الحب ماهو سلعة بيد كذاب ٍٍ~..ْ}
الدمعه اللي وقفـت بيـن الاهـداب
لا تسأليني يا الغـلا عـن خبرهـا
الهجر ماهو من قوانيـن الاحبـاب
لانه سبب دمـع العيـون وسهرهـا
هذا الجفا ماني بعارف لـه اسبـاب
خيَّم علـى نفسـي وبيـن كدرهـا
انا اشهد ان الهجر في شرعي ارهاب
وانا انبذ الفرقـه بشتـى صورهـا
الوصل يا نبـع الغـلا سكـره ذاب
سطى على دنيـا الغيـاب ونحرهـا
والحب ماهـو سلعـة بيـد كـذاب
وما هو حلوم وكل من جاء عبرهـا
الحب بقلـوب المحبيـن لـه بـاب
من يدخله بنـى قصـور وعمرهـا
يحكم قلوب وبالخفا يأسـر البـاب
وارواحنا مـن دون نـدري اسرهـا
وقلبي اسير وعن هوا الزين ما تاب
اللي دموعه لاجـل عينـي نثرهـا
حتى سمي حبه على كـل الاقـراب
ومراسم افراحي حبيبـي حضرهـا
ولامس مشاعر نبضهـا دوم وثـاب
ونفحات حبه حـول قلبـي نثرهـا
ماعاد تغريني فـي الحـب الالقـاب
وحددت رغبـات العيـون ونظرهـا
الظن في ما بيننـا صـاب ماخـاب
وقلوبنـا علـى الوفـاق اختبرهـا
وغيمة وفانا ماسقت ديـرة اجنـاب
علـى مرابعنـا تهامـى مطـرهـا
واسقى مشاعرنـا مـوده وترحـاب
وسيرة غلانـا سلسبيلـه غمرهـا
كتبت لك شعـري ومانـي بمرتـاب
يا قصـة والشعـر مـا يختصرهـا
hgpf lhi, sgum fd] ;`hf SSZ>>XC