ليتك خطا واستغفـرالله وأتوبك
شفني ليا من قلت بنساك .. ماانساك
أقسـى جروح القلب من جور فرقاك
وأعظم ذنوب الحب فينـي (ذنوبك)
كل ماخطيت أقول ..تكـرم خطاياك
أضحك على نفسي .. واداري عيوبك
سلمتني لـ دموع حزني .. بـ يمناك
وتركتني مسجون .. بـ أخر دروبك
علمتني .. كيف أعشقك و أتمنـاك ؟
ونسيت ماعلمتني .. كيف أتوبـك ؟
لو كل ماجاء منك ياصاحبي .. جاك
(من كثرضيقك..ضقت حتى بثوبك)
لكن تأكد قبل .. مـاتبعـد خطـاك
(اللي حكوا بي ياحبيبي حكوا بـك)
كذبت عقلي فيك واختـرت دنياك
وصدقت قلبي ..فيك وأثره كذوبك
شفني ليا من قلت بنساك.. ماانساك
في كل درب أمشيه أمشيه.. صوبك
تعبت أجمع مابقـى.. مـن بقاياك
وابكي على الاطلال لحظة غروبك
ليتك كلام .. واعتذر عنـك وانساك
ليتك خطا .. واستغفـرالله وأتوبك |
gdj; o'h ,hsjytJvhggi ,Hj,f;
التعديل الأخير تم بواسطة منتهى الحب ; 21-08-2011 الساعة 07:49 AM