" يا من يودّي له سلام " ؟!
ولّا وسايد السهر ..لاجيت أنام ؟!
ولّا الكلام .....
اللي ذبل على طرف أصابعي ..من غبت..
وازهر بي الخصام؟!
أو قصيدة ممتليه ندم
ولّا ملام ؟!

من يسرقك ..

من بين زعلك والتقيك..
من يسرق الخوف اللي ساكنّي واجيك
من يقنع الماي اللي فيك..
اني عطش..
وغصون عمري تشتهيك..؟
من يقنع نعاس عينك والخدر
اني سهر
على النوافذ أحتريك ؟!
منهو يقول لك يا الجمر..
اني أبيك. منهو يصالحني عليك ..؟!

ياللي خذاك مني الجفا
كل ليلةأشعل لك حنين
بدل حنين البارحه كل ما طفا
وكل ليلة أفرش لك جفن
عطر ودفا
صبر ووفا
وكل ليلة من قبل أنام
أوارب اطراف الهدب
علّ وعسى
يمرني طيفك عجل
لا من تعب فيّ الزعل
أو جفنه الصاحي غفا!
وكل ليله أسأل هالسؤال :
منهو يصالحني عليك ؟!
منهو يصالحني عليّ ؟ّ!

**


القصايد
حرية أنفاسك البيضا.. ونبضك
ليش صدرك..
يكبر اسوار وسجون؟!
ليش تخون؟
ليش تكون..
القاتل انت.. والضحية
وتبني في صدرك.. ضريح؟