الموضوع: عّشـْقّ بَـدْويـّه
عرض مشاركة واحدة
قديم 28-09-2011, 11:31 PM
المشاركة 3
الصورة الرمزية أتقهوى عذابك

 

  • غير متواجد
رد: عّشـْقّ بَـدْويـّه
معشوقتي ما للفرح برجوعها يمي سبيل
الا مثل ما للربيع من الزهور اليا ذبلت
.
معشوقتي من عمر جيل ومدرسة مليون جيل
معشوقتي رمز السنين اللي تجلت وانجلت
.
اللي على كثر المصايب كل مافيها جميل
الناس لا كبرت تشين وذيك لي كبرت حلت
.
لامن تثــنت للهبوب تمــيّل اللي مايميل
وان مالت عقول الخفاف من الرياجيل اثقلت
.
كن الكلام بثغرها مجرى سبيل للسلسبيل
مسترسله لو ماضميت ولو ضميت استرسلت
.
تقبل على لون المسا لاجات مفتوله جديل
غصبن عن عيون النسا مايرمشن اليا قبلت
.
عشقتها لاني من اللي يعشقون المستحيل
صدقتها لانها لـ قالت القول : افعلت
.
الترفه اللي تنطح الفريّــس وتفك الدخيل
ما فالرجال اللي تحملني مثل ماستحملت
.
لو كل خلق الله ملو ماتمل وماتميل
لان الرجال فهالزمن قلو هذيك استرجلت
.
يوم ان وقفتهم معي من باب مايخدم بخيل !!
هذيك ما وقفت جنبي .. هذيك تبهذلت
.
خانوا وهي ماخونت عالو وعيت لاتعيل
أتبدلت كل الوجوه وذيك ما تبدلت
.
لانه ليا عز الرجا ما للخليل الا الخليل
ماقذ قرت في محجري قصة عن الحزن وسلت
.
كن الذي يجري معي يجري على الطرف الكحيل
اليا رضيت ترضى عشاني وان تزعلت زعلت
.
تدوي بخفاقي دوي لين احيت الحلم القتيل
عشق بدويه لبدوي لاجت على البذل ابذلت
.
معها أعرف اني قوي حتى وانا مافي حيل
واعدها بمية خوي كان الهموم استفحلت
.
دام الشدايد تظهر بصاحبك معدنه الاصيل
ليت السنين اللي حدتني لـ الضياع استعجلت
.
الشده اللي تثبت ان اللي يحبوني قليل
ولا ضحكه في وجيه ناس لي تضايقت انكلت
.
بنت ليا منك وقعت تشيلك من القاع شيل
ابرك من وجيه الرجال اللي ليا طحت جفلت





صح لسان الشاعر الكبير والمميز حامد زيد

وتسلم لنا يمين الذوق والتميز اللي جابتها


ما قصرتي