منتديات الأماكن - عرض مشاركة واحدة

28-11-2010, 09:42 PM

المشاركة 22



رد: ][ 14 حْقِيقهَ ][

السلام عليكم ورحمه الله وبركاته..
طرح فعلا قيم وحبيت الفكره..لاهنتي يالغاليه واشكرك
من كل قلبي على دعوتك واتاحه الفرصه لي للتكلم بمساحات كافيه..
امم مادري من وين ابدي لكم بس بقول كل شي بخاطري بسولف بعيد
عن التكلف لجل تفهمون علي..^ـ^..

1ـ انثى رقيقه ..مااحب الكذب احب اكون صريحه بعيدا عن التجريح
ومااحب ابد ابد اترك شي بقلبي كل اللي يضايقني اقوله حتى لو دفعت الثمن
لجل اللي قلته عادي..

2ـ مو اجتماعيه كل وقتي اقضيعه مع نفسي في قراءه الكتب او في محاسبه
نفسي على كل شي سويته وضايقني..نادرا مااجتمع مع الناس واحب تجمعاتهم..
هاديه شوي بس احاول اتأقلم مع الناس واكون اقرب لقلبوهم بصمتي ..

3ـ طموحه واطمح الى اني اكون شي مهم مستقلبيا اتمنى ادرس اداره اعمال
او اكون محاميه او اكون بمجالات تطوير الذات لانها من اختصاصي..متفوقه بدراستي
ومن الاوائل طبعا..موهوبه في مجال الرسم والخواطر وتقديم الاذاعات المدرسيه
وكتابه القصص وخيالي واااسع ماله نهايه ابد..لجل كذا متميزه بكل حالاتي ولي
شعبيه كبيره بكل مدرسه ازورها ولله الحمد..خذيت جائزه المركز الثاني
في ابها بالمتندى الادبي..وجائزه افضل القاء..وجائزه افضل قصه وخاطره..

4ـ اهتم بنفسي وااايد احب اكون ناعمه وانيقه ومااحد يشبهني واتميز عن الكل
اعتني بانوثتي عنايه تااامه واحب اكون الافضل اتبع الموضه بكل شي لكن
اذا ماكان مناسبني او مو ستايلي ابد مااتبعها..^ـ^..
احب اتدلع لابعد الحدود بس مو بملاقه كل شي بوقته..^ـ^..
ولاشفت احد مقلدني بشي خلاص مابيه ..

5 ـ دمعتي غاااااليه ومستحيل اعرضها على احد وبقدر الامكان احاول اخفيها
لان مو احد يقدر يبكيني او ينزل من عزتي وهيبتي..

6ـ عزيزه نفس الا بحاله وحده ويمكن تستغربون..لاحطيت احد ببالي وابي اوصل
له واعرف اهوا شلون طبعه صفاته كل شي فيه بتخلى عن كل شي واوصل
للي ابيه منه بطريقتي الخاصه وغصب اتوصل لها الشخص ولو كلفني
حياتي وصحتي وكل شي عادي اهم شي وصلت له..

7ـ البعض يقول عني عنيده وصعب احد يقدر يغير رأي لكن مااعتقد
اني عنيده ومااحب العناد الا في حالات..^ـ^..واذا كنت على خطأ
واللي حولي يبي مصلحتي واقتنعت باللي يقوله ممكن اتنازل..
8ـ نبيهه ومافي شي يعدي قدامي عبث التفت لكل الامور واخذ
اللي يفيدني..واترك كل اللي يضرني الا بحالات الفضول اندفع له
لجل اعرف شنو اهوا..

9ـ مااحب احد يتحكم فيني او يفرض رايه علي او يقعد يتأمر
اتبع مزاجي لاني مزاجيه بشكل ماتتصورونه الحين زعلانه بعد
دقيقه مروقه شنو صار..عاد بكيفي..^ـ^..

10 ـ متسامحه لابعد الحدود وياما ناس استغلوا هالشي فيني وانسى.. كلمه
اسف تكفيني عن كل الجروح اللي صارت منك..بس ماانسى..
مااعرف شي اسمه حقد وغل وكراهيه اقول هالشخص اكرهه بس لااكره ولا شي
لاني بجد عمري ماكرهت او اذيت احد..

11ـ اذا زعلت ماانتظر احد يراضيني ابد ومابي اشوف احد قدامي لازعلت
اراضي نفسي وبسرعه ارتضي مااقعد بالايام والساعات قالبه وجهي..

12ـ عصبيه بجد ماتحمل احد اي شي يضايقني وحتى وانا مروقه تشوفيني
معصبه وامشي الكل على الصراط المستقيم..
احيانا اكون مندفعه ومستمعه جيده..^ـ^..

13ـ احب امنح اللي حولي الامان واحب الكل يثق فيني ولله الحمد اكون
قد الثقه وهالشي يعني لي الكثير..اكره ثقتي بالناس احيانا اثق بأحد ومايستاهل
مني هالشي وادفع ثمنه حزني وصمتي تغير ملامح وجهي..
من دون مااحد يعرف شنو السبب..

14ـ طيوبه ولله الحمد اعطي الا مالا نهايه وماانتظر عطا من احد
عفويه لكن مو بكل الاحوال...مايهمني كلام احد دام انا مقتنعه بكل شي
اعمله مايهمني كلام حسادي عندي قناعه جدا كبيره اني الافضل
مو غرور لكن ثقه ادفعتني اكون الافضل بكل شي لجل كذا مهما قالوا
حسادي ماالتفت لهم ابد..

ازعل امي مني وايد دايم تعاتبني على تصرفاتي ومو راضيه تقتنع اني كبرت
وصرت ادري بمصلحتي تخاف علي من كل شي ودايم تهاوشني..
كل يوم اتاهوش انا واهيا كل يووووووم..على كل شي..تبيني اكون مثل ماتبي اهيا..؟
شلون بالله..؟
مع كل هذا احبك يمه وماتوصلت لهذا كله الا من دعواتك..
ربي لايحرمني منك..
امم وبس..الحين عرفتوا كل شي..قلت كل شي ومابقى
شي الا وقلته عادي كتاب مفتوح الا بحالات شخصيه فقط..^ـ^..
تقريبا هذا اللي اقدر اقوله لكم..
من كل قلبي شاكره لك استضافتك..
طرح بالفعل راقي وشكرا لتميزك وعطاءك..
تقديري واحترامي لك..

لقلبك..

رد مع الإقتباس