسألة / قدر .. و مقامات .. و عزم
اللي ما هو قدّ ( الملك ) .. ما هو بقدّ المعركه
حتى الرعاع اللي معيشتها على مسح الجزم
صارت تعرف الفرنكه .. وتجيد فن الفبركه
ياهيه .. يامال العمى اللي يخزم عيونك خزم
شفني عدل .. واسترجع الماضي معي .. و استدركه
ركزّ .. و فكّر .. في حياة الأنبياء أولي العزم
وأنت تعرف فرق النفوس المؤمنه و المشركه
واللي خلقك بلا ظهر .. بتموت ماقيل احتزَم
مواقفك وش هي ؟ بلا ضعف .. ونفاق .. وجمركه
ما أنت بولد عمٍ قفا .. ولا ولد عمٍ لزم
سلعه تروجها الصحافه في زمان الأمركه
فغصبٍ عليك تراعي حدودك .. وفيها تلتزم
ويلك لو اسمع لك نفَس .. ويلك لو اشوف حركَه
ياسخرية الأقدار .. وشلون الجمل حنّ ورزم
وهو على ماقيل فمراح امهاته .. مبركه
لكّن خذها من لسان اللي اليا راغوا .. جزم !!
خذ الصحيح .. وغيره ذلك صد عنه .. واتركه
( الأمعه ) في كل حاجه .. ما انتصر ولا انهزَم
خارج حسابات العقول الواعيه والمدركه
والرجل لاقّفا شبابه .. لا ذبح ولا عزم
مثل المرأه وأردا شوي .. مافيه خير ولا بركه !!
لأجل كذا .. خلك هناك بعيد .. وأرتح ياقزم
قدام أجي .. واحط خشمك تحت رجلي .. وافركه
الدآهيه ../ محمد جآرالله السهلي ..~
|
hgpvf gh whvj lh fdk ( lg,; ) >> dvjhp hgr.l >>!
آنا آنثى ..
تستهويني آشياء و آشياء . وآمتـنع عنهآأ
بـمنظور آلعقل مني !
فـيستنتجوآ بني آلبشر قُربِي
بِأَنِي ........ غـامضـه !