لا طلبت الوقت عيّا وجاوبني بدا = والسكوت اصلاً ذهب بس مابه فايده
واصلٍ خط النهايه وغيري مابدا= وأبتدي بالمنتهي في العصور البايده
أدري ان الجدي وسهيل في الجو احددا = وأدري ان المرجله للهلايم كايده
لي ثلاث سنين ما بلل عروقي ندى = ولي ثلاث سنين وجروح قلبي زايده
ولي ثلاث سنين رجلي على الدرب اتحدا = لا أنثنت مديتها والمسافه كايده
الصديق الصادق اسوق روحي له فدا= وعادتي لا صار عندي حنج ما أعايده
يا زمنّا معظم الناس ما منها ودا =والوجيه الكاذبه يا زمنّا سايده
والله اني لو ماحصل مايشري لي غدا = ما أرتجي كف البخيل تهبي لي مايده
دام صوتي كل ما أزهم يعود له صدا = فالقناعة كنز والنفس عنها ذايده
ولا طلبت الوقت عيّا وجاوبني بدا = يعني أني لا تحاكيت مابه فايده

الموضوع الأصلي: جاوبني بـــــدى || الكاتب: أروع جليس || المصدر: منتديات الأماكن

المصدر: منتديات الأماكن