البارحه والليل يدرج على الهـون=والنار في وسـط الحشـا مدلهمـه
عليك ياخل(ن)من النـاس مزيـون=ماشافت عيونـي شبيهـك فالامـه
اروح انا لاشفت رمشك والعيـون=مـرواح مـن روح بدلـوه بجمـه
والا الجديل اليا ضفا غطا المتـون=دبياج سندس لانتثـر فـوق كمـه
واللول في صف الثنايـا ومكنـون=واليا ابتسم حلـت عليـك المطمـه
من خده الي شاع نـوره بالمـزون=والعنق عنق الريـم لاجيـت يمـه
والفم توته في حلاهـا مـع اللـون=يبلـش مـع اللقمـه اذا فـك فمـه
والخصر عود الموز بالحجم موزون=والردف مدري كيف خصره يزمـه
لاشفت زوله قمت اكوسر لي لحون=ترخي وتشلع بيـن فتحـه وضمـه
لاوالله الا راح سطـام ابوسـنـون=زود عليه الزيـن مـع زودغمـه
الوضع ياخلي من الـدون للـدون=والحال اشوفه ناشف اليـوم دمـه
ليتك تشوف الحال والوضع وشلون=واسبـاب بعـدك ياوليفـي وهمـه
فكر(ن)تشتت بالتفاكيـر مشحـون=نوب(ن)يصيد العلم نوب(ن) يخمـه
قلبي تعلق واصبح اليـوم مسجـون=مفتاح قيـد القلـب عهـده وذمـه
وان كنت ناوي بالمواصل تشحـون=بشكي ترى للحـب خالـه وعمـه
عليك ياخل(ن)من النـاس مزيـون=اسباب بعـدك يـوم تبعـد وهمـه

الموضوع الأصلي: عنق الريم || الكاتب: سطام ابوسنون || المصدر: منتديات الأماكن

المصدر: منتديات الأماكن