إلا عطرك .. دخيلك لاتحطينه !!
محد عمره حكى بك... في غيابك... إلا عطرك !
إنتي رحتي من هنا... وهو قام يغتابك... إي و ربي... عطرك إغتابك !!
من سريتي... وهو يسولف... ما ترك شيء إلا قاله...
من " ألف بائك " ... لـ " يائك "...
الله...
لا تحطينه دخيلك...
لا نويتي تسهري...
ينشر الفوضى ويربك .. كل شيء في المكان !!
يفتح الأبواب قبلك...
ولا سريتي... يرجع يعيد اللي كان...
إسمعي وش قال لي عطرك لما رحتي ؟!
عدّد الأشياء بحياتك...
كم تركتي !
كم جرحتي !
كم نسيتي واحد مثلي ... ورحتي !!
كم زرعتي الدنيا من حولك وعود...
أسئلة و شمع وردود !
كان حاقد...
بس ما حاول يسبّك !
ما ألومه...
كان مستكثر عليّ
اندهاشي... وفرحتي بأول لقا !
انتهى الليل... و ..
وما بقى شيء
إلا عطرك !!
. . .
للشاعر .. مسفر !
Ygh u'v; >> ]odg; ghjp'dki !!