{(*&*^صـبـــاحـكـــ^*&*)}
السلام عليكم ورحمة الله وبركاته
يسعـد ايامكـم بكل خيــر ..
وأجازه مباركه على الجميـــع
واعتـذر عن الغيبه لكن المنتدى طول هالفتره مو راضي يفتح معي ولا ادري وش مشكلة امه
المووهم مالكم بالطوويله ..تراني نجحـت وجبت معدل يخلي الدافور يصيح
يعني تراني اقولكم ان كان عندكم هدايا والا شي
نجي للقصييييده جت معي هييك دون سبب او مغزى ..اتمنى تعجبكم
صباحكـ نسمةٍ هبت لأجل تبعد سموم الصيـف
بعد طوول الهجير اللي تعبت أركض ورى ظله
صباحكـ ريحة البن اليماني فـي دلال الكيـــف
صباحك بسمـة أشفـاهٍ تنسيـك الغثـى كلــه
صباحكـ وجه أبوي اللي أصوله تنعرف بالهيـف
صباحك شاعــرٍ مـوال شعـره يبـري العلـــه
صباحكـ عين شيهانه كحيلـه مثلهـا ماشيــف
صقاقيــر افتنت في نظـرةٍ مـن عينهــا زلــه
صباحكـ عاشقٍ بالصدق تربى مايعرف الزيف
وآآفي بالمحبـه والوفــاء فـي هالزمـن قلــه
فديتكـ يابعد عمر الخلايق لـو تبـي تلحيــف
أضمك بالحشـا ضمـــة خليـلٍ هـاويٍ خلــه
تبختر بالحشا يا.صاحبي دامك عليـا ضيـــف
من حقك ثلاث أيام لو اعطيـك الغــلآ جلــه
بأسكنك العيوون وراحتيني لو تبيهـا نضـيـف
واغطيك برموشٍ مارضت في عمرهـا تجلـه
واذا صد الفرح عنك اباقف له أنـا بالسـيــف
همي دمعتـك لايـوم اشـوف عيونـك تهلـه
وعلى عهد الهوى بكتب حروفٍ مابها تزييـف
كثير اللي من العشـاق بـلا مبـدأ ولا ملـه
V(*&*^wJfJJJhpJ;JJJ^*&*)C
التعديل الأخير تم بواسطة شيهانة أبوي ; 21-06-2011 الساعة 07:54 PM