يالي يفز القلب لا مر طرياه..(أول مشاركة لي)
السلام عليكم ورحمة الله وبركاته ..
يشرفني أن أضع اولى مشاركاتي في هذا القسم متمنيا له دوام التميز والابداع..
يالي يفز القلب لامر طرياه
ويغيب له عقلي وتخشع له الروح
ولا شفت زوله صيح القلب ويلاه
واصارع الدمعه واكافح على النوح
وااصغر امانيي احقق مناياه
واصير انا الشمعه وهو ضون يلوح
ويالي على شانه وشخصه عشقناه
عشق البكيم الي عرف لذة البوح
ارجوك ارحم شاعرن ضيع وتاه
في بحر حبك غارق وقابض اللوح
كان يتأمل فتنتك ويتحداه
انها تحرك به وتخدش هالجموح
ويقول انا قلبي ولو جاه ماجاه
ماهي بأنثى الي تخليه مجروح
واليوم صارت حاله واستغفر الله
امنيته بس يموت ويرتاح ويروح
وسلامتكم
ويليت أسمع ارائكم بصراحه..وودي أعرف وش أكثر بيت عجبكم
dhgd dt. hgrgf gh lv 'vdhi>>(H,g lahv;m gd)