ياحريم .. تعالوا عندي شي مهم !
اسمعوني ياحريم
انا اول مره ازوركم هنا .. تعرفوني ما اجي
الا بدعوات 
بس هالمره عشان عندي شي يهمكم
لحد ينافخ علي .. ووش تبي هذي مناديتنا على شي سخيف !
خلوني أكمل ..
اللي هنا .. لو سمحتي ممكن اتكلم !
اسمعوا حبايبي
اكيد كل وحده فيكم تبي شي يخلصها من شعر جسمها
وحايسه فيه بالحلاوه ولا بالموس ولا بالجهاز !
عاد انا شخصيآ مو مقتنعه الا بالحلاوه
لحد الآن مافي شي مجرب وكان احسن منه !
حتى الليزر مو دايمآ يضبط معاك .. الا اذا اتبعتي تعليماته بدقه
عاد مالكم بالطويله
اللي ابي اقوله ان جاني ايميل يتكلم عن هالشي
اشلون نتخلص من الشعر بطريقه سهله ولمده ست سنوات كامله !
يعني ست سنوات الشعر مايطلع !!
اشلون ؟!
الطريقه ماخذينها من حريم السودان
وحده سودانيه علمتنا عن هالخلطه وهي جسمها
مافيه ولاشعره .. فتقول هذي الوحده مدري مين هي
تقول انها سألت هذي السودانيه قالت لها انتوا مافيكم
شعر أصلآ ولا وش السالفه ؟!
قالت الا يطلع لنا مثلكم وغزير بعد .. بس احنا مو فاضين
كل يوم نقعد نشيل .. ماعندنا شغله الا هالشعر !! < زواله أبآ عن جد
فاخترعنا هالطريقه ومالها اضرار
يعني اللي مانفع معها مارح يضرها ..
طبعآ تقول هذي السودانيه :
اول شي اجيب موس حلاقه وأشيل فيه الشعر كله
اللي بجسمي .. بعدين أبلل جسمي بالماي وأرش عليه
ملح .. طبعآ الملح العادي مو الخشن .. وتبدا تفرك جسمها بهذا الملح
بعدين تجيب كيس وتلفه على المكان اللي شالت منه الشعر
لين مايعرق المكان .. بعدين تشيل الكيس وتتسبح !
ممكن كيس نايلون حق الأكل او كيس عادي مافي مشكله !
وبس ..
عاد انتي جربي في مكان معين
من جسمك واذا حسيتي فيه فرق
سوي على الباقي!
انا ماجربت الطريقه
كل يوم اقول بكره ..وأأجل
فاللي جربته تقولنا اش صار معاها .. !
يعطيكم العافيه
dhpvdl >> juhg,h uk]d ad lil !
التعديل الأخير تم بواسطة زائره ; 23-12-2010 الساعة 12:38 AM