صراحة موضوعتس على انه واضح بس في نفس الوقت يلحس المخ
يعني من جد مدري وش تحسين فيه وانتي تكتبين الموضوع

ماعلينا

* مع اني شخصيا اقول في قرارت نفسي صح فيه غلاء بس مو ذاك الغلاء
الله يخلي لتس الوالد ويطول بعمره هو الي يصرف على البيت
وانتي مغير مسنترتن عند هالنت وفاقتن ثمتس ماتدرين وش سالفة الاسعار

على سبيل المثال << اهم شي الون
سعر سكر الاسرة 10ك كان بـ 24 ريال رمضان الي راح الحين 45 ريال





لكن ياترا البعض شلون بيتصرف مع مارزقه ربي من خير... وش مخطط له ؟!؟!
فلانه من الناس بتقوم وتطق لها جوال آخر موديل بمبلغ وقدره
وفلان يقوم ويطق له سياره أجدد من اللي معه
وفلان اخر يطق له شقه غير اللي معاه
وفلان ,,, وفلانه .... الخ

حلوه سياره وشقه براتبين !!
وش رايتس بعد .. والي يبي يطلع هيليكوتر علشان زحمة الرياض !
هذي الله يسلمتس هدية راتبين من ابو متعب يقول وسعوا صدوركم فيها والخير قدام ان شالله

طبعن فيه ناس راح تستفيد منها في تسديد دين
وفيه ناس تبني وموقفين وجاهم الفرج من الله ثم من ابو متعب
وفيه ناس لها سنين ماسافرت وتبي تسافر
وفيه ناس بخير وجتهم زيادة على الخير الي عندهم
وفيه ناس من زمان ماغيروا اثاثهم وهذي فرصتهم

الاهم لحد يبخل على نفسهم ولا على بيته
سواء ابوه او امه او اخوانه او زوجته وعياله
ولا ينسى يطلع منها مبلغ بسيط لوجه الله

ومن ناحية غلاء المعيشه واسبابها والقضاء عليها هذا يطول شرحه ويبله موضوع مستقل

اني ويز
موضوع كتير منيح .. منيح كتير
من انسانه منيحه كتير .. كتير منيحه


يخليتس ربي