الموضوع
:
صفحتي .. ثرثرة وضحكة وهمسة !!
عرض مشاركة واحدة
08-10-2011, 10:37 PM
المشاركة
274
عضو له مكانه في قلوبنا
تاريخ الإنضمام :
Apr 2002
رقم العضوية :
127
المشاركات:
6,276
وعتسه .. وضحتسه ..!!
أحس من زمان ما سولفت مع نفسي
<< تقصد هذرت عليهم؟
بعيد عنكم .. فيني وعتسة فولنزا متعلدزه لها أكثر من أسبوع
متعلدزه يعني ما تدري وش تبي
لا هي اللي سدحتني وخلصنا .. ولا هي اللي راحت وفكتنا
عاد أنا فكرت قبل تسمن يوم
وهي طبعا من المرات الدزليله اللي أفكر فيها بهالشي
الفكره كانت .. خير اللهم اجعله خير .. إني أروح التختر
عشان منها يمعط مني دراهم
ويعطيني كيستن مليانه علاجات أكثرها ما لأمها داعي << حركات الأهليات
وفي نص الفكره .. فتح الله علي .. ومر بدمجتي مشهد الدريل وراعية سورئه سورئه
هو أنا بس تذكرتها .. يا أنا جضيت في متساني
حسيت إني جايني شد عضلي في البتاعه خخخخخخخخ
لا إرادياً تحسست متسان الإبره في الاحم .. ورحمت نفسي
مير وأهون على طول .. وأهاوشني على ذا الفكره أصلا
قلتلي .. نعنبو بليسي .. ما بقى متسان في البتاعه للدريلات والحوئن أقوم أفكر أروح ثانيه؟!
عشان تسذا .. انثبرت ومسكت أرضي
ولازال العطاس والنشقه مستمره لين الله يفرجها
عاد مع ذا التعب .. رفيدزي الأثري
راعي النيميل
لازم يبدع ويضحتسني بسوالفه وينسيني شي من اللي أنا فيه
ذاك اليوم وبما إننا لاحظنا زياده في وزنه قلناله :
يابن الحلال انتبه لنفسك .. تسن كرشتك بدت تكبر وصرت تسنك حامل في الخامس
إذا ما لحقت عمرك تراك بتدبدب أكثر وأكثر لو ما خففت أكل
انتبه لنفسك .. مب تدبج في الأكل وتعصر بيديك في ذا الكبسه لين يبزبز الدهن بين أصابعك
حاول تكبح جماح نفسك المتهوره .. واربط يدك عن الرز لا تدبغ فيه
قال :
يا ناس ما أقدر .. مستحيل
أنا إذا شميت ريحة الكبسه تطيح سعبولتي وأدوخ
صراحه صعب في مثل هالموقف إنك تقدر تسوي بروتوكول
على رغبتك
الدرج قصده تسوي كنترول
.. يعني تضبط نفسك
قايلكم حايس أبو عائلة المصطلحات بأكملها
فوتوكو بعافيه
<< وين الأخت فتكات على غفله؟!
أجل تدرون .. تشااااووو
ask me
™
تشاوو .. يرحمكم الله
رد مع الإقتباس