يالله انا جيت

بيني وبينكم فكرت ادق على المطعم واجيب شي واصوره واحطه لكم بس ...ماهنتو علي
ومن حظكم القميل ان اخوي اشتهي شي مااا والوالده كانت طالعه فقلت خليني اجرب الابداع فيه !!
يالله بالله انتبهو للمقادير والطريقه في اثناء السوالف <<<مطوله الاخت!!
اول شي تتاكدي من مقاديرك مو تبدين وتكتشفين انه فيه شي ناقص وتترجين فلان وعلتاان يجيب مقاضيك!!


تعوذي بالله من ابليس وسمي الرحمن وغسلي ايدينك بالماء والصابون جيداااا <<واربطي شعرك انتى بتطبخين مانتى حاظره زواج!

نبداء بالطبق الاول اللي هو مكرونا خضار بالباشميل <<<<<الاسم لحاله اليم
تحضري حشوه لحم او دجاج (انصح بالدجاج اخف+مااحب اللحم انا بس علشان اخوي وراه عرس ومسؤليه قلنا محتاج تغذيه)
سر حشوه اللحم الثوم يضاف مع اللحم علشان الزفر واضيفي قرفه مطحونه مع البهارات ..طبعا ماانتعامل مع الماجي بتاااتا

ثمن خليها على جنب وروحي للثلاجه وطلعي أي شي يسمى خضار (بطاطس \جزر\باذنجان)الاساس واذا عندك شي غيره هاتيه معك ثمن قشري الخضار وقطعيه مكعبات صغيره <<مع الانتباه انك تغسلين الخضار قبل وبعد واثناء التقطيع...وصايا الواالده انتبهو
بعد التقطيع اقلي الخضار كل واحد لحاله (يعني البطاطس ثم الجزر ثم الباذنجان )موتخلطونهم مع بعض وتقلونهم !!زي وحده هنا سوت بلاوي زرقااا!
وخليها على جنب
سوي صلصه بيضا بطريقتك الخاص هاو البعض يشتريها جاهزه ...اختكم تسويها <<ياهوووو مين قدك
السر :استخدمي زبده (علشان الطعم)وحكي معها قليييل زيت(علشان ماتحترق)
اضيفي الطحين والكميه بالنظر ماااتقيد بمقادير هنا<<<ابوووك يامنال العالم
اضيفي الحليب الساخن واخلطي بسرعه حاولي يكون السائل اكثر علشان ماتتكتل ووطي النار
فلفل اسود وكم ملعقه جبن سائل <<<بالعاده اكثر بس في هالوصفه لاتكثرين ....بعدين تعرفين ليه
خلصنا الصلصه البيضا وخليها على جنب

سر الوصفه هنا <<<<<علبه قشطه +4 ملاعق جبن سائل +اقل من ملعقه مايونيز....لانهم كسرو خاطري احسهاااا دسمه!!
اخلطي المقادير هذه وخليها على جنب
هاتى الصنيه البايروكس وجيبي اللي سويناه فوق وركزي على الترتيب<<<<3مرات ادق على امى اتاكد!!
قليل ماكرونا مسلوقه وملعقتين كبار صلصه بيضا بعدين اللحمه بهدين الخضااار بعدين اخلطي بقايا الصالصه بالمكرونه واسكبيهم على الخضار وصلحي الصينيه بملعقه ثم على راسهم حطي السر اللي قلته (القشطه والجبن والمايونيز)كذا خلصنا العماره وهووووبا على الفرن يعنى ماتطول ربع ساعه وحمريها من فوق وكذااا تطلع النتيجه

ناظروووو


نصيحه جربوها بطريقتى بس لاتكثرون صحنين يشبعكم<<<لزوم الرجيم


الطبق الثاني دونات بطريقه غلوووووو
عجينه مكونه من بطاطسايه متوسطه مسلوقه ومهروسه ملعقه سكر 3ملاعق حليب بودره كاس مويه وربع بياله زيت اخلطيهم بالسلك ثم كاس او كاسين طحين ملعقتين بكينج بودر وملعقه خميره واعجنيهم بيدك <<<<اهم شي تكونى معصبه هنااا ومتهاوشه علشان تعجني بضمير
اتركيها يعنى نص ساع هاو اكثر اشوي حمي زيت غزير وبللي ايدك وكوريها وهووووبا في الزيت<<<بتتشوهون هنا من الزيت مايقصر بس عادي فدااائن للمطبخ
بتشوفينهاا تتحمر وتنقلب لحالها <<<منظر بديع
بعد ماتخلصين الكميه دحرجيهااا(تعبت على الكلمه الف)بسكر مطحووون ناعم <<ماطحنته كثير لانوو في البيت مااايحبو الحلااا كثير <<<نصيحه اذا ودك تصيري ذربه قبل تقلينها احشيها جبن كيري واقليها ودحرجيها بزعتر<<<
بس اليوم انا مانى ذربه ابد..!!
بعد السكر زينيها بهيرشي سائل<<<<احس منال العالم بدت تغار منى مدري ليه؟؟
وهذه النتيجه سموو





وهنا صوره جماعيه قبل هجووم اخواني المفاجيع!!



بالعافيه سلفاااللي بيجربها



تم بحمد الله وشكره


اموت واعرف الصور تظلم الحقيقه ليه!!

وربي صورت الطريقه بالتفصيل بس مالي طاقه على الفوتو هاليومين احس انى حاقده عليه+مرهقه حبتين
لعيونكم بس حطيت الشي اللذيذ اللي فوق

ابشركم طلعت من المطبخ بدون أي حوادث <<((غير حروق بسيطه من الزيت..))وكلنا سالمين واهلي تعشو الحمد لله محد راح المستشفى



هاه راقيه ياحبي لك كم النتيجه !!<<<<ينفع تصير طباخه والا ماينفع!!


مو من اشويه تزعل منى منال العالم ..!!

من جهه اخرى؛؛؛؛ حبيبت انزل الرد بخلفيتكم بس مارضت .....ياربي حتى خلفيتكم تغار من خلفياتي ؟؟؟وش اسوي يعني

عاد سوري خربنا الموضوع وحطينا خلفيه غير السموووحه


يالله الضحيه اللي بعدي


البريئه البنيه تبع الشعر<<<<ياحبي لك انتى ومطبخك